Ɛsekeɛl 28:2 - mzwDBL

² “Nɛwɛnyini bie, bol Taaya kooro be ŋɔ men Nemenɛ Korowii ŋɔ, ‘He dɛ ɡɔɔ he te dɛ ŋɔ he ɛ voɡ, he dɛ so voɡ kara ta mpo bare cheme. Kɛ nɛwɛnyinii hen, he ta voɡ ɛɛ, he dɛ lii kɛ he ne voɡ wejema kɛrɛdɛ.

Ɛsekeɛl 28:2 ပူးပေါင်းရင်းမြစ်များ

Mumpar 3:5

Korowii jemɔ kɛŋɔ dɛ he di daa la nɔn aa, he sie dɛ ba pila, he jemɛ wedɛɛɡa ne anchɔɡa kɛ on ken. A waa o ŋɔ he bɛ di la.”

2 Webena 26:16

Kɛ Kooro Ussia aa ba dɛ di kpeɡri la, mbarafo nomanta o cholo. O waa ta kasinteŋ dɔe tɛ Korowii waa dɛ tomɔ, dɛ ka jo Korowii Dea ŋɔ o ka fuh daawiile a sɔɔh aa soma kon baa dɛ fuah a ta la ta.

Yela 9:20

N Naa Korowii, aah ba, ɡel ba jemɛ kɛŋɔ nɛwɛnyinaa ban.

Sɛɡla 16:18

Mbarafo dɛ ba chɔɡa ne, asɛ maŋkurae ɡe ɛɛ ba harɛ lɔe ne.

Sɛɡla 18:12

Maŋkurae nɛn aa dɛ maŋkura o te laanee dɛɛ ba o harɛ lɔe ne, pwɛra waa dɛ pwɛr o te ɡe ɛɛ tɛo jirima.

Aesaya 2:12

Nemenɛ Korowii le tɔpere bɛl cheɡ, dɛ tɛ nɛra baa dɛ ɛ mbarafo ne sɔnnyin, ne nɛra baa dɛ ɡɔɔ ba te, dɛ́ ba ba ne harɛ.

Aesaya 23:8

Umee ɡela ɡɛ waa nɔ chiɡ Taaya ɔ? Kondɛɛɡa bwɛɛ o bonadiire aa beɡre koobii dɛ dɔ nyanyini harɛ nɔ ta bwa laanee nɔ naa?

Aesaya 31:3

Nɛraa Ijipt tena, Korowii laa ban, asɛ ba jaɡre ɡe ɛ ola, a ta kwaa aa bea yaa wola an na ɛɛ. Dɛ Korowii baa ir o nɔn dɛ́ tɛr nɛra deŋne aa, nomɛlbwa waa dɛ cha nɛra ɛɛ keeruu, ásɛ nɛra baa dɛ cha ba la ɡe choɡli, ásɛ ba nɛmbele banɛ la bwa pɛ dɛ́ chɔɡ.

Aesaya 47:8

No, he dɛ di he bwara, dɛɛ lii kɛŋɔ wobɛlbwa toole dɛ́ won ɛɛ. He ŋɔ he ne Korowii kɛrɛdɛ, dɛ ŋɔ, nomɛlbwa toole he habɔɔ. He ta liire kɛŋɔ hɛɛ ɛ luhaahnee bwa, haa biseo ɡee di.

Ɛsekeɛl 16:49

Wechɔɡa he nime Sodom aa dɛ ɛ laanee nɔ. O ne o bihaahna dɔ mbarafo, ba dɔɔ kohona dɛɛ di ba waane laa nomɛlbwa wa. Ba ta nyaara ne nɛra aa hiah ba chae.

Ɛsekeɛl 26:17

Baa taa wiilee ŋɔ, ‘Ba chɔɡ bwɛjen o sɔn aa lea la. Ba pa o stiimaere bwa le mpo ta kaa. A ɡɛ nɛra baa soɡe bwɛjen nɔ ta laanee dɛɛ di kpeɡri mpo ta, dɛɛ aah nɛra baa soɡe o nyoa la.

Ɛsekeɛl 28:1

Korowii bol waa men Ɛsekeɛl be ŋɔ,

Ɛsekeɛl 28:17

He wer haa doa la ɡelɔ he ɛ mbarafo, dɛ chɔɡ he wejema, he nyanyini la wa. Anomanta, n taɡɛ ta harɛ a wa, ásɛ koranar na a ja ba.

Ɛsekeɛl 28:9

Hɛɛ won ŋɔ he ɛ voɡ nɛra baa dɛ ba ba kpoe la be naa? Nɛwɛnyinii hen, he ta voɡ ɛɛ nɛra baa kpoe la nɔn ta.

Ɛsekeɛl 29:3

Ŋɔ o be ŋɔ men Nemenɛ Korowii ŋɔ, ‘Ijipt kooro, n ne he dɔɔ, he do kɛŋɔ lɛŋɔ damanta dɛ do he nenabɔɔne ta. He ŋɔ Nael Moo ɛ he kon, he ɡbabirii ɛo.

Ɛsekeɛl 29:9

Ijipt harɛ bwa dɛ ba chɔɡa, dɛ́ chɔ pɛɛ, ásɛ ba jemɛ kɛŋɔ menee Korowii. Haa ŋɔa ŋɔ hen dɔ Nael Moo, henee ɛo la wa.

Ɛsekeɛl 31:10

Name kenii men Nemenɛ Korowii ɛɛ bol waa aa dɛ ba daa waa kpeɡa kaa baama ta la pui. Waa do jaŋne kohona nomanta, o mbarafo.

Daneɛl 11:12

Ijipt kooro la ɛɛ maŋkura o te pɔe waa pɔ ba nɛɛ la waa, ne laa tena waa kpoo ba warɛ la, kɛ waa won teŋɛ dɛɛ pɔ o dɔma nɛɛ ɡɛ.

Daneɛl 11:36

Siiria kooro la ɛɛ ɛ ɡɛ waa dɛ nyinii, dɛɛ ɛ mbarafo, dɛɛ ɡɔɔ o te ŋɔ o ɡwaa voɡ bɛlbwa, hale Nemenɛ Korowii waa kana la. Wɛɛ ɛ ɡɛ waa nɔ bwaa ka tel saŋ Korowii aa tɛr o deŋne. Korowii ɛɛ ɛ waa waa bola ŋɔ wɛɛ ɛo laanee.

Daneɛl 11:37

Kooro la aa duuree kpɔ tɛ voɡa o naawa aa toma la, ne onɔ la haahna aa dɛ nyinu la. Kasinteŋ, waa voɡ bɛlbwaa duu, dɛkalkɛ wɛɛ maŋkura o tenee ŋɔ o ɡwaa komɛlbwa.

Habakuk 2:4

Wepila laanee nɔ, Babelɔn tena baa ɛ nyubinikpeɡ tena aa ba nyuu dɔ, kɛ naate o waa aa toɡra dɛɛ su Korowii siwi la, wɛɛ yaradao dɛ́ dɔ o nyu.

Sefania 2:15

Gɛɛ bwɛjen o nɛra aa dɛ lii kɛ ba soɡe deŋnesɔɔhna ta, wobɛlbwa aa ban ha la ɛɛ ba nae. Ba yon ŋɔ, “Ya bwɛjen ɛ bwɛjen tenten, bwɛɛ bɛlbwa toole o habɔɔ kpa.” Hé na chɔɡa waa chɔɡa, ásɛ kpɔɡ bini ola kpɔ bela berɛ a chɔɔbɔra. Nɛra báa teŋe baa kaa bwa ɛɛ mamɔɔ dɛɛ for nɔɔra.

Sekaria 9:2

ne Hamat o ne Damaskɔs aa do jwɛh, ne bwɛjena Taaya ne Sidon tena baa dɔ wejema la jao.

Amanesoma Luk Aa Chwera Tɔn 14:9

Dɛ o balaa, naate waa yerɛ he bwa la ɛɛ ba ŋɔ he bee ŋɔ hé ir dɛ́ kpɔ nomombɔr la tɛ nomoa la. Belaa hɛɛ ba sihiih kpɔe dɛ́ ir ka so bechasobɔr nɛra la bwa habɔɔ.

Mmarare 8:14

he bɛ he te maŋkura dɛ́ ba soh Korowii haa dɛ tomɔ o lawɛ heyaa le Ijipt harɛ ta somanjiri dii ta la wa.

2 Tesalonika 2:4

Wɛɛ ɛ o tenee dɛ́ ɡwaa komɛlbwa nɛra aa dɛ toma dɛɛ yera ba dɔɔranar, hale wɛɛ kpɔ Korowii Dea berɛ sobɔr dɛ́ ŋɔ onee Korowii.

1 Timoti 3:6

A chɛ kɛ ó ɛ nɛn waa kpɔ o te tɛ Korowii dɛ yaradao biɡri, ɡɛ aa ɛ nɛra waa tɔ ba sie la nomanta, o nyu bini bɛ on som ba do ó maŋkura o te kohona, ásɛ o ba jo Korowii nɛɛ ɡɛ Bɔnsam aa ɛa la.

1 Pita 5:5

He bonɔɔna ɡe la, hɛ́ɛ tɛ he nomonome duure. Hé bwa pwɛr he te dɛɛ tɛ dɔŋa, dɛɛ cha dɔŋa, dɛkalkɛŋɔ Korowii Tɔn bolɔ ŋɔ, “Korowii ne mbarafo tena aa jo, kɛ o dɛ sune nɛra baa dɛ pwɛr ba te nɛɛ dɛɛ cha ba.”

Wepila 17:3

Belaa Korowii Domadɛɛɡe ir n nɛ, asɛ nyundua torome la kpɔ mɛ kaa pua hɛŋle ɡbo harɛ ta, asɛ n na haah bɛl o so olchɔɡe bɛl nɛ. Olchɔɡe la swɛɛrɔ dɛ dɔ sɔnchɔɡa o bwa, a bwa ɛ chɛɡa dɛɛ yaɡɛ Korowii. O dɔ nyuune anuanɛ, o nyeɡlare ɡe ɛ fi.

Wepila 18:7

Gɛ o fa aa kpɔ o te ɛ nɛnjen dɛɛ di o nyu ɡa la, hé ɡel o na hɔhɔrɔwa dɛ́ di suna ɡe kɛrɛdɛ. O dɛ lii o nyu bini ŋɔ onee haŋkooro, o jaa ta sewɛ, o tea bini aa chɔɡ bwa.