Ɛsekeɛl 28:18 - mzwDBL

¹⁸ He wechɔɡa ne kasinteŋ bɛ dii he bona dii ta ɡelɔ he kpɔ doŋa kah deene haa dɛ tomɛ a bini. A waa n ɡel nii ba le bwɛjen la ta, dɛ fuh o bwa dɛɛboo. Nomɛlbwa na ɡɛ bwɛjen la aa fuah dɛ berɛ tɔɔ.

Ɛsekeɛl 28:18 ပူးပေါင်းရင်းမြစ်များ

Aesaya 66:16

Nii ne laalee wɛɛ ba kpɔe tɛr harɛ nɔ nɛra bwa deŋne. Nɛra waa kpoo ba ɛɛ warɔɔ taeh.

Ɛsekeɛl 28:15

He waa fa toole n waa bini le awola maa tae mɔɔ he baa ɛ wechɔɡa.

Ɛsekeɛl 28:16

He sie fa beɡrɔ hɛɛ di bona, a che a ta he ɛ naɡrenyini, dɛ ɛ wechɔɡa. Asɛ n doŋi le n bwejen waa do ɡoroŋ la ta, dɛ ɡel Kerob la waa dɛ daahne la le he ne bwea aa dɛ nyɛɡle la baah ta.

Ɛsekeɛl 28:2

“Nɛwɛnyini bie, bol Taaya kooro be ŋɔ men Nemenɛ Korowii ŋɔ, ‘He dɛ ɡɔɔ he te dɛ ŋɔ he ɛ voɡ, he dɛ so voɡ kara ta mpo bare cheme. Kɛ nɛwɛnyinii hen, he ta voɡ ɛɛ, he dɛ lii kɛ he ne voɡ wejema kɛrɛdɛ.

Ɛsekeɛl 5:4

Berɛ kpɔ anɔ la aa lɔ he batakaare nyoa la tama do nii ta á fuh, a taa nii ɛɛ ba lee dɛ́ ba fuh Israel tena bwa.”

Emɔs 1:14

Mɛɛ ɡeloo nii ba fuh danjwɛjena aa bar bwɛjen Raba dɛ́ chɔɡ ba dekpeɡa. Dɔma ɛɛ do lɔŋɔree dɛ́ ba yoo ba awola, kɛŋɔ kawulewule aa dɛ ta ken.

Emɔs 2:2

Mɛɛ ɡeloo nii ba fuh Moab harɛ, dɛ́ fuh dekpeɡa aa bar bwɛjen Kereɔt. Moab tena ɛɛ serewoo, a ɡɛ saŋ laa tena aa dɛɛ do ɡbɔɡa dɛɛ hoh laa bɛle la.

Emɔs 2:5

Anomanta, mɛɛ ɡeloo nii ba fuh Juda harɛ, dɛ́ fuh Jerusalam dekpeɡa, dɛ́ chɔɡa.”

Sekaria 9:4

Kɛ Korowii ɛɛ laa Taaya kondɔɔh bwaa kpɔ, dɛ́ paa ka ta mpo ta, ásɛ nii fuh o bwa dɛɛboo ken.

Malakae 4:3

Awola tɔpere maa ba ɛ ɡɛ waa nɔ la, hɛ́ɛ tiɡri nyubinikpeɡ tenaa do harɛ kɛŋɔ tɔɔ.

Amanesoma Mak Aa Chwera Tɔn 8:36

Dɛ nɛn dɔ harɛ nɔ ta kwaa bwa dɛ nyoɡre o nyu aa, bɔkwa tɔnɔɔ wɛɛ ba dɔe yɔ?

2 Pita 2:6

Sodom ne Gomoora tena fa aa dɛ ɛ wechɔɡa la, Korowii ŋɔ waa ɡel ba dwee ka, dɛ fuh ba ne ba bwɛɛre bwa dɛɛboo. Ba fuih chɔ le dɛɛ chaɡle waa aa ba chiɡ nɛra baa wola Korowii ɔmɛ nɛ.

Wepila 18:8

Anomanta, tɔpebeŋkpoŋii wahala ne weela ne tebinichɔɡ ne lɔr ɛɛ ba o kpoe, ásɛ nii fuuh, dɛkalkɛŋɔ N Naa Korowii waa dɛ ba o waa bola dɛ́ pa bole laanee dɔ kpeɡri bwa.”

Sitɔɔla 9:15

Asɛ o ŋɔ, ‘He dɛ nyin kɛ he cheɡ mɛ kooro aa, hé ba sɔh n chunchule ta. Dɛ ɡɛ laa tenaa, mɛɛ ɡeloo nii le dɛ́ ba fuh peleme daa aa lɔ Lɛbanɔn harɛ ta.’ ”

Sitɔɔla 9:20

Dɛ ɡɛ haa ɛ n mɛɛ Gedeɔn ne o bii nɔ ta maɡrɛ tenaa, amɔ nii le Abemɛlɛk be dɛ́ fuh he Sɛkem ne Bɛt Milo tena, nii berɛ le he Sɛkem tena ne Bɛt Milo tena be dɛ́ ba fuh Abemɛlɛk.”