Ɛsekeɛl 28:13 - mzwDBL

¹³ Dɛ he fa lɔ Eden bodɛɛɡe men Korowii aa du daa la, dɛɛ do kwaa aa wera kɛŋɔ, bwedɛɛɡa bwa soo siwi baa dɛ yera rubi, ne topas, ne emirad, ne kresolet, ne onis, ne jasepa, ne safaaya, ne tɛɛkoes dɛ bɛrel. Awola baa tae laanee ba ɛ ɡɛ kwaa nɔ ne suuɡaswɛm kwaa tɛɛ.

Ɛsekeɛl 28:13 ပူးပေါင်းရင်းမြစ်များ

Mumpar 13:10

Belaa Lɔt ha sie dɛ nyiŋi harɛ la, asɛ dɛ na ɡɛ Jɔɔdan Moo nyoa harɛ aa sɔna ka le Soar harɛ ta, dɛ do wer kɛŋɔ bela Korowii aa du daa Eden bodɛɛɡe ne Ijipt harɛ la ken. Gɛ waa nɔ chiɡo mɔɔ Korowii chɔɡ bwɛɛre ane baa dɛ yera Sodom ne Gomoora la.

Mumpar 2:8

A habɔɔ la, Korowii du daa bodɛɛɡe bobɛl baa yerɔ Eden wee leebɔr, dɛ kpɔ baa waa tao la ka so bela.

Job Tɔn 28:19

Ane ɡe a yoɡ aa kpeɡa, ne suuɡaswɛm baa yawa dɛɛ le bojaŋ harɛ ɡba, ta on tele.

Aesaya 14:11

He jenu bwa tonɛ lalabwɛ, janjela baa lɔa dɛɛ duuri bwa chiɡo. Dudulee he kalaŋ, dɛ tɔe yal.’

Aesaya 23:16

“Hanjwamane te, ba soh he wa. Kpɔ he janjela dɛ́ lɔ kohona valɛ bwɛɛ bini. Go yela kohona ásɛ baala lii he wa.”

Aesaya 24:8

Kwaa baa dɛ yiiɡa kɛŋɔ loŋa a sii do som helɔ, janjela baa dɛ hɛlɛ a ne dɛɛ lɛ sie la ɡe hel. Haa nɛra baa dɛ hɛlɛ la ɡbɔɡa no bobɛlbwa.

Aesaya 30:32

Korowii aa ir o daŋɡbala dɛ́ kpɔ dɛɛ tɛr ba deŋne la, lɔe bɛlbwa waa lɔ ba la, dɛ Israel tena ɡe dɛ yiiɡi kwaa kɛŋɔ loŋa ken, dɛɛ lɔ janjela dɛɛ ɡo yela. Korowii ɡbaɡbaa dɛɛ ba ba yoi.

Aesaya 51:3

Jerusalam berɛ dimɡbia, mɛɛ dɔ tedomaa tɛ o nɛra baa soɡe o ta. Mɛɛ ɡeloo o pua hɛŋle ɡbo harɛ le daa warɛ dɛ́ do wer, kɛŋɔ Eden bodɛɛɡe la. Silɛɛ ne hɛɡra ɛɛ do belaa, ásɛ ba ɡo kpɛɛra ne jam yela dɛɛ tɛ mɛ.

Ɛsekeɛl 21:30

Hé berɛ kpɔ kere la su o tɔɔ ta. Hé berɛ kaa harɛ baa lolɛ o ta he naawa bwɛ, belaa mɛɛ ba he deŋne tɛra.

Ɛsekeɛl 26:13

Mɛɛ ɡeloo he yela ne janjela sii bwa ba a jaɡa. Bɛlbwa aa a waa no kpa.

Ɛsekeɛl 27:16

Siiria harɛ ta tena ne he di bona kwaa haa dɔa kohona nomanta. Ba kpɔ bwedɛɛɡa aa ɛ burum baa yera tɛɛkoes, ne bweswɛɛma ane baa dɛ yera rubire, ne koral aa le mpo bini, ne yakɔle, ne kwaa baa sɔah, ne yapondɛɛɡa, dɛ ba charɛ he laala.

Ɛsekeɛl 27:22

Seeba tena ne Raama tena ne he di bona. Ba kpɔ konsɔɔhsoma bwa soo siwi aa wera kɛrɛdɛ ne bwedɛɛɡa a yoɡ aa kpeɡa, dɛ suuɡaswɛm ba charɛ laala he be.

Ɛsekeɛl 28:14

N le Kerob cheɡ wɛɛ daahne. Dɛ he soɡe n bwejen waa do ɡoroŋ la ta, dɛɛ valɛ bwedɛɛɡa aa dɛ nyɛɡle baah ta.

Ɛsekeɛl 28:15

He waa fa toole n waa bini le awola maa tae mɔɔ he baa ɛ wechɔɡa.

Ɛsekeɛl 36:35

Baa ŋɔɔ, ‘Harɛ waa chɔ pɛɛ laanee bera do kɛŋɔ Korowii Eden bodɛɛɡe la, bwɛjena a fa aa paɡra, dɛ chɔ pɛɛ laanee ba berɛ kwaa ma danjwɛɛre bara nɛra so a ta la.’

Joel 2:3

A dɛ chɔɡ kwaa kɛŋɔ nii yon fuh kwaa dɛ chɔɡa la. Harɛ waa chɔ a sie do kɛ Korowii bodɛɛɡe Eden ken, asɛ pua hɛŋle ɡbo harɛ chɔ a habɔɔ, komɛlbwa aa won chwa le a be.

Wepila 17:4

Haah la di toli dɛ do laaladɛɛɡa, ane swɛɛ a sie do ɡimeɡime, ane ɡe swɛɛ peihpeih dɛ do wer. O do baŋa kwaa ne deŋna kwaa ne nɔnloɡa baa kpɔ suuɡaswɛm ne bwedɛɛɡa bwa soo siwi ɛa, dɛ kpoŋe suuɡaswɛm luwee, wedoŋa ne jwamane we-ɛɛla suu.

Wepila 2:7

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la. Naate waa won yo le la, mɛɛ ɡeloo ó di mkpa daa la waa lɔ Korowii Eden bodɛɛɡe la ta nɔna.”