Ɛsekeɛl 27:26 - mzwDBL

²⁶ Dɛ baala baa dɛ tawɛ la, tawɛ kaa mpo baah ta naa, peu ɛɛ tao le wee leebɔr dɛ́ ba paɡre.

Ɛsekeɛl 27:26 ပူးပေါင်းရင်းမြစ်များ

Yela 48:7

kɛŋɔ peuchɔɡe aa taa le wee leebɔr dɛ lɔ stiimaere dɛɛ kaa la.

Yela 48:8

Ya no waa Korowii aa ɛa, dɛ ɡbaɡba naa siwi ne, Nemenɛ Korowii waa ɛ Korowii yaa dɛ tomɔ bwɛjen la ta. Wɛɛ kpɔ nɔnee tɔ o bwɛjen la taa saŋ bɛlbwa dɛɛ la.

Aesaya 23:14

Nɛra haa dɛ ɛ toma Taases stiimaere bini la, hé wi! Bwɛjen haa kpɔ sie dawɛ o ta la paɡrɔ!

Aesaya 33:23

Gboɡbie dɔma aa kpɔa baŋre ba ɡbeni yal la yɔɡɔ. A ta wone lawɛ dajaŋ yal la aa lɔ o ta la kɛrɛdɛ, Nɛra ɛɛ bɔne dɔma laaladamanta baa paa laa ta laanee, hale boobie kwaraa pa ane.

Jeremia 18:17

Gɛ peu yon ta le wee leebɔr la, ɡɛɛ mɛɛ ba ba lɔe peɡre ba dɔma sie. Ba wenaale tɔpere ta la, mɛɛ berɛ habɔɔ kpo ba, maa n sie berɛ dɛ́ cha ba.’ ”

Ɛsekeɛl 26:19

Nemenɛ Korowii ŋɔ, “Mɛɛ ɡeloo bwɛjen Taaya chɔ pɛɛ kɛŋɔ bwɛjena aa paɡra nomɛlbwa aa wola toole a ta, dɛ́ kpɔ mpo ba tɔ o ta ó ka vil ta.

Ɛsekeɛl 27:27

He kondɔɔh ne laala haa dɛ di a bona bwa, nɛra baa dɛ ɛ toma stiimae la bini bwa, nɛra baa dɛ kwaaro ne bonadiire, dɛ laa tena te bwa baa lɔ o bini bwa sekwaraa ɛɛ morɔɔ, awola tɔpere stiimae la aa paɡre la.

Ɛsekeɛl 27:34

Taraken, he paɡrɔ mpo ta, dɛ chɔ vil bini. He laala haa dɛ di a bona ne he toma tena bwa ja he nɛɛ mpo bini.

Ɛsekeɛl 28:8

Baa kpoe dɛ́ kpɔe ta mpo ta kɛŋɔ baa huɡe la ken.

We-ɛɛla 27:14

A ta biɡre bɛlbwa, asɛ bela peuchɔɡe bɛl o yon le wee leebɔr ɡal pera dɛɛ ba la ir kpeɡri nɛ, dɛ le Kret harɛ dɛ ta dɛɛ ba mpo ta.

We-ɛɛla 27:41

Stiimae la kaa chuɡe hɛŋle ane ta asɛ o sie la karɛ che a ta dɛ kaa kahonɛ. Waa cheɡɛ bobeŋkpoŋ ɡɛ la, dɛ nehɛma dɛ lɔ o habɔɔ la kohona. Nehɛma la paɡre o habɔɔ la bwa.

Wepila 17:15

Nyundua torome la ŋɔ n be ŋɔ “Neerare la haa naa kɛŋɔ jwamane te la soɡe a nyoo la cheɡɔ tɛ wobol te bɛlbwa nɛra baa lɔ harɛ nɔ ta bobɛlbwa.