Ɛsekeɛl 27:16 - mzwDBL

¹⁶ Siiria harɛ ta tena ne he di bona kwaa haa dɔa kohona nomanta. Ba kpɔ bwedɛɛɡa aa ɛ burum baa yera tɛɛkoes, ne bweswɛɛma ane baa dɛ yera rubire, ne koral aa le mpo bini, ne yakɔle, ne kwaa baa sɔah, ne yapondɛɛɡa, dɛ ba charɛ he laala.

Ɛsekeɛl 27:16 ပူးပေါင်းရင်းမြစ်များ

Sitɔɔla 10:6

Israel tena ɛ wechɔɡa dɛ jo Korowii nɛɛ ja. Dɛ voɡa Baalre aa ɛ baala ne voɡhaahna Astɔrɛt, ne voɡa aa lɔ Aram ne Sidon, ne Moab ne Amɔn harɛre, dɛ voɡa Filisti tena aa dɛ tomɛ laanee baa tomɛ. Baa laa sie kpɔ Korowii nɛɛ dɛ vɛh o toma la,

Ɛsekeɛl 28:13

Dɛ he fa lɔ Eden bodɛɛɡe men Korowii aa du daa la, dɛɛ do kwaa aa wera kɛŋɔ, bwedɛɛɡa bwa soo siwi baa dɛ yera rubi, ne topas, ne emirad, ne kresolet, ne onis, ne jasepa, ne safaaya, ne tɛɛkoes dɛ bɛrel. Awola baa tae laanee ba ɛ ɡɛ kwaa nɔ ne suuɡaswɛm kwaa tɛɛ.

2 Samoɛl 15:8

Gɛ saŋ he bonɔɔ fa aa lɔ Gesur Siiria harɛ ta la, n baɡɛ nyoa ŋɔ, ‘Dɛ Korowii wono berɛ kpɔ mɛ ba Jerusalam aa, mɛɛ tomɔɔ Hɛbrɔn.’ ”

2 Samoɛl 10:6

Amɔn tena la aa na Kooro Devid bandia kɛŋɔ o mee le ba we-ɛɛla ta la, ba kaa kpɔ Siiria laa tena kaɡboŋa fifraanɛ baa dɛ valɛ le bwɛjena Bɛt Rehob ne Soba, ne Maaka Kooro ne o laa tena kaɡboŋ, dɛ laa tena kaɡboŋa fi dɛ banɛ baa le Tob harɛ ta ɡe ba ba cha ba.

2 Samoɛl 8:5

Siiria tena baa le Damaskɔs balɔ dɛ ba cha Soba Kooro Hadadesa, asɛ Kooro Devid kpoo ba bini nɛra kaɡboŋa fifraanɛ dɛ banɛ.

Mumpar 28:5

Belaa Aesek ta Jekɔb ŋwɛnɛ o kaa Mɛsopoteemea harɛ ta Bɛtoɛl bibaa Laban be. Rebɛka waa lolɛ Jekɔb ne Esɔ la dɔɔree. O ɛ Aram te.

Mumpar 10:22

Sɛm bibaala waa lol ba laanee, Elam ne Assur ne Aafaksad ne Lud dɛ Aram.

Ɛsekeɛl 16:10

Batakaare baa sɔh kwaa dawɛ o ta ne oltɔn naŋɡawadɛɛɡaa n kpɔ doe, dɛ kpɔ yapondɛɛɡa a yoɡ aa kpeɡa tɔe.

Ɛsekeɛl 16:13

Gɛɛ a do n kpɔ suuɡaswɛm ne suuɡapoŋa kwaa ɛɛ. Yapondɛɛɡa a yoɡ aa kpeɡa ba sɔh kwaa dawɛ a ta ɛ he yale. Mendɛɛɡa baa nama a kper kɛrɛdɛ ne tooh, dɛ ɔleve noo ɛ he kondikwa. He kpeɡo dɛ do wer kohona, dɛ ba ɛ haŋkooro.

Ɛsekeɛl 16:18

He kpɔ he yale baa sɔh kwaa dawɛ a ta la bɔla, dɛ kpɔ noo ne daawiile a sɔɔh aa soma n kpɔ tɛɛ la tɛa.

Ɛsekeɛl 16:57

mɔɔ he wechɔɡa la bwa le baŋ. He berɔ do kɛ on, hale Edom ne Filisti bihaahna bwa, dɛ nɛra baa soɡa bare bwa, dɛ haeh.