Ɛsekeɛl 27:15 - mzwDBL

¹⁵ He ne baala baa le Roods di bona. He ne nɛra kɛrɛdɛ baa soɡe mpo nyoa ɡe di bona. Ba kpɔ bala nyena ne dadɛɛɡa ba charɛ kwaa he be.

Ɛsekeɛl 27:15 ပူးပေါင်းရင်းမြစ်များ

Mumpar 10:7

Kus naanaree, Seba ne Havila ne Sabta ne Raama dɛ Sabtɛka tena. Raama ɡe naanaree, Seeba ne Dedan tena.

Mumpar 25:3

Joksan ɡe bibaalaa Seeba ne Dedan. Dedan naanaree Assur ne Lɛtos dɛ Leum tena.

1 Koranar 10:22

Dɛ kooro dɔ stiimaere baa kpɔa dɛɛ di bona mpo ta a ja Kooro Hiram kwaa baa kpɔa dɛɛ ɛ toma la ta. Bene atoro bɛlbwa a dɛ ba suuɡaswɛm ne suuɡapoŋa ne bala nyena, dɛ ɡbɛɛne bwa soo siwi ne.

1 Webena 1:32

Abraham berɔ kpɔ sɛno baa yerɔ Ketura. O ne on lolɛ Simran ne Joksan ne Medan ne Midian ne Esbak dɛ Suwa. Joksan ɡe bibaalaa, Seeba ne Dedan.

1 Webena 1:9

Kus naanaree, Seba ne Havila ne Sabta ne Raama dɛ Sabtɛka tena. Raama ɡe naanaree, Seeba ne Dedan tena.

2 Webena 9:21

Dɛ kooro dɔ stiimaere baa kpɔa dɛɛ di bona mpo ta a ja Kooro Hiram kwaa baa kpɔa dɛɛ ɛ toma la ta. Bene atoro bɛlbwa a dɛ ba suuɡaswɛm ne suuɡapoŋa ne bala nyena, dɛ ɡbɛɛne bwa soo siwi ne.

Aesaya 21:13

Waa aa chiɡ Arab harɛ ta, Korowii bol baɡle Aesaya chaahna ta laanee nɔ. Dedan tena haa lɔ Arab harɛ ta dɛ valɛ dɛɛ ɡaaɡe, pua hɛŋle ɡbo harɛ taa hɛɛ ba he tɛnte deene baŋra dɛɛ chɔ jwaana.

Jeremia 25:23

ne Dedan ne Tema ne Bus, dɛ banɔ la baa lɔ bojaŋ harɛre ta bwa,

Jeremia 49:8

Bwɛjen Dedan tena, hé laa berɛ dɛ́ chwa! Hé ka sɔh bwebɔɔne aa luŋa bini, n dɛ ba Esɔ naanar chɔɡa, dɛkalkɛ tɔpere telo kɛ ń tɛr ba deŋne.

Ɛsekeɛl 25:13

anomanta, men Nemenɛ Korowii ŋɔ, ‘Mɛɛ kpɔ nɔnee dawɛ Edom tena nɛɛ dɛ́ tɛr ba deŋne, ásɛ dɛ kpoo nɛra bwa ne ba kondɛɛra. Mɛɛ ɡeloo harɛ la chɔ pɛɛ le bwɛjen Teman dɛ́ ka le bwɛjen Dedan, ásɛ ba kpoo nɛra laa ta.

Ɛsekeɛl 27:20

Dedan tena ɡe kpɔ yale baa kpɔa dɛɛ dawɛ jaɡre nɛɛ dɛɛ so a ta, ba charɛ laala he be.

Ɛsekeɛl 38:13

Korowii berɔ ŋɔ, “Seeba ne Dedan, dɛ bonadiire baa le Taases ne o bwɛjeɡre ta ɛɛ bɔɔ heyaa ŋɔ, ‘Hɛɛ boa he laa tena nyoa, dɛ́ ba yo dɛ́ pa suuɡaswɛm ne suuɡapoŋa, kondɛɛra ne laala kɛŋɔ laa ta kwaa dɛ́ kaa kɛɛ?’ ”

Wepila 18:12

Nɛn toole dɛ́ yawɛ ba suuɡaswɛm, suuɡapoŋa, ne bwedɛɛɡa a yoɡ aa kpeɡa, ne yapondɛɛɡa bwa soo siwi, ne dasɔɔhsoma a yoɡ aa kpeɡa bwa soo siwi, ne kwaa baa kpɔ bala nyena ɛa, ne kwaa baa kpɔ dadɛɛɡa a yoɡ aa kpeɡa sɛah, ne anɔ la baa kpɔ ayaawa ne bune loɡa, ne anɔ la baa kpɔ bwedɛɛɡa ane soo siwi ɛa la,