Ɛsekeɛl 27:13 - mzwDBL

¹³ Bonadiire baa le Tubal ne Mɛsɛk dɛ Grik tena harɛre, kpɔ kwaa baa kpɔ ayaawa ɛa ne yoma ba charɛ he laala.

Ɛsekeɛl 27:13 ပူးပေါင်းရင်းမြစ်များ

Mumpar 10:2

Jafɛt bibaala waa lol ba laanee, Goma ne Maɡɔɡ ne Madai ne Javan ne Tubal ne Mɛsɛk dɛ Tiras.

Mumpar 10:4

Javan naanaree, Elaisa ne Speen ne Saepros dɛ Roods tena.

1 Webena 1:5

Jafɛt bii waa lol ba laanee teŋa nɔ, Goma ne Maɡɔɡ ne Madai ne Javan ne Tubal ne Mɛsɛk dɛ Tiras. Ba sɔna nɔɔ ba kpɔ pa ba naanar.

1 Webena 1:7

Javan naanaree, Elaisa ne Speen ne Saepros dɛ Roods tena.

Yela 120:5

N na waa kɛŋɔ maa soɡe Mɛsɛk ne Keda tena baa ɛ nyubinikpeɡ tena baah.

Aesaya 66:19

Mɛɛ ɛ waane ba binii, dɛ́ tomɛ banɔ la baa le a nyoa la, ásɛ ba la bojaŋa harɛre nɛra baa wola n waa noɛ dɛ na n jirima ne n kpeɡri la be. Harɛre nɛra kɛŋɔ, Taases ne Lebya dɛ Lidia tena. Lidia tena nɔ jemɛ to tae taeh, ne Tubal ne Grik tena harɛ. Gɛ harɛre nɔ nɛra bee baa ba laŋa dɛ́ ka bol n kpeɡri maa dɔa la waa baɡ ba.

Ɛsekeɛl 27:12

He kondɔɔh kohona nomanta, bonadiire le Taases dɛ kpɔ suuɡapoŋa ne bune dɛ kpana, dɛ baa charɛ kwaa he be.

Ɛsekeɛl 27:19

Dan dea tena ne Grik tena baa le Usal kpɔ bune baa ɡuɡra dɛ choŋra, ne kalamus a sɔɔh a soma dɛ ɡel kondikwa ɛɛ do som, ba charɛ laala he be.

Ɛsekeɛl 32:26

Mɛsɛk ne Tubal bwa lɔ bela, ba laa tena ŋwama bar ba cheme. Ba bwa fa aa men Korowii tomɛ, asɛ ba kpoo ba laa ta. Ba fa aa soɡe le la, ba kpɔ ɔmee kohona ta nɛra nɛ.

Ɛsekeɛl 39:1

Nemenɛ Korowii ŋɔ men Ɛsekeɛl be ŋɔ, “Nɛwɛnyini bie, bol waa aa dɛ ba koonomoa Gɔɡ waa ɛ koonomoa dɛɛ nyiŋi Mɛsɛk ne Tubal be ŋɔ, n ne o dɔɔ. Kenii men Nemenɛ Korowii bol,

Daneɛl 10:20

Anee o bɔɔ mɛ ŋɔ, “He jemɛ waa aa ba n ne he be nɔ naa? Aa biɡri ń berɛ ba kaa nyundua torome waa dɛ di kpeɡri Pɛɛsea harɛ dɛ́ ka yoo laa, a habɔɔ mɔɔ nyundua torome waa dɛ di kpeɡri Grik tena harɛ ɡe ba,

Daneɛl 11:2

Nyundua torome Maekel waa dɛ daah Israel harɛ la ŋɔ, “Namee mɛɛ ba kasinteŋ la he be bola. Koranar batoro ɛɛ ir Pɛɛsea harɛ taa, ásɛ naarɛte ɡe ba dɛ́ ba dɔ suuɡa ɡwaa banɔ la bwa. O baa dɔ kpeɡri dɛ le o kondɔɔh la ta naa, wɛɛ di nomɛlbwa liiree ba yo Grik tena harɛ kooro.

Daneɛl 8:21

Asɛ booh la che tɛ Grik tena harɛ kooro. Nyeɡlejen waa pa o sie baah la cheɡɔ tɛ kooro waa tɔ sie.

Joel 3:3

Ba ta bie n nɛra nɛ, dɛ́ jemɛ nɛra baa dɔ bá ɛ ba yoma, ba yoɡ ba bibaala ne bihaahna, dɛ kpɔ ba suuɡa bɔ hanjwamanere ne sen kem.

Joel 3:6

He lawɛ Juda harɛ ne Jerusalam tena le ba harɛ ta kaa bojaŋ harɛ ta, dɛ ka yoɡ ba tɛ Grik tena.

Wepila 18:13

ne konsɔɔhsoma bwa soo siwi, anɔ la baa dɛ fuh, ne anɔ la baa dɛ fɔɡle, ne sen, ne noo, ne mendɛɛɡa, ne mea, ne nae, ne peera, ne jaɡre, dɛ torɔɡore ba yon vɔwɛ pɛl la. Ba yoɡ nɛra ɡe kɛŋɔ kondɛɛra ken.