Ɛsekeɛl 26:3 - mzwDBL

³ Anomanta, Nemenɛ Korowii ŋɔ, ‘Taaya tena, n ne he dɔɔ. Mɛɛ ɡeloo harɛre nɛra wur bá tɔ he nɛɛ kɛŋɔ mpo nehɛma ken dɛ́ yo heya.’

Ɛsekeɛl 26:3 ပူးပေါင်းရင်းမြစ်များ

Yela 107:25

O nyoa wobol ɡelɔ peukpeɡ ta, asɛ dɛ ir mpo nehɛma kohona.

Aesaya 5:30

Gɛ tɔpere la telaa, baa do ɡbɔɡaa, dɛ́ ba jo Israel harɛ bwa kɛŋɔ mpo yon dɛɛ si la ken. Dɛ he nyiŋi harɛ la aa, hɛɛ nao kɛŋɔ bɔr biro ásɛ sibeɡra chole nomɛlbwa nɛ, ásɛ biro tɔ bochaah ta.

Jeremia 21:13

N ne Jerusalam tena dɔɔ, heyaa soɡe deŋɡarere dor, a do kɛŋɔ he soɡe bwetal harɛ waa chɔa kaa ta ken. He yon ŋɔ, “Umee dɛ́ won ba yo yaa ɔ? Umee dɛ́ won ba ku ya danjwɛkpeɡa dɛ́ jo ya be nɔ?”

Jeremia 25:22

ne koranar baa lɔ bwɛjena Taaya ne Sidon bwa, ne harɛre aa lɔ ba lɔɡa dɛ do mpo la baŋ bwa,

Jeremia 50:31

Babelɔn harɛ tena, he ɛ mbarafo, men Korowii, Koranar Bwa Kooro ne he dɔɔ. Dɛkalkɛ he tɔpere telo kɛŋɔ ń tɛr he deŋne.

Jeremia 50:42

Ba kpoŋe tori ne lampeare, ba nyu bini kpeɡri baa wola nɛn nɛɛ sune. Ba soɡe jaɡre ta a nakpale ɛɛ si kɛŋɔ mpo nehɛma aa dɛ ta ken. Ba kpɔ ba te dɛɛ ba ba yo Babelɔn tena.

Jeremia 51:42

Mpo suu tɔ Babelɔn harɛ ta, o nehɛma tao ba bɔle o ta.

Jeremia 6:23

Ba kpɔ ba tori ne lampeare kpoŋe, ba nyu bini kpeɡri, baa nɛn nɛɛ sune. Ba soɡe jaɡre ta a nakpale ɛɛ si kɛŋɔ mpo aa dɛ si la ken. Ba kpɔ ba te dɛ́ ba yo Jerusalam. Men Korowiirii bola.”

Ɛsekeɛl 21:3

n ne ba dɔɔ. Mɛɛ pamɛ n keree le o tɔɔ ta, dɛ́ kpoo nɛra ba wa aa toɡra ne wechɔɡ-ɛɛra bwa.

Ɛsekeɛl 26:19

Nemenɛ Korowii ŋɔ, “Mɛɛ ɡeloo bwɛjen Taaya chɔ pɛɛ kɛŋɔ bwɛjena aa paɡra nomɛlbwa aa wola toole a ta, dɛ́ kpɔ mpo ba tɔ o ta ó ka vil ta.

Ɛsekeɛl 27:26

Dɛ baala baa dɛ tawɛ la, tawɛ kaa mpo baah ta naa, peu ɛɛ tao le wee leebɔr dɛ́ ba paɡre.

Ɛsekeɛl 28:22

men Nemenɛ Korowii ŋɔ, ‘Bwɛjen Sidon, n ne he dɔɔ. He nɛɛ mɛɛ ba cheɡa dɔ jirima. He nɛra ɛɛ jemɔɔ kɛŋɔ menee Korowii ɡɛ saŋ maa ba tɛr ba deŋne, dɛ́ baɡle kɛŋɔ n do ɡoroŋ la.

Ɛsekeɛl 29:10

N ne he dɔɔ, n ne he nenabɔɔne ɡe dɔ. Mɛɛ chɔɡ Ijipt harɛ bwaa o chɔ pɛɛ, le bwɛjen Miɡdol waa lɔ weekaŋle nyunduabɔr, ka le bwɛjen Aswan o ɡe aa lɔ weekaŋle harɛbɔr, dɛ́ kpoŋe ka le Itiopia harɛ jwɛh ta.

Ɛsekeɛl 38:3

dɛ ŋɔ o be ŋɔ men Nemenɛ Korowii, n ne o dɔɔ.

Ɛsekeɛl 5:8

Anomanta, men Nemenɛ Korowii ne he Jerusalam tena dɔɔ. Mɛɛ pa heyaa bolchɔɡee harɛre nɛra bwa siwi ta.

Maeka 4:11

Taraken, harɛre nɛra pɛ nyoa dɛ́ ba yo heya. Ba ŋɔ, “A chɛ kɛ Jerusalam paɡre dɛ́ berɛ dimɡbia, ásɛ ya sie lɛ a wa.”

Neehum 2:12

Ba do kɛŋɔ nyujente aa kpo ol, dɛ peeɡe o bini tɛ o haah ne bii, dɛ che ol la su o bɔɔ bini.

Neehum 3:5

Koranar Bwa Kooro ŋɔ, “Niniwe, n cheɡɛ he nɛ. Mɛɛ laa he yalee kpɔ he mun ta, dɛ́ ɡel harɛre nɛra bwa nae, ásɛ sihiih kpoe ba siwi ta.

Sekaria 14:2

Korowii ɛɛ boa harɛre nɛra nyoa bá ba yo bwɛjen Jerusalam tena, dɛ́ lɛ bwɛjen la dɔɔh. Baa jo ba deene, dɛ́ pa ba laala, dɛ́ ɡuɡri ba haahna chɔ. Baa lawɛ bwɛjen la pera nɛraa kaa bojaŋ harɛfale ta, dɛ́ ɡel ba kar bwɛjen la ta.

Sekaria 9:4

Kɛ Korowii ɛɛ laa Taaya kondɔɔh bwaa kpɔ, dɛ́ paa ka ta mpo ta, ásɛ nii fuh o bwa dɛɛboo ken.

Amanesoma Luk Aa Chwera Tɔn 21:25

Hɛɛ na nyokpowaa wee ne korobie ne weweela taa. Harɛ ta ɡe, mpo ɛɛ jiɡruu dɛɛ lɔ nehɛma kohona, ásɛ nɛra bwa ɔmɛ, ba bwara yɔr.