Ɛsekeɛl 26:20 - mzwDBL

²⁰ Mɛɛ kpɔ bwɛjen Taayaa ka ja lala bini, o ka pu saŋ la tena baa serewa la. Mɛɛ ɡeloo o ka so bela kɛŋɔ bwɛɛre a fa aa paɡra la, o ne nɛra baa serewa biɡri la so. Waa won ba harɛ nɔ ta weera bini kpa.

Ɛsekeɛl 26:20 ပူးပေါင်းရင်းမြစ်များ

Yela 27:13

N dɔ hwɛɡa hen Korowii nɛɛ kɛŋɔ, mɛɛ soo, dɛ́ jemɛ he wedɛɛɡa haa dɛ ɛ.

Amanesoma Luk Aa Chwera Tɔn 10:15

Asɛ he Kapeeneɔm tena ɡe, ɛrɛɛ chɛ kɛŋɔ ń bol he waɔ? He dɛ nyin kɛ he ir kaa Korowii be nyundua kɛɛ? Hɛɛ ba harɛɛ Bɔnsam nii taa.”

Sekaria 2:8

He waa hiah mɛ kɛŋɔ n siwinyiŋi ken, anomanta, dɛ nomɛlbwa leɡe heyaa kɛɛ dɛ ɛ heyaa waane aa, dɛ menee o ɛ la.

Jona 2:6

N sirimo ka chɔ bwejena lɔɡre, a do kɛŋɔ baa huɡ mɛ maa wola bɔree dɔ le dɛ́ dɔ n nyu. Kɛ n Naa Korowii le n ne seo ta.

Jona 2:2

O ŋɔ, “N Naa Korowii, maa lɔ wekpeɡa ta dɛ do lɔŋɔ tɛɛ la, he no n wesoŋa. Maa lɔ lalabwɛɛ dɛ do lɔŋɔ tɛɛ la, he no n wii.

Emɔs 9:2

Hale ba kwi bɔɔ ka le lalabwɛɛ kwaraa naa, mɛɛ ta nɔnee laɡ ba. Ba teehnɔ ir kaa nyundua ɡe kwaraa naa, mɛɛ le ba ne belaa ba harɛ.

Ɛsekeɛl 39:7

Mɛɛ ɡeloo n nɛra Israel tena jemɛ kɛ n sɔn do ɡoroŋ, dɛ bɛ doŋa kpɔ kah n sɔn kpa. Ásɛ harɛre ta nɛra jemɛ kɛŋɔ menee Israel Nɛŋɡoroŋ la.

Wiile 3:6

O ɡelɔ n do biro ta kɛŋɔ nɛra baa serewa biɡri la ken.

Aesaya 59:10

dɛɛ laɡre bɔr bobɛlbwa, kɛŋɔ nyoŋa aa dɛ ɡaaɡe. Ya won naa lɔe webaŋa kɛŋɔ jwaana, weera bini la, ya do kɛŋɔ nɛra baa serewa.

Aesaya 4:5

Korowii ɛɛ ɡeloo ninchuu ɛ kɛŋɔ baama, dɛ́ ba tɔ Saayɔn Bwejen ne nɛra baa lɔ o ta nɛ webaŋa, dɛ́ berɛ ɡel nii ɡe tɔ ba nɛɛ dɛɛ chaah ba jwaana á ɛ kɛŋɔ chunchule, dɛ́ tɔ bwɛɛ la jirima bwa ta,

Yela 28:1

N Naa Korowii haa do kɛ Bwetal dɛ che n habɔɔ, henee n wi dɛɛ yerɛ. No n wii maa dɛ wi nɔ! He laa deŋna kpɔ n be naa, mɛɛ doo kɛŋɔ nɛra baa serewa ka chɔ lalabwɛɛ ken.

Nɛra Kura 16:33

Ba joɔ kaa harɛ bini dɛ ba siwi ta lole, a den do kɛŋɔ baa huɡ ba ken, ba ne ba komɛlbwa baa dɔa. Harɛ nyoorɔ tɔ ba nɛ, ba nyoɡre kwaraa.

Nɛra Kura 16:30

Kɛ dɛ Korowii cheɡɛ waane aa wola chiɡe ka bwa ta, dɛ ɡel harɛ pere asɛ ɡɛ nɛra nɔ ne ba komɛlbwa baa dɔa jo kaa harɛ bini ba serewe aa, anee hé jemɛ kɛŋɔ baala nɔ ɛ Korowii sisawa.”

Matiu 11:23

Ásɛ he Kapeeneɔm tena ɡe, he fe dɛ nyin kɛ he ɡbaɡba ir kaa Korowii doa kɛɛ? Baa viɡri heyaa Bɔnsam nii taa. Nyokpowaa nɔ maa ɛa he bini nɔ, dɛ ba fe ɛa Sodom aa, Sodom fe ta lole ba le fini, Korowii fe ta on chɔɡɛ.

2 Pita 2:5

O ta a saŋ la tena ɡelɛ. O ɡelɔ nee su tɔ nɛra baa wola on ɔmɛ la nɛ. Nɛra waa ɡel ba bwaa Nowa o fa aa dɛ chaɡle nɛra ŋɔ bá ɡel ba waa toɡre Korowii be la, ne nɛra banuanɛ.

Aesaya 14:9

Lala kpɔ ba te ba sie beɡre baa kpa Babelɔn kooro bala. A ɡelɔ nɛra ba fa aa dɛ di kpeɡri harɛ nɔ ta dɛ sewɛ la ir dɛɛ jaamo. Nomonome ba fa aa dɛ di kpeɡri harɛre ta ir ba kookane ta dɛɛ kpao.

Aesaya 14:10

Ba bwa ɛɛ ŋɔ o bee ŋɔ, ‘He ɡe sɔɔhnɔ ɡɛ yaa doa nɔ, ya bwa kɛrɛdɛ!

Jeremia 33:9

Ásɛ a che bwɛjen Jerusalam nɛra nɛ n dɔ silɛɛ ne jirima dɛ duure, ásɛ harɛre nɛra bwa ɔmɛ dɛɛ chel, wedɛɛɡa maa ɛa tɛ Jerusalam tena, ne ɡɛ maa ɡela ba wobɛlbwa do wer tɛɛ ba la wa.”

Ɛsekeɛl 31:14

Anomanta, le fini dɛɛ kaa, daa waa cheɡɛ bela nee aa lole kohona bɛlbwa aa kpeɡ dɛ́ ka tel baama ta kpa. A chɔ le kɛŋɔ a bwa serewe kɛŋɔ nɛwɛnyina, dɛ kaa lalabwɛ.’ ”