Ɛsekeɛl 26:17 - mzwDBL

¹⁷ Baa taa wiilee ŋɔ, ‘Ba chɔɡ bwɛjen o sɔn aa lea la. Ba pa o stiimaere bwa le mpo ta kaa. A ɡɛ nɛra baa soɡe bwɛjen nɔ ta laanee dɛɛ di kpeɡri mpo ta, dɛɛ aah nɛra baa soɡe o nyoa la.

Ɛsekeɛl 26:17 ပူးပေါင်းရင်းမြစ်များ

2 Samoɛl 1:19

“Ya nomonome serewɔ Israel deŋɡarere dor. Na ɡɛ banyoola tenten aa serewa chɔ.

Aesaya 14:12

Babelɔn kooro, na ɡɛ haa le nyundua ba le harɛ. Chɔmbibi wewee, chɔmbibi bonɔɔ! Ba taɡɛ ta harɛ, nɛn he fa aa pɔ harɛre nɛ!

Aesaya 23:4

Bwɛjen Sidon tena, a chɛ kɛ sihiih kpo heya. Mpo haa kpɔ he te dawɛ o nɛɛ la taɡɛ heyaa ta dɛ ŋɔ, “N do kɛ hambara, n ta bibaala dɛɛrɛ bwa, n baa bol bihaahna wa.”

Aesaya 23:8

Umee ɡela ɡɛ waa nɔ chiɡ Taaya ɔ? Kondɛɛɡa bwɛɛ o bonadiire aa beɡre koobii dɛ dɔ nyanyini harɛ nɔ ta bwa laanee nɔ naa?

Jeremia 48:39

Hé na ɡɛ Moab harɛ bwa aa chɔɡa! Hé na ɡɛ o nɛra aa dɛ wi! Hé na ɡɛ sihiih aa kpo Moab nɛra ba baŋa ɡole! Moab bwa chɔɡɔ, asɛ harɛre nɛra baa soɡa baro bambile teŋe baa mam ba.”

Jeremia 50:23

Na Babelɔn o fa aa do kɛŋɔ hamba, dɛɛ paɡre harɛ nɔ bwa la aa kuuɡa ɡɛ! Na ɡɛ harɛ la bwa aa chɔ pɛɛ, asɛ harɛre nɛra bwa na ba nyoa kpo.

Jeremia 6:26

Korowii berɔ bol waa o nɛra be ŋɔ, “Hé kpɔ lweyale tɔ dɛɛ ɡbili tɔɔ ta, dɛɛ wi lokua ne kɛŋɔ haa wi he bibambeŋkpoŋ waa sewa ken. Dɛkalkɛ nɛn waa dɛ́ ba ba chɔɡ heyaa la ɛɛ piɡri heyaa.

Jeremia 7:29

Jerusalam tena, hé wi, hé fonɛ he nyuune dɛ́ pa ta. Hé kaa deŋɡarere dor dɛ́ kaa taa wiile, dɛkalkɛ men Korowii, n baah di he nɛɛ n vɛh heya.

Jeremia 9:20

Belaa Jeremia ŋɔ, “Haahna, hé cheɡ deŋne Korowii be, dɛ́ɛ no waa waa dɛ bol. Hé chaɡle he bihaahna ɡɛ baa dɛ wi, ne he daamanar ɡɛ baa dɛ taa wiile.

Wiile 1:1

Na ɡɛ bwɛjen Jerusalam aa chɔ pɛɛ, dɛ nɛra fa su o ta ɡa! Na ɡɛ waa bera do kɛ luhaah, o waa do sum, dɛ o fa lɛ sɔn harɛre nɛra bini taeh! Bwɛjen o fa aa do kɛ haŋkooro la, o berɛ yom taraken.

Ɛsekeɛl 19:1

Korowii ŋɔ men Ɛsekeɛl be ŋɔ, “Go suna dii yel nɔ tɛ Israel koranar banɛ

Ɛsekeɛl 19:14

Nii le o kpale la bɛl ta dɛ fuh o ne o nɔna la bwa. Daa la kpale bɛlbwa toole dɛ do kpeɡri bá kpɔ ɛ koodaŋɡbala kpa.’ Wii aa chɛ kɛŋɔ bá wi laanee la.”

Ɛsekeɛl 32:16

A ɡɛ waa nɔɔ baa ba kpɔe dɛɛ wiu. Harɛre ta haahna bwaa dɛ́ taa ɡɛ wiile la tɛ Ijipt harɛ ne o nɛra bwa. Men Nemenɛ Korowiirii bola.”

Ɛsekeɛl 32:2

“Nɛwɛnyini bie, kpɔ wiile ŋɔ Ijipt kooro be ŋɔ, ‘He do kɛŋɔ nyujente harɛre ta nɛra baah ta, he do kɛŋɔ lɛŋɔ waa lɔ moo ta. He dɛ jo nenabɔɔne ta dɛ́ pora a chɔɡ.

Ɛsekeɛl 32:23

Asiiria harɛ ta nɛra ŋwama lɔ lalabwɛɛ bela, asɛ o laa tena chɔ baro harɛ bini bela. Banɔ la ba fa aa kpɔ ɔmee kohona ta harɛre ta nɛra nɛɛ la, ba kpoo ba keri ne.

Ɛsekeɛl 32:27

Ba ta ba te nomonhuɡa huɡe ɡɛ ba yon dɛɛ huɡe saŋ la banyoola dɛ kpɔ ba nyuune dɛɛ dawɛ ba keri ta lalabwɛ, dɛ kpɔ ba dɔmkwaa dɛɛ dawɛ ba nɛɛ la. Banyoola nɔ fa aa soɡe le dɛ do kpeɡri la, ba kpɔ ɔmee kohona ta nɛra nɛ.

Joel 1:18

Ya nae bwa dɛ wi dɛɛ di suna, a ta bɔr dɔe dɛ́ ɡaaɡe ka di, hale peera bwa bwara dɛ nyɛɡ.

Obadia 1:5

Ŋwɛɛra dɛ ba jwaana aa, anɔ la baa dɛ nyin ɡboo baa kpɔ. Nɛra dɛ pa daa nɔna aa, ba dɛ ɡel beŋkpoŋa ane. Kɛ he Edom tena te, he dɔma kpoo he bwa.

Maeka 2:4

Awola tɔpere la, ɡɛ wiile aa teŋa nɔɔ, baa ba kpɔe muɡli he baah ŋɔ, ‘Ya na waa kɛrɛdɛ. Korowii ɡelɔ ba lɛ ya harɛ, dɛ kpɔ yaa tɛ nɛnchɔɡa.’ ”

Sefania 2:15

Gɛɛ bwɛjen o nɛra aa dɛ lii kɛ ba soɡe deŋnesɔɔhna ta, wobɛlbwa aa ban ha la ɛɛ ba nae. Ba yon ŋɔ, “Ya bwɛjen ɛ bwɛjen tenten, bwɛɛ bɛlbwa toole o habɔɔ kpa.” Hé na chɔɡa waa chɔɡa, ásɛ kpɔɡ bini ola kpɔ bela berɛ a chɔɔbɔra. Nɛra báa teŋe baa kaa bwa ɛɛ mamɔɔ dɛɛ for nɔɔra.

Josua 19:29

Ba jwɛh la berɔ berɛ dɛ kaa bwɛjena Rama ne Taaya baa ma danjwɛkpeɡ bara, dɛ teŋe ba kaa Hosa, dɛ ka jaɡɛ mpo ta Aksib harɛ ta,