Ɛsekeɛl 26:16 - mzwDBL

¹⁶ Koranar baa lɔ mpo nyoa la bwa ɛɛ ir ba kookane taa, dɛ́ foo ba koolaala ne ba laala baa sɔh kwaa dawɛ a taa bil. Baa dɛɛ ɔmɔɔ kohona he wa, dɛ́ so harɛ bochela ne.’

Ɛsekeɛl 26:16 ပူးပေါင်းရင်းမြစ်များ

Job Tɔn 8:22

Wɛɛ ɡeloo sihiih kpo he dɔma, wechɔɡ-ɛɛra deremi ɡe chɔɡ.”

Yela 109:18

O kpɔ nɛra taahna berɛ batakaare dɛɛ do. Gel o nɛra taahna sɔɔ kɛŋɔ ne, dɛ́ jooɡe o hoɡa bini kɛŋɔ no.

Yela 109:29

Gel sihiih kpo n dɔma kohona, dɛ́ bɔle ba nɛɛ kɛŋɔ batakaarejaŋ ken.

Yela 132:18

Sihiih ɛɛ kpo o dɔmaa kohona, kɛ o te kora ɛɛ dɔ jirimaa kɛrɛdɛ.”

Yela 35:26

N Naa Korowii, ɡel sihiih kpo nɛra baa dɛ mam mɛ kohona, ásɛ dɛ wili, n wahala maa dɛ na wa. Gel sihiih kpo nɛra baa dɛ lii kɛ ba ɡwaa mɛ kohona.

Kaala 15:15

Ɔmee ɛɛ lawɛ Edom koranaree kohona, Moab nomonome bwara yɔr baa chel, Keenan tena ɡe bwa ɛɛ heo kwara.

Aesaya 3:26

Bwɛjen Saayɔn doonyoo ɛɛ chɔ pɛɛ, ásɛ bwɛjen la do kɛŋɔ haah tea bini aa chɔɡa, o so harɛ dɛɛ wi la.

Aesaya 41:5

Nɛra baa lɔ ekwie harɛre ta naa dɛ ɔmɛ, hale banɔ la baa lɔ harɛ jaɡa bwara ɛɛ sa ba suuh tel dɛ ba,

Aesaya 47:1

Korowii ŋɔ, “Babelɔn, bwɛjen baa wola yoi dɛ pɔ he nɛ, he do kɛŋɔ bitolo waa wola baa jemɛ. Tu he kookara ta, dɛ́ ba so harɛ. Taraken baa hen ɡbɛɡbɛ kpa, he berɛ yom.

Aesaya 52:2

Jerusalam haa do kɛ bitolo, ir dɛ́ pee he bwara ta, dɛ́ so he kookara ta. Ásɛ dɛ laa jɔɡrɔre baa lawɛ dɛ doe laa ta la foo.

Jeremia 48:39

Hé na ɡɛ Moab harɛ bwa aa chɔɡa! Hé na ɡɛ o nɛra aa dɛ wi! Hé na ɡɛ sihiih aa kpo Moab nɛra ba baŋa ɡole! Moab bwa chɔɡɔ, asɛ harɛre nɛra baa soɡa baro bambile teŋe baa mam ba.”

Wiile 2:10

Jerusalam banjeni helɔ dɛ so harɛ jeiih ken, ba ɛ teera do ba nyuune ta dɛ kpɔ lweyale tɔ, a baɡle kɛ ba dɛ di suna. Bitoli ɡe ɡure nyuune su harɛ.

Ɛsekeɛl 16:10

Batakaare baa sɔh kwaa dawɛ o ta ne oltɔn naŋɡawadɛɛɡaa n kpɔ doe, dɛ kpɔ yapondɛɛɡa a yoɡ aa kpeɡa tɔe.

Ɛsekeɛl 26:21

Mɛɛ ɡeloo o chɔɡ kwaraa, o waa tonɛ. Nɛra ɛɛ dɛɛ nyin o bɔree, baa on na kpa bwa. Men Nemenɛ Korowiirii bola.”

Ɛsekeɛl 28:17

He wer haa doa la ɡelɔ he ɛ mbarafo, dɛ chɔɡ he wejema, he nyanyini la wa. Anomanta, n taɡɛ ta harɛ a wa, ásɛ koranar na a ja ba.

Ɛsekeɛl 31:15

Nemenɛ Korowii ŋɔ, “Awola tɔpere daa la aa sewa dɛ kaa lalabwɛɛ la, n ɡelɔ harɛ bini neerare aa dɛ bule bɔle o ta, á baɡle kɛŋɔ a wio. N ɡelɔ neerare ɡel pala. Daa la aa sewa la, n ɡelɔ biro ba tɔ Lɛbanɔn bwejena ta, asɛ daa aa lɔ kɔr bini bwa serewe.

Ɛsekeɛl 32:10

Mɛɛ ɡeloo harɛre ta nɛra bwara yɔr he wa maa ba tɛr n kere le ba nɛɛ dɛ́ kpɔ aah ba la, ɔmee ɛɛ chole ba koranar nɛɛ. He chɔɡa tɔpere wee la, bɛlbwa ɛɛ ɔmɔɔ o bwara ɛɛ sa, a do kɛŋɔ o dɛ ba sewa.’ ”

Ɛsekeɛl 7:27

Kooro ɛɛ wiu, sitɔɔ bwara yɔr, ásɛ harɛ la ta nɛra bwara ɛɛ sa. He we-ɛɛla taa mɛɛ ba cheɡa dɛ́ tɛr he deŋne, he wechɔɡa haa ɛa mɛɛ ba kpɔe pa heyaa bolchɔɡe, ɡɛ haa ɛ he bala la. Ásɛ he jemɛ kɛŋɔ menee Korowii.”

Ɛsekeɛl 7:8

Maa biɡri dɛ́ kpɔ n bandia ba he nɛ, mɛɛ bol he waa haa ɛa la waa dɛ́ tɛr he deŋne waa maa kia he ɛa la wa.

Daneɛl 5:6

O siebɔr ɡwaŋɔ, o liire chɔɡ, asɛ ɔmee lawɔ kohona o natuune ɛɛ sa dɛɛ lɔ dɔŋa.

Hosia 11:10

Dɛ n kɔr n nɛra dɔma nɛɛ kɛŋɔ nyujente aa, baa teŋɛ n nɛɛ. Baa le wee cholibɔree dɛ́ ba n be warane.

Jona 3:6

Hale bwɛɛ la kooro aa no o bwɛɛ la chɔɡa waa la, o fuɡro ir o kookara ta, dɛ wur o yal waa tɔɔ la ta, dɛ kpɔ lweyal tɔ dɛ ka so tɔɔ ta.

Haɡae 2:22

Mɛɛ lɛ koranar kpeɡri ba bee, dɛ́ ɡel harɛre kora kpeɡri ba a jaɡa. Dɛ beɡre torɔɡore baa vɔwa dɛɛ pɛl jaɡre piiɡi. Jaɡre ɛɛ choɡluu, ásɛ nɛra baa dɛ so a ta kpoo dɔŋa keri ne.

1 Pita 5:5

He bonɔɔna ɡe la, hɛ́ɛ tɛ he nomonome duure. Hé bwa pwɛr he te dɛɛ tɛ dɔŋa, dɛɛ cha dɔŋa, dɛkalkɛŋɔ Korowii Tɔn bolɔ ŋɔ, “Korowii ne mbarafo tena aa jo, kɛ o dɛ sune nɛra baa dɛ pwɛr ba te nɛɛ dɛɛ cha ba.”

Wepila 18:9

Harɛ nɔ ta koranar ba ne waa dɛ bɔ jwamane dɛɛ di ba bwara la, baa ba na o chuu kɛ o dɛ fuh la, baa wiu dɛ́ɛ dooɡe lɔŋɔre.