Ɛsekeɛl 26:14 - mzwDBL

¹⁴ Mɛɛ ɡeloo bwɛjen la bwetal la ɡbo ka, ásɛ nɛra baa dɛ ɛ nee toma la ɛɛ nyenɛ ba dɔɔhne o ta. Baa won kwaa vɔrɔwe bwɛjen Taaya kpa. Men Nemenɛ Korowiirii bola.

Ɛsekeɛl 26:14 ပူးပေါင်းရင်းမြစ်များ

Job Tɔn 12:14

Korowii taɡɛ kon ta aa, nomɛlbwa aa won berɛ kwaaro cheɡ. O do nɛn dea aa, nomɛlbwa aa won leo.

Job Tɔn 40:8

Hɛɛ ŋɔɔ he waa wer, dɛ́ chɔɡ mɛ ŋɔ n te waa aa were kɛɛ?

Aesaya 14:27

Waa Koranar Bwa Kooro aa vɔrɔwa nɔ, umee dɛ́ won bera ɔ? O ir nɔn dɛ́ tɛr nɛra deŋne, umee dɛ won ŋɔ o be ŋɔ o bɛ ɛɔ?

Aesaya 23:12

Korowii berɔ ŋɔ, “Bwɛjen Sidon haa wera kɛŋɔ bitolo waa wola baa jemɛ, taraken he chɔɡɔ! Silɛɛ aa lɔ he ta la bwa toole kpa. Ir dɛ́ kaa Saepros harɛ ta, hale bela ɡba haa ona dɔe ba.”

Ɛsekeɛl 21:32

Niinii mɛɛ ba kpɔe fuh heya. He ɡbaɡba harɛ taa hɛɛ ba serewa, baa wola he waa lii kpa. Men Korowiirii bola.’ ”

Ɛsekeɛl 22:14

Baa wono che n deŋnetɛra nyoa dɛ ta dɔ bokpeɡa awola maa ba tɛr ba deŋne la kɛɛ? N bol wa aa, n dɛ teŋɛ a ta. Men Nemenɛ Korowiirii bola.

Ɛsekeɛl 26:12

Dɔma la ɛɛ pa Taaya tena kondɔɔh ne kwaa baa dɛ di a bona bwaa. Baa taɡɛ ba danjwɛɛre bwaa ta, dɛ́ kuuɡi ba dedɛɛɡa ɡe bwa, ásɛ dɛ pa a bwekuŋe ne daa, dɛ teɡuŋe bwa ka ta mpo ta.

Ɛsekeɛl 30:12

Mɛɛ ɡeloo nenabɔɔne aa su Nael Moo ta hweeh, ásɛ dɛ yoɡ harɛ la tɛ nɛnchɔɡa. Mɛɛ ɡeloo nɛŋhɔɔhra ba chɔɡ harɛ la, ne komɛlbwa aa lɔ o ta o chɔ pɛɛ. Men Korowiirii bola.”

Ɛsekeɛl 47:10

Nɛra baa dɛ ɛ pɛŋa toma ɛɛ ba che o nyoaa, dɛ́ le Ɛn Gedi dɛ́ nyenɛ ba asauri ba Ɛn Eɡlaim. Pɛŋa bwa soo siwii dɛɛ ba o ta doe kɛŋɔ Mɛdetereenea Mpo pɛŋa ken.

Ɛsekeɛl 5:13

N sie aa beɡre ń ba tɛr he deŋne n bandia kohona ne tonɛ n baah sɔɔh mɛ la, hɛɛ jemɔ kɛŋɔ men Korowiirii bola a ɛ ɡɛ.

Ɛsekeɛl 5:15

Gɛ saŋ maa tɛr he deŋne bandia kohona ne la, harɛre aa bar heyaa cheme la nɛra ɛɛ ɔmɔɔ taeh, baa he waa nyin, dɛɛ mamɛ heya.

Ɛsekeɛl 5:17

Mɛɛ kpɔ lɔr ne kpɔɡ bini olchɔɡaa ba ta he nɛ, ásɛ a kpoo he bii. Weechɔɡa ne nɛŋkpoa ɛɛ ba he nɛɛ, ásɛ ba kpoo heyaa laa ta. Men Korowiirii bola.”

Malakae 1:4

Edom tena la ŋɔ, “A lole kɛ Korowii chɔɡ ya harɛ te, kɛ yaa berɔ kwaa vɔrɔwe bwɛɛre la.” Asɛ Koranar Bwa Kooro ŋɔ, “Ba ken ɛɛ won berɛ vɔrɔwe bwɛɛre la te, kɛ mɛɛ chɔɡaa ja. Baa yerɛ harɛ la ‘Nyubinikpeɡ Tena Harɛɛ’, n bandia aa o nɛra nɛɛ le bwa.”

Nɛra Kura 23:19

Korowii ta nɛwɛnyini ɛɛ wɛɛ teŋe nyosone, kɛɛ nɛn dɛ́ charɛ o liire. O dɛ bol waa dɛ́ ɡel a ɛɛ yaa? Wɛɛ baɡɛ nyoa waa a taa teŋaa?

Matiu 24:35

Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.

Mmarare 13:16

Hé pa kwaa aa lɔ bwɛɛ la ta bil bwɛɛ la baah ta bela baa dɛ cheme, ásɛ dɛ kpaa nii do bwɛɛ la ne kwaa la bwa ta tɛ Korowii kɛŋɔ saraha kwaa ken. Gɛ bwɛɛ la te, ó chɔ dimɡbia, ba bɛ on vɔrɔwe kpa.