Ɛsekeɛl 26:12 - mzwDBL

¹² Dɔma la ɛɛ pa Taaya tena kondɔɔh ne kwaa baa dɛ di a bona bwaa. Baa taɡɛ ba danjwɛɛre bwaa ta, dɛ́ kuuɡi ba dedɛɛɡa ɡe bwa, ásɛ dɛ pa a bwekuŋe ne daa, dɛ teɡuŋe bwa ka ta mpo ta.

Ɛsekeɛl 26:12 ပူးပေါင်းရင်းမြစ်များ

2 Webena 32:27

Kooro Hɛsɛkea dɔ kondɔɔh ne jirima taeh, asɛ dɛ ma deene dɛɛ cheɡ suuɡapoŋa ne suuɡaswɛm, ne bwedɛɛɡa a yoɡ aa kpeɡa ne konsɔɔhsoma, ne kwaa baa kpɔa dɛɛ tɔ ba te ɡbemɡbe laa ta, dɛ kondɛɛɡa bwa soo siwi a bini.

2 Webena 36:10

Benanyoa aa chema la, Kooro Nebukadnesa ɡelɔ ba ba lawɛ Kooro Jehoiachin kaa Babelɔn harɛ ta, dɛ pa kondɛɛɡa a yoɡ aa kpeɡa dɛ do Korowii Dea ja kaa. O kpɔ Kooro Jehoiachin naara Sedekia chiɡ o naa ta, o ɛ Juda harɛ ta kooro, dɛ so Jerusalam.

Aesaya 23:11

Korowii tɛr o nɔn pa mpo ta, o ir mpo nyoa koranar ɡalɡa. O bol Keenan harɛ nɛra baa soɡe mpo nyoa la wa, dɛ chɔɡ ba dekpeɡa.

Aesaya 23:8

Umee ɡela ɡɛ waa nɔ chiɡ Taaya ɔ? Kondɛɛɡa bwɛɛ o bonadiire aa beɡre koobii dɛ dɔ nyanyini harɛ nɔ ta bwa laanee nɔ naa?

Aesaya 32:12

Hé kpɔ nɔɔra lɔ bambili á baɡle kɛ he tea bini chɔɡɔ, he harɛpare ondɛɛɡe la wa, ne daa nɔna aa chɔɡa la wa.

Jeremia 25:34

He nomonome haa do kɛŋɔ peteɡra dɛɛ nyiŋi n nɛra nɛɛ la, hé do lɔŋɔre dɛɛ wi kohona! Hé chɔ harɛ dɛɛ ɡbili, dɛkalkɛ saŋ telo kɛ bá kpoo heya. Hɛɛ doo kɛŋɔ vii yon le harɛ dɛ paɡre la ken.

Jeremia 52:14

Babelɔn laa tena Nebusaradan aa chɔ ba nyoa la kuuɡi danjwɛɛ waa bar Jerusalam la bwa.

Ɛsekeɛl 26:5

Bela ɛɛ berɛ bɔr nɛra aa dɛɛ ɛ nee toma mpo taa, baa nyenɛ ba dɔɔhne. Harɛre nɛra ɛɛ ka pa Taaya tena laalaa kɛŋɔ laa ta kwaa ken. Men Nemenɛ Korowiirii bola.

Ɛsekeɛl 28:8

Baa kpoe dɛ́ kpɔe ta mpo ta kɛŋɔ baa huɡe la ken.

Daneɛl 11:8

Wɛɛ pa ba voɡa baa loɡa, ne suuɡaswɛm dɛ suuɡapoŋa koŋkwaa a yoɡ aa kpeɡa, dɛ́ kaa a bwa ne Ijipt harɛ. A habɔɔ deŋnesɔɔhna aa ba tama la,

Hosia 13:15

a lole kɛŋɔ he wer he bala bini. Mɛɛ ɡeloo peuchɔɡe ta le wee leebɔr, dɛ́ ta le pua hɛŋle ɡbo harɛ ta. Nee aa won palɛ le neerare nyuune ta, ásɛ buli hweeh. Mɛɛ pa he kondɛɛɡaa le bela haa dɛ cheɡa la kaa.

Emɔs 5:11

He fiiɡi nyaara dɛ ɛɡre ba dɛɛ lɛ mea. Anomanta, haa deene haa kpɔ bwedɛɛɡa maa la binii so, kɛɛ dɛ́ dɔ sen nyɔ le he daa kodɛɛɡa haa para la ta.

Neehum 2:9

Hé pa ba suuɡapoŋa ne ba suuɡaswɛm kɛŋɔ laa ta kwa. Kondɔɔh su bwɛɛ la bwa, a ta nyoa dɔe.

Sekaria 7:14

N lɔ ba peɡre harɛfala ta kɛŋɔ kawulewule aa lɔ haahra dɛɛ peɡre la ken, bela ba fa aa kaa ɛ hɔɔhra la. Harɛdɛɛɡe la chɔ pɛɛ, nomɛlbwa toole o ta.”