Ɛsekeɛl 25:4 - mzwDBL

⁴ Anomanta, mɛɛ ɡeloo nɛra le wee leebɔr bá yo heya, dɛ́ pɔ he nɛ. Baa baŋre ba tɛnte deene he harɛ taa dɛ́ so, dɛ́ di he daa nɔna, dɛ́ nyɔ he kondɛɛra elne.

Ɛsekeɛl 25:4 ပူးပေါင်းရင်းမြစ်များ

Mumpar 29:1

Jekɔb ŋwɛnɛ waa valɔ la, o kpɔ sie chaɡɛ wee leebɔr dɛ kaa bela harɛ la ta.

2 Samoɛl 12:26

Anɔ bwa habɔɔ, Joab teŋɔ dɛ kpɔ o laa tena ka yo Amɔn tena bwɛjen baa dɛ yerɔ Raba o ɛ koobwɛɛ la ta, dɛ pɔ ba nɛ.

1 Koranar 4:30

Kasinteŋ, dɛ o dɔŋ toole wejema dɔe ta wee leebɔr harɛre ta ba kaa Ijipt harɛ bwa ta.

Aesaya 1:7

He harɛ berɛ dimɡbia, nomɛlbwa toole o ta. Ba kpɔ nii do he bwɛjena ta a fuh, hɔɔhra dɛ di he kooni kwa, he siwi taa baa chɔɡ a bwa.

Aesaya 41:2

Umee le nɛn le wee leebɔr ɔ? Umee tɛo kpeɡri o won yo lɛ harɛre dɛ pɔ a koranar nɛɔ? O kpɔ o tokobi dɛ kpoo ba, dɛ kpɔ o to ne hɛma ba peɡre, kɛŋɔ peu aa taa dɛ kpɔ tutuɡ ne haahra kaa la.

Aesaya 65:22

Baa deenee ma nɛra bane ba so a ta, kɛɛ dɛ́ du kwaa nɛmpɛɛne dia kpa. Nɛra maa lee ba tɛ n te la ɛɛ biɡruu kɛŋɔ daa aa dɛ biɡri la, dɛ́ ɡbaɡba di ba toma baa ɛa ta.

Wiile 1:14

O na n wechɔɡa bwa, dɛ boa a nyoa, dɛ vɔwa. O kpɔa vɔwɛ n baŋa a tɔɡre ɡel n ɡwɛɡre. O kpɔ mɛ do n dɔma ba kpeɡri aa ɡwaa mɛ nɔn ta.

Ɛsekeɛl 25:10

Mɛɛ kpɔ Moab harɛ ne Amɔn tenaa do nɛra baa le wee leebɔr nɔn ta, ásɛ Amɔn tena sɔn he kwaraa.

Lewi Dea Tena 26:16

mɛɛ kpɔ ɔmee tenten ne bambiteŋa ne weela aa ba he nɛɛ he chah kahonɛ, ne bɔwɔrɔba aa kpɔ nyoŋa ba ta he nɛ, dɛ́ chɔɡ heya. Hɛɛ du kondikwa he kooni ta pɛɛpɛɛ, he dɔmaa dɛ́ ba dia.

Nɛra Kura 23:7

Balam bol waa Korowii aa bola la dɛ ŋɔ, “Kooro Balak kaa kpɔ mɛ le Siiria harɛ ta, Moab harɛ ta wee leebɔr bwejena bɔr. Dɛ ŋɔ n ba tomɛ Israel tena toma tɛo, ba chɔɡ Israel tena tɛ mɛ.

Mmarare 28:33

Kwaa haa koh dɛ́ para la, harɛ bɛl tenaa dɛɛ ba dɛ́ ba kpɔa kaa ka di, ásɛ a ka he ne tɔpere bɛlbwa wahala ne fiiɡa.

Mmarare 28:51

Baa di he kondikwaa bwaa ásɛ lɔr kpo heyaa he serewe. Baa di he mea bwaa, dɛ́ nyɔ he sen dɛ́ kpɔ he ɔleve no, dɛ́ larawe he nae bii ne peera bii bwa, ka tel kɛŋɔ he kondɔɔh bwa aa le he nɔn ta.

Sitɔɔla 6:33

Midian ne Amalɛk tena dɛ nɛra baa soɡe wee leebɔr la bwa pɛo, dɛ ka baŋre ba tɛnte deene Jɔɔdan Moo baŋ Jesreel Fɛlembɔjen bini.

Sitɔɔla 7:12

Dɛ Midian ne Amalɛk tena ne wee leebɔr tena la su fɛlembɔjen la bini pirim kɛŋɔ tontombɛ ken. Ba nyoɡmare ɡe warɛ kɛŋɔ mpo nyoa hɛŋle ken, haa won kur ba.

Sitɔɔla 8:10

Dɛ Seba ne Salmuna laa tena baa kaa la lɔ kaɡboŋa fi dɛ banue ba ne ba do Kaakɔ. Banee kaa dɛ le wee leebɔr laa tena la bini, asɛ laa tena kaɡboŋa lafa fifraanɛ ɡe serewe.