Ɛsekeɛl 25:1 - mzwDBL

¹ Korowii bol waa men Ɛsekeɛl be ŋɔ,

Ɛsekeɛl 25:1 ပူးပေါင်းရင်းမြစ်များ

Nehemia 13:1

Awola tɔpere la, ba kure Mosis Mmara Tɔn la a le baŋ nomɛlbwa no. Ba kure o bobɛl waa dɛ baɡle kɛŋɔ, Amɔn te kɛɛ Moab te bɛ nɛra baa dɛ tomɛ Korowii nɛɛ ja,

Jeremia 12:14

Anomanta, Korowii ŋɔ, “Harɛre nɛra ba nyu bini aa kpeɡa, ba so bar harɛ maa kpɔa tɛ n nɛra Israel tena ba ba chɔɡo la, mɛɛ le ba ne ba harɛre taa, kɛŋɔ ba yon fuɡri dua la ken, dɛ́ lɛ Juda tena le ba bini.

Jeremia 25:21

ne Edom ne Moab dɛ Amɔn harɛre ta,

Jeremia 27:3

Asɛ Korowii ŋɔ n be ŋɔ, ń kpɔ kala tɛ nomonome baa cheɡɛ koranar baa lɔ Edom ne Moab harɛre ta, ne bwɛjena Amɔn ne Taaya dɛ Sidon naa ta, dɛ ba Kooro Sedekia be Jerusalam la.

Jeremia 49:1

Gɛ Korowii aa bol Amɔn tena waa laanee nɔ. “Baala toole Israel harɛ ta kpa, dɛ́ kpɔ harɛ la ɛ ba kapɛrɛ kon kɛɛ? Ɛrɛɛ nɛra baa dɛ tomɛ voɡ Molɛk berɛ ba lɛ Gad dea harɛ dɛ so o ta nɔɔ?

Wiile 1:21

Ba no n wii maa dɛ wii, kɛ nomɛlbwa toole dɛ́ ba larawe n bwara. N dɔma bwa no n wenaale wa, asɛ ba sie lɛ kɛ haa kpɔa ba ta n nɛ. Gel tɔpere bɛl haa baɡɛ nyoa o waa la ba, ásɛ ba ɡe bwara nyɛɡ kɛ n kwaa nɔ.

Ɛsekeɛl 24:27

Awola tɔpere la, mɛɛ ɡeloo he berɛ won waa bola, ásɛ he ne naate bol wa. Gɛɛ aa ba ɛɛ ba nyiŋi dɛ́ kpɔ hweli waa dɛ́ jemɛ kɛŋɔ menee Korowii.”

Ɛsekeɛl 25:2

“Nɛwɛnyini bie, eɡle sie dɛ kah Amɔn tena, dɛ́ bol waa aa dɛ ba ba nɛɛ bala.

Ɛsekeɛl 28:26

Baa so deŋnesɔɔhna taa, dɛ́ do deene, dɛ́ parɛ daa kooni. Mɛɛ tɛr nɛra baa ɛɛ ba hɔhɔrɔwa la deŋnee, ásɛ Israel tena dɔ ba te. Ásɛ ba jemɛ kɛŋɔ menee Korowii baa dɛ tom mɛ la.”

Ɛsekeɛl 32:29

Edom tena ne ba koranar ne ba nomonjena bwa chɔ bela. Dɛ ba laa tena fa kpeɡri taeh, kɛ ane a bwa, ba ɡarɔ kpoo ba laa ta. Ba chɔ nɛra ba fa aa wola men Korowii tomɛ la baah ta lalabwɛ.

Ɛsekeɛl 36:7

Dɛ ɡɛɛ a do tenaa, n ir nɔn dɛ ŋwɛɛ kɛŋɔ harɛre aa bar heyaa cheme nɔ nɛra ɡe ɛɛ di sihiih bá mam ba.

Joel 3:19

Ijipt harɛ dɛ ba pɛɛ chɔe, ásɛ Edom harɛ berɛ pua hɛŋle ɡbo harɛ, yoi baa kaa yo Juda harɛ ta tena, dɛ kpoo nɛra baa wola wechɔɡa ɛɛ la wa.

Emɔs 1:13

Korowii ŋɔ, “Amɔn tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba yo laa dɛɛ nyin ba harɛ do kan, anomanta, ba kpoo Gelead tekpoŋra, dɛ ya ba teene.

Habakuk 1:17

Baa ɡeloo ba teŋɛ dɛ́ kpoo harɛre nɛra kɛŋɔ pɛŋa baa wola ba sumii na naa?

Sefania 2:8

Nemenɛ Korowii ŋɔ, “N no chɛɡra ne bammuɡli wa Amɔn ne Moab tena aa dɛ ɛ n nɛra, dɛɛ aah ba ŋɔ baa lɛ ba harɛɛ.

Sefania 2:9

Men Koranar Bwa Kooro Israel tena aa dɛ tom mɛ taa lole nɔ, n ŋwɛɛrɔ kɛŋɔ, Moab dɛ ba chɔɡa kɛŋɔ bwɛjen Sodom, ásɛ Amɔn ɡe chɔɡ kɛŋɔ bwɛjen Gomoora ken. Aa berɛ yar kwibɔraa, kpɔɡa le a ta, á chɔ pɛɛ saŋ bɛlbwa dɛɛ la. N nɛra baa ka laanee dɛ́ pa ba laala, dɛ́ ka kpɔ ba harɛ la so.”