Ɛsekeɛl 24:8 - mzwDBL

⁸ N ɡelɔ chale la chɔ ɡɛ ba ta a ta tɔe, ásɛ n naa n baah di kohona, dɛ́ yoo ba bɔ kem.’

Ɛsekeɛl 24:8 ပူးပေါင်းရင်းမြစ်များ

2 Koranar 22:17

dɛkalkɛ ba vɛɛh mɛ, dɛ ka fuh konsɔɔhsoma voɡa ta, dɛɛ muɡli n baah voɡa ba ɡbaɡba aa ɛa ne. N baah ɛɛ di ba nɛɛ bonɔ kohonaa, aa wola sɔɔh bwa.

2 Koranar 24:4

ne nɛra baa wola wobɛlbwa ɛɛ o kpoo ba warɛ Jerusalam la wa. Dɛ Korowii aa nyin kɛ ó kpɔ kɛo.

2 Webena 34:25

dɛkalkɛ ba vɛɛh mɛ dɛ ka fuh konsɔɔhsoma voɡa ta, dɛɛ muɡli n baah voɡa ba ɡbaɡba aa ɛa ne. N baah ɛɛ di ba nɛɛ bonɔ kohonaa, aa wola sɔɔh bwa.

Aesaya 26:21

Hé no! Korowii le o dobɔr nyundua dɛɛ ba, dɛ́ ba tɛr nɛra baa lɔ harɛ ta deŋne ba wechɔɡa wa. Harɛ ɛɛ le nɛra baa sɔah kpoo nɛra laanee tɛ, waa ban kpɔ sɔh kpa.

Jeremia 7:18

Ba bechale cheɡɛ damara ba bil, ba mɛɛnanar ɛɛ mar nii, asɛ haahna kpɔ noo koo men ta, dɛ charama dɛ wɔɔra kɛŋɔ paanoo, dɛɛ tɛ ba voɡ baa dɛ yerɔ Nyundua Haŋkooro la. Ba berɔ fuɡe sen dɛ kpɔ ɛ sarahare tɛ voɡare ane ɡe, dɛ kpɔ dɛɛ muɡli n baah.

Jeremia 7:20

Anomanta, men Nemenɛ Korowii ɛɛ kpɔ n bandia waa do kɛ nii ba ta n Dea nɔ ne nɛra dɛ kondɛɛra bwa nɛ. Hale daa ne koo kondikwaa bwa soo siwi. N bandia la aa sɔɔh bwa.

Ɛsekeɛl 22:4

Jerusalam tena di bolchɔɡe ba nɛra baa kpoora la wa, dɛ kah doŋa voɡa baa ɛa la wa. Anomanta, ba deŋnetɛra tɔpere telo. A waa n ɡel harɛre ta nɛra ɛɛ mam ba dɛ bwa ɛɛ nyiŋ ba dɛɛ vah la.

Ɛsekeɛl 23:45

Nɛra ba wa aa toɡra ɛɛ tɛr ba deŋnee ba jwamane ne nɛra baa kpoora la waa, dɛkalkɛ ba di bolchɔɡe a ta.”

Ɛsekeɛl 5:13

N sie aa beɡre ń ba tɛr he deŋne n bandia kohona ne tonɛ n baah sɔɔh mɛ la, hɛɛ jemɔ kɛŋɔ men Korowiirii bola a ɛ ɡɛ.

Sefania 1:17

Korowii ŋɔ, “Mɛɛ kpɔ a ɡɛ wenaale nɔɔ ba ta nɛra baa ɛ wechɔɡa dɛ jo n nɛ, ásɛ baa laɡre bɔr kɛŋɔ nyoŋa ken. Baa ɛɛ mɛ wechɔɡa nomanta, mɛɛ fuɡe ba chalee ta kɛŋɔ nee ken, ásɛ ba lala chɔ dɛ́ pɔh.”

Matiu 7:2

dɛkalkɛ ɡɛ haa dɛ pwah he dɔŋa la, ɡɛɛ Korowii ɡee ba heyaa pwaeh. Kon haa kpɔa maɡɛ kwaa tɛ he dɔŋ la tentenee baa ba kpɔe maɡɛ tɛ he ɡe.

1 Kɔrent 4:5

Anomanta, he bɛ nomɛlbwa kpɛɛ kɛɛ dɛ chɔɡo ka tel kɛŋɔ Yeesu Kristo aa ba. Dɛ o balaa, wobɛlbwa aa sɔah la ɛɛ le bochaahnee, wedɛɛɡa oo, wechɔɡa oo, a bwa ɛɛ leo, ásɛ wobɛlbwa aa sɔah dɛ do nɛwɛnyini bambile bini la chɔ baŋ, ásɛ Korowii kpɛɛ nomɛlbwa ɡɛ aa chɛo.

Wepila 18:16

dɛɛ wi ŋɔ, “Akwe! Akwe! Waa pu bwɛjen la o nɛra fa aa dɛ do yapondɛɛɡa a sie aa swɛɛra, dɛ do ɡimeɡime ne answɛɛma peihpeih, dɛɛ do baŋa kwa, ne deŋna kwa, ne nɔnloɡa baa kpɔ suuɡaswɛm dɛ bwedɛɛɡa bwa soo siwi ɛa la,