Ɛsekeɛl 24:6 - mzwDBL

⁶ Nemenɛ Korowii ŋɔ, ‘Bwɛjen Jerusalam nɛŋkpoa aa lɔ o ta kohona la bwɛɛlɛ. O do kɛŋɔ vii o bini aa deera ken, o doŋa la aa wola le. Tɔɔ ola baa chɛwa do o bini la beŋkpoŋa beŋkpoŋa le ó chɔ pɛɛ.

Ɛsekeɛl 24:6 ပူးပေါင်းရင်းမြစ်များ

2 Samoɛl 8:2

O berɔ ka yo Moab tena ɡe dɛ pɔ ba nɛ. O ɡelɔ nɛra baa laɡ ba laa la ta la chɔ harɛ bɔre atoro, asɛ o maɡ ba ŋwɛn ne. O kpoo nɛra baa chɔa teŋɛ nɛɛ la, dɛ ɡel banɔ la baa chɔa teŋɛ tooro la, o ta ban kpoorɛ. Gɛɛ a do Moab tena ba do Kooro Devid lɔɡa, dɛ kpɔ harɛ la kwaa baa tɛo.

2 Koranar 21:16

Kooro Manasɛ kpoo nɛra baa wola wechɔɡa bɛlbwa ɛɛ dɛ warɛ taeh, asɛ ba chale ɛɛ palɛ Jerusalam fɔɡbaahna bwa. O berɔ ɡel Juda harɛ tena jo voɡa toma ta, dɛ ɛ wechɔɡa jo Korowii nɛ.

2 Koranar 24:3

Gɛ waa nɔ ɛo ɡɛ Korowii aa ŋɔa wɛɛ ɛo dɛ́ doŋ ba le o sie, Juda tena wechɔɡa Kooro Manasɛ aa ɛa la wa

2 Koranar 24:4

ne nɛra baa wola wobɛlbwa ɛɛ o kpoo ba warɛ Jerusalam la wa. Dɛ Korowii aa nyin kɛ ó kpɔ kɛo.

Jeremia 2:22

He sɔ semina waa nyɛɡa ɡɛ bɛlbwa kwaraa naa, he wechɔɡa ta lɔ he nɛɛ kɛŋɔ doŋa dɛ chɔ n sie. Men Nemenɛ Korowiirii bola.

Jeremia 6:29

N nɛra do kɛŋɔ suuɡapoŋa doŋa aa lɔ a ta, hale he do nii a ta dɛ lɔ fuɡme ɡɛ bɛlbwa nii la wɔrɔbe aa, aa won mwɛɛ a doŋa le. Gɛɛ n nɛra nyu bini do kpeɡri, banchɔɡa aa won pere ba te le bandɛɛɡa bini. A kpeɡri kɛ ń won kwaa ba.

Ɛsekeɛl 11:11

Bwɛjen nɔ aa won lɛ heyaa kɛŋɔ ola lɔ vii bini aa, o yon tɔ a nɛɛ la. Israel harɛ nɔ ta bobɛlbwa haa ka do bwa, mɛɛ tɛr he deŋnee.

Ɛsekeɛl 11:3

Ba dɛ bol ŋɔ, ‘Saŋ aa chɛ kɛ ya do deene ta telaa? Bwɛjen nɔ do kɛŋɔ vii baa kpɔa dɛɛ daa kwa, asɛ ya ɡee ola aa lɔ o bini.’

Ɛsekeɛl 22:12

Ba dɛ yawɛ ba bini bane sen baa kpoo nɛra. Bane ɡe dɛ́ kemɛ ba bala Israel tena suuɡa, dɛ́ chɔŋɛ a nee dɛ́ che a ta ɛ dɔɔhna. Ba soh n waa la kwara. Men Nemenɛ Korowiirii bola.

Ɛsekeɛl 22:2

“Nɛwɛnyini bie, hɛɛ bol Jerusalam nɛŋkpoa nɛra aa suu nɔ waa yaa? Bol o nɛra we-ɛɛla maa kia la waa ba be.

Ɛsekeɛl 22:27

Israel nomonome do kɛŋɔ ɡboli dɛɛ peeɡe ola aa kpoora la. Nɛŋkpoa taa ba che dɛɛ nyin kondɔɔh.

Ɛsekeɛl 22:3

Ŋɔ ba be ŋɔ, nɛra baa kpoora dɛ teŋɛ voɡa ta, dɛ kpɔ doŋa kah ba te nomanta, ba deŋnetɛra tɔpere dɛ ba.

Ɛsekeɛl 24:3

Kpɔ sɛɡla bol waa chaɡle Israel deŋnekpeɡ tena la be ŋɔ, men Nemenɛ Korowii ŋɔ, ‘Hé ɛ nee do vii bini, dɛ́ kpɔ chɔŋɛ nii ta.

Ɛsekeɛl 24:9

Anomanta, Nemenɛ Korowii ŋɔ, ‘Bwɛjen nɛŋkpoa aa lɔ o ta la bwɛɛlɛ. N ɡe ɛɛ pa damaraa bil a daŋɛ.

Joel 3:3

Ba ta bie n nɛra nɛ, dɛ́ jemɛ nɛra baa dɔ bá ɛ ba yoma, ba yoɡ ba bibaala ne bihaahna, dɛ kpɔ ba suuɡa bɔ hanjwamanere ne sen kem.

Obadia 1:11

Awola Jekɔb naanar dɔma aa lɔa ka tɔ Jerusalam tena nɛɛ la, he Edom tena cheɡɔ nyiŋi ba pa ba kondɔɔh bɔne dɔŋa. He ɡe ɛ nɛnchɔɡa kɛ ban.

Jona 1:7

Asɛ nɛra la bwa baa lɔ stiimae la bini la ŋɔ, “Hɛ́ ɡel ya bil daa, dɛ́ na naate aa cheɡɛ o nɛɛ ɡɛ waa nɔ ba ya nɛɛ nɔ.” Ba bil daa la, asɛ a lawɛ Jona.

Maeka 7:2

Ba doŋi nɛra baa dɛ duu Korowii bwa le harɛ la ta, nomɛlbwa ta kae o waa toɡre kpa. Nɛra bwa chɔɔ dɛɛ kpa kɛŋɔ bá kpoo nɛra, bɛlbwa dɛ harɛ o dɔŋ bel dɛ́ dɔɔ lawɛ.

Neehum 3:1

Bwɛjen nɛŋkpoa ne nyosonteŋna aa su o ta la tena bwɛɛlɛ. Kondɔɔh su he bwa, he dɔma ɛɛ ba a pae kaa.

Neehum 3:10

Kɛ ba wono ba yo he nɛra, dɛ laɡ ba kaa harɛfale bɛl ta. Ba lawɛ bechale dɛ kpɔ ba cha harɛ ba bini toɡri chɔ fɔɡbaahna. Ba lawɛ nomonjena dɛ bil daa ba nyuune ta, dɛ kpɔ jɔɡrɔre do sitɔɔla.

Matiu 23:35

Anomanta, nɛndɛɛɡa baa nya ba nɛɛ dɛ kpoo ba la, dɛ́ le kpoe baa kpo Ebel waa wola wechɔɡa bɛlbwa ɛɛ la, ka tel kpoe baa kpo Bɛrekea bie Sekaria Korowii Dea la, ne bela baa kpoo kwaa dɛɛ tɛo la baah ta bela la, ba bwa waa ɛɛ ɡure he nɛɛ.

Mmarare 23:13

Hé nyin kon haa kpɔ dɛɛ forɛ bɔɔ do he be, ásɛ dɛ dahara dɛ le heya aa, hé kpɔ forɛ bɔɔ dɛ́ la do dɛ tɔ a ta.

Josua 10:22

Ate Josua ŋɔ, “Hé ka ɡbili bwea la le bwebɔɔ la nyoa, dɛ́ lawɛ koranar banue la ba tɛ mɛ.”

Wepila 17:6

N na haah la kɛ waa dɛɛra. Korowii nɛra ba wa aa toɡra dɛ teŋɛ Yeesu nɛɛ ba koh a waa kpoo ba la chalee o nyɔ dɛ dɛɛ. Maa nao la, n nyoa kpoo taeh.

Wepila 18:24

Korowii keamere ne o nɛra ba wa aa toɡra, ne nɛra baa kpoo ba harɛ nɔ ta bwa la, ba chalee bá na bwɛɛ la ta la.”