Ɛsekeɛl 24:21 - mzwDBL

²¹ o dɛ ba o Dea haa dɛ ɛ mbarafo dɛɛ maŋkura he te o waa la chɔɡa. O wer he sie ta hɛɛ nyinu. Wɛɛ ɡeloo ba kpoo he bibaala ne bihaahna haa ɡel ba habɔɔ Jerusalam la laa ta.

Ɛsekeɛl 24:21 ပူးပေါင်းရင်းမြစ်များ

1 Koranar 9:7

ate, mɛɛ le Israel tenaa le harɛ maa kpɔa tɛɛ ba nɔ ta, dɛ́ vɛh n Dea maa lea cheɡ dɛ ɡel o do ɡoroŋ ŋɔ ó ɛ bela baa dɛɛ tom mɛ nɔ ta. Ásɛ Israel tena berɛ wesoma nɛra, harɛ nɔ ta bwa.

Yela 105:4

Hɛ́ɛ soŋe Korowii dɛ́ na o kpeɡri, dɛ́ɛ tomɔ saŋ bɛlbwa.

Yela 132:8

N Naa Korowii, ir kpɔ He Ne Nɛwɛnyina Fɔo Daka waa cheɡa tɛ he kpeɡri la ba he Dea, dɛ́ ba so bonɔ saŋ bɛlbwa dɛɛ la.

Yela 27:4

N Naa Korowii, kombeŋkpoŋii n soŋe dɛɛ le he be, ɡɛ maa dɛ nyin laanee kɛŋɔ, ń so he Dea n soɡa bini bwa, dɛ́ nyiŋi ɡɛ he wa aa wera dɛ́ kooɡa, dɛ́ soŋe, he nyiŋi n nɛ.

Yela 74:7

Ba fuh he Dea la, dɛ kpɔ doŋa kah bela baa dɛ tomɛ la.

Yela 79:1

N Naa Korowii, nɛŋhɔɔhra baa wola hen tomɛ, baa lɛ he harɛ la dɔɔh. Ba kpɔ doŋa kah he Dea waa do ɡoroŋ la, dɛ ɡel Jerusalam berɛ dimɡbia.

Yela 84:1

Nemenɛ Korowii, n bambile lawɛ he Dea kɛrɛdɛ.

Yela 84:3

Joŋa kwara sɔh kɔne, bilore ɡe dɔ a kɔne, a bii yon do a bini, he saraha kon la jwɛh, bela baa fuh kwaa dɛɛ tɛɛ la. Nemenɛ Korowii maa dɛ tomɛ, henee n kooro.

Yela 96:6

O kan dɛ dɔ jirima kohona, kpeɡri ne jirima su o Dea.

Aesaya 65:11

He banɔ la haa berɛ habɔɔ kpo mɛ dɛ vɛh Saayɔn Bwejen waa do ɡoroŋ, dɛɛ tomɛ voɡ Gad ne voɡ Meni.

Jeremia 6:11

He bandia waa lɔ ba nɛɛ la dɛ we n bambile maa wola won kpoŋa kpa.” Belaa Korowii ŋɔ n be ŋɔ, “Kpɔ n bandia ba bechale nɛɛ fɔɡbaahna, ne bela bonɔɔnaa aa dɛ cheme, ne baala ne ba haahna bwa nɛ, hale banɔ la baa hwɛɛhra bwa.

Jeremia 7:14

Anomanta, ɡɛ maa ɛ Silo laanee mɛɛ ba n Dea maa lea cheɡ ŋɔ hɛɛ tom mɛ o bini, dɛɛ hwɛɡɛ o ta la ɛɛ. Dea nɔ maa kpɔa tɛ he ne he naawa nɔ ɛɛ doo kɛŋɔ maa ɛ Silo la.

Jeremia 9:21

Seo do kɛŋɔ nɛnchɔɡe dɛ che ya tokorore ta jo ya deremi. Bechale serewɔ chɔ fɔɡbaahna, asɛ bonɔɔna ɡe serewe chɔ cheremibɔra.

Wiile 1:10

Dɔma pa o laala a yoɡ aa kpeɡa bwa kaa. O ɡbabir na harɛre nɛra baa wola Korowii tomɛ aa dɛ jo Korowii Dea la bini, bela Korowii fe aa wola ban ŋwɛnɛ tɛɛ kɛ ba jo.

Wiile 2:1

Na ɡɛ Korowii aa kpɔ o bandia ba bɔle bwɛjen Saayɔn ta kɛŋɔ bam, dɛ tɛr o nɛra deŋne. O le nyundua taɡɛ Israel wer ta harɛ. O ta o natiɡribɔr waa ɛ o Dea la ɡba waa dawɛ o bandia tɔpere la ta.

Wiile 2:21

Bechale ne nomonome bwa serewɔ chɔ fɔɡbaahna, ya dɔma kpoo bonɔɔna ne toli laa ta. He ta ba nɛɛ sune dɛ kpoo ba awola he baah aa dia la.

Ɛsekeɛl 23:25

N baah aa di he nɛɛ kohona nomanta, mɛɛ ɡeloo ba kpɔ bandia doe sibeɡra kohona. Baa teŋe he mee ne deŋnaa ta, dɛ́ lawɛ he bibaala ne bihaahna kaa, dɛ́ fuh banɔ la baa kaa la.

Ɛsekeɛl 23:47

Nɛnlaa ɛɛ foɡ ba bweaa, dɛ́ kpoo ba keri ne. Baa kpoo ba bihaahna ne bibaalaa, dɛ́ fuh ba deene ɡe.

Ɛsekeɛl 24:16

O ŋɔ, “Nɛwɛnyini bie, n dɛ ba nɔn uma lɔ nɛn haa dɛ nyinu kohona la dɛ́ kpoo. Bɛ waane bol kɛɛ dɛ́ wi.

Ɛsekeɛl 24:20

Asɛ n ŋɔ ba be ŋɔ, “Nemenɛ Korowii ŋɔ ń bol he Israel tena be kɛŋɔ,

Ɛsekeɛl 24:22

Hé ɛ ɡɛ maa ɛa nɔ. Haa kwaa kpɔ tɔ he nyoo, haa kondikwaa nɛra baa lɔ lwe ta aa dɛ di la ɡee di.

Ɛsekeɛl 24:25

Korowii ŋɔ, “Nɛwɛnyini bie, mɛɛ chɔɡ n Dea baa dɛ ɛ mbarafo o waa o do wer ba siwi ta, ba sie ɛɛ lɛ o ta laanee. Mɛɛ lawɛ ba bibaala ne ba bihaahna bwa ɡee ja.

Ɛsekeɛl 33:28

Mɛɛ ɡeloo harɛ la chɔ pɛɛ, ásɛ kpeɡri o fa aa dɔa dɛɛ ɛ mbarafo la ba a jaɡa. Bwejena aa lɔ Israel harɛ ta bwa ɛɛ chɔɡoo, ásɛ nomɛlbwa aa won kpɔ a ta.

Ɛsekeɛl 7:24

Mɛɛ ɡeloo nɛnchɔɡa tenten le harɛre ta ba, dɛ́ ba lɛ he deene dɛ́ kpɔ. Mɛɛ ɡeloo he kpeɡnɛra haa dɛ hwɛɡɛ ba nɛɛ la nyoa sɔɔh, dɛ́ ɡel bela haa dɛ tomɛ voɡa la ɛ pɛɛpɛɛ.

Ɛsekeɛl 9:7

Korowii ŋɔ ba be ŋɔ, “Hé pa nɛra haa kpoo ba la ba su n dembaah bela, dɛ́ kpɔ doŋa kah n Dea la. Hé kaa.” Anomanta, ba jo bwɛjen la bini, dɛ pa mun dɛɛ kpoo nɛra la.

Daneɛl 11:31

Wɛɛ ɡeloo o laa tena kpɔ doŋa kah Korowii Dea dekpeɡ la, dɛ́ ɡel ba ɡel sarahare baa dɛ ɛa tɔpere bɛlbwa la, ásɛ dɛ kpɔ konchɔɡechɔɡe waa dɛ paɡre bwɛɛ la pa.

Hosia 9:16

Israel tena do kɛŋɔ daa o lune bwa aa hola waa wola nɔnɛ. Ba loɡle bii dɛɛ nyin ba kohona kwaraa naa, mɛɛ kpoo baa.”

Lewi Dea Tena 26:19

Mɛɛ chɔɡ he deŋnekpeɡ mbarafo we-ɛɛla bwaa, maa ɡel bwaala nɛ, ásɛ harɛ bwa hol dɛ́ do kpeɡri kɛŋɔ buni ken.

Malakae 2:12

Kórowii le baa te bɛlbwa waa dɛɛ ɛ ɡɛ waa nɔ le Israel tena bini, hale dɛ naate sɛoh ŋɔ wɛɛ kpɔ saraha kwaa baa tɛ Koranar Bwa Kooro kwaraa noo.