Ɛsekeɛl 24:2 - mzwDBL

² “Nɛwɛnyini bie, bɔ fini tɔpere nɔ deeti bil, dɛkalkɛŋɔ Babelɔn kooro kpɔ o laa tena dɛɛ ba ba tɔ Jerusalam tena do fini.

Ɛsekeɛl 24:2 ပူးပေါင်းရင်းမြစ်များ

2 Koranar 25:1

Kooro Sedekia aa di kora bene anuanaarɛ, korobie fi tɔpera fi ta la, Babelɔn Kooro Nebukadnesa kpɔ o laa tena bwa kaa Jerusalam, dɛ ka yoo ba. Ba baŋre ba tɛnte deene bwɛɛ la dahare, dɛ ma kwaa sawɛ bwɛjen la danjwɛɛ baa che a ta teeh jo o bini.

Aesaya 8:1

Korowii berɔ ŋɔ n be ja ŋɔ, “Nyin tɔnjen ásɛ dɛ chwerɛ waa maa dɛ́ ba bola nɔ do o ta. Chwera a do bare. Anee kɛŋɔ Mahɛr Salal Has Bas. O munii kɛŋɔ, ‘Bá ɛ warane dɛ́ ka kam anɔ la baa won, bá kpɔ chwae dɛ́ ka pa laala aa kaa.’

Jeremia 39:1

Waa aa cheɡɛ a ta Jerusalam paɡre laanee nɔ, Kooro Sedekia aa di kora Juda harɛ ta bene anuanaarɛ, korobie fi ta la, Babelɔn Kooro Nebukadnesa kpɔ o laa tena bwa kaa Jerusalam dɛ ka chɔ bar ba, dɛ yoo ba.

Jeremia 52:4

Kooro Sedekia aa di kora bene anuanaarɛ, korobie fi tɔpera fi ta la, Babelɔn Kooro Nebukadnesa kpɔ o laa tena bwa kaa Jerusalam dɛ ka yoo ba. Ba baŋre ba tɛnte deene bwɛɛ la dahare, dɛ ma kwaa sawɛ bwɛjen la danjwɛɛ baa che a ta teeh jo o bini.

Ɛsekeɛl 24:1

Baa lawɛ yaa laa ta kaa Babelɔn bene anuanaarɛ, korobie fi tɔpera fi ta habɔɔ la, Korowii bol waa men Ɛsekeɛl be ŋɔ,

Ɛsekeɛl 33:21

Baa lawɛ yaa laa ta kaa bojaŋ harɛfale ta bene fi dɛ anɛ, korobie fi, tɔpenue ta la, baa bɛl waa dɔ bɔr chwa le Jerusalam ba men Ɛsekeɛl be, dɛ ba ŋɔ, “Bwɛjen Jerusalam paɡrɔ!”