Ɛsekeɛl 24:17 - mzwDBL

¹⁷ Wi dɛɛ do he bini. Bɛ wi tɛ lale la, bɛ nakpapɛɛ valɛ, bɛ yal waa vɔwɛ he nyu ta laa kpɔ á baɡle kɛ he dɛ ɛ lwe. Bɛ kon kpɔ tɔ he nyoa, bɛ kondikwaa nɛra baa dɛ ɛ lwe aa dɛ di la ane di.”

Ɛsekeɛl 24:17 ပူးပေါင်းရင်းမြစ်များ

2 Samoɛl 15:30

Kooro Devid teŋɔ teeh kaa Ɔlevere Bwejen la doa dɛ kaa wi, o kpɔ kon bɔle nyu dɛɛ valɛ nakpapɛɛ, a baɡle kɛ o loo kuu. Nɛra baa ja o nɛɛ la bwa ɡe kpɔ kwaa tɔ nyuune dɛ wi teŋɛ, dɛ teeh dɛɛ kaa.

Yela 37:7

Hé lawɛ bambile, dɛɛ kpa Korowii, dɛ nyubinikpeɡ tena waa wer dɛɛ tɛɛ ba aa, he bɛ ɡel a we he nɛ kɛŋɔ aa chiɡ ba kɛrɛdɛɛ.

Yela 39:9

N tɔ nyoa name, maa wobɛlbwaa bol kpa, henee ɛɛ mɛ ɡɛ.

Yela 46:10

Korowii ŋɔ, “Hé ɡel yoi, dɛ́ jemɛ kɛ menee Korowii, menee kana harɛre nɛra bwa bini, n dɔŋ toole harɛ nɔ bwa ta.”

Aesaya 20:2

a ɡɛ saŋee Korowii che Emɔɔs bie Aesaya nɛɛ dɛ bol ŋɔ, “Ka laa lweyal wur bil, dɛ́ laa naŋɡawa parame he nakpale.” Asɛ Aesaya ka ɛ ɡɛ, dɛ valɛ dakpaŋ ne o nakpapɛɛ ne.

Jeremia 13:18

Korowii berɔ ŋɔ ń ŋɔ kooro ne o nya be ŋɔ, “Hé le he kookane ta tu ba, dɛkalkɛ he kooɡbɛrɛre aa wera dɛ́ ba he nyuune ta lee.”

Ɛsekeɛl 24:18

Men Ɛsekeɛl, n bol waa nɛra la be chɔɔbɔr, asɛ jɔmɔra la n haah sewɛ. Tɔɔ aa pera chɔɔ la, n ɛ ɡɛ Korowii aa do mɛ la.

Ɛsekeɛl 44:18

Bá kpɔ yapondɛɛɡa baa vɔwa nyuune ne a yapebori. A ta chɛ kɛ bá do komɛlbwa aa ɡel bɔwɔb laɡ ba.

Hosia 9:4

Baa won kpɔ sen ɛ sarahare tɛ Korowii kpa, kwaa baa kpoo dɛ́ ɛ saraha dɛɛ tɛo la aa o sie lɛɛ ba. Ba kondikwaa baa dɛ ba a dii la bwa ɛɛ ɡeloo bá kah doŋa kɛŋɔ lwe mun kondikwa. Nomɛlbwa waa dia la kah doŋa. Ba ɡboo dɛ́ dia, a ta chɛ kɛŋɔ bá ba a ne Korowii Dea.

Lewi Dea Tena 10:6

Belaa o ŋɔ Arɔn ne o bibaala Eliasa ne Itama be ŋɔ, “He bɛ he batakaani kɛɛ á baɡle kɛŋɔ he dɛ ɛ lwe. Hé lee he nyuune. He ɛ ɡɛ naa, hɛɛ serewoo ásɛ Korowii baah di nɛra nɔ bwa nɛ. Kɛ he lolanar ne Israel tena te bwa dɔ ŋwɛnɛ kɛŋɔ ba ɛ lwe, nii Korowii aa ɡela a ba kpoo ɡɛ nɛra nɔ wa.

Lewi Dea Tena 13:45

Nɛn waa dɔ ɡɛ weebuula nɔ la chɛ kɛŋɔ wɛ́ɛ do laalajɛɡle, dɛ bɛ o nyumpona lee dɛ́ kpɔ kon tɔ o nyoa ásɛ dɛɛ dooɡe lɔŋɔre ŋɔ, ‘N kah doŋa! N kah doŋa!’

Lewi Dea Tena 21:10

Sɔfo baa leo o bala bini dɛ fuɡe noo do o nyu ta, dɛ ɛo Sɔfonomoa dɛ doo laala la ta chɛ kɛŋɔ ó ɡel o nyumpona loromi kɛɛ ó kɛɛ o laala á baɡle kɛ o lɔ lwe ta.

Emɔs 8:3

Awola tɔpere la, yela baa ɡo n Dea la ɛɛ berɛ wii. Nɛra ɛɛ serewoo kohona chɔ bobɛlbwa, ásɛ bɔr hel.”

Maeka 3:7

Nɛra baa dɛ na waa chaahna ta, ne voɡra bwa dɛ ba sihiih dii. Ba bwa ɛɛ kpɔ nɔɔraa tɔ sie, dɛkalkɛ Korowii aa ban chaŋe.”

Habakuk 2:20

Korowii lɔ o Dea waa do ɡoroŋ bini. Nɛra haa lɔ harɛ nɔ ta, hé bwa hel o sie.”

Matiu 9:23

Belaa Yeesu jo cheremi dea nomoa la dem. Waa na ɡɛ nɛra aa dɛ hoh kalipere ne nɛra baa dɛ ɛ lwe la aa dɛ do ɡbɔɡa la,