Ɛsekeɛl 24:12 - mzwDBL

¹² N ɛ wobɛlbwa dɛ ba kahonɛ, doŋa aa wara dɛ do o bini la ta wone le. Hale nii la ta wone le a ne.

Ɛsekeɛl 24:12 ပူးပေါင်းရင်းမြစ်များ

Mumpar 8:21

Ola baa fuah la sɔɔh do Korowii som kohona asɛ o ŋɔ, “Nɛwɛnyini le o wechɔɡa ne o bechale saŋ, anomanta, maa nɛwɛnyina ne komɛlbwa maa taa chɔɡ ɡɛ maa tɔ sie chɔɡ bane la kpa.”

Aesaya 1:5

Bɔkwa waa he ta do he kpaŋa nɔ ta nɔɔ? Deŋnetɛra besoo he ta ɛɛ nyin jaɔ? He bwadabii bwa dɛ we heya, he sie ta harɛ chole.

Aesaya 47:13

Jae bwa haa dɔa habɔɔ, he ta kpeɡri bɛlbwa dɔe. Gel wejerema baa jemɛ weweela wa, dɛɛ baɡle waa aa dɛ ba chiɡa korobie bɛlbwa ta, ir ba lɛɛ le waa aa dɛ ba he pui la ta.

Jeremia 13:27

N jemɛ he jwamane ne pɛlchɔɡa we-ɛɛla wa. Dɛ na ɡɛ haa tomɛ voɡa deŋɡarere dor ne kpɔɡ bini ba fe aa kia la. Jerusalam tena, hé bwɛɛlɛ. Saŋ besoo he kah doŋa ka tel ɔ?”

Jeremia 2:13

Wechɔɡa anɛɛ n nɛra ɛɛ mɛ, ba vɛh men maa do kɛ bule, o nee aa lole saŋ bɛlbwa, dɛ ka kwi bɔɔne aa won nee lɛɛ, bɔɔne aa peɡra aa wola won lɛ ne.

Jeremia 5:3

Belaa n lii ŋɔ, “N Naa Korowii, kasinteŋ ɡbo laa hɛɛ nyin aa? He tɛr ba deŋne, kɛ ba ta weweele bɛlbwa nae, he do ba sibeɡra, kɛ ba ta wobɛlbwa hwele le a ta. Ba ɡelɔ ba bambile do kpeɡri kɛŋɔ bwe ken, dɛ vɛh kɛ baa charɛ ba liiree.”

Jeremia 51:58

Koranar Bwa Kooro bolɔ ŋɔ, “Babelɔn danjwɛkpeɡ la dɛ́ ba kuuɡa chɔ harɛ, ásɛ nii le o doonyojena ta. O nɛra koeh baa koah ɛ pɛɛ, ásɛ nii le a bwa ta á fuh.”

Jeremia 6:29

N nɛra do kɛŋɔ suuɡapoŋa doŋa aa lɔ a ta, hale he do nii a ta dɛ lɔ fuɡme ɡɛ bɛlbwa nii la wɔrɔbe aa, aa won mwɛɛ a doŋa le. Gɛɛ n nɛra nyu bini do kpeɡri, banchɔɡa aa won pere ba te le bandɛɛɡa bini. A kpeɡri kɛ ń won kwaa ba.

Jeremia 9:5

Dam dɛ neɡre o dɔŋ, bɛlbwa aa kasinteŋ bol. Nyosone ɡboo su ba nyoo, baa koh wechɔɡa ɛɛ ta.

Ɛsekeɛl 24:13

Jerusalam tena, he wedoŋa la ɡelɔ he kah doŋa. N takapɔ kɛŋɔ ń laa he doŋa bwa kpɔ he nɛ, kɛ n ta wone. Aa won le he nɛ, nemenɛ haa na n bandia kohona la bwa mɔɔ.

Ɛsekeɛl 24:6

Nemenɛ Korowii ŋɔ, ‘Bwɛjen Jerusalam nɛŋkpoa aa lɔ o ta kohona la bwɛɛlɛ. O do kɛŋɔ vii o bini aa deera ken, o doŋa la aa wola le. Tɔɔ ola baa chɛwa do o bini la beŋkpoŋa beŋkpoŋa le ó chɔ pɛɛ.

Hosia 12:1

Israel tena wobɛlbwa ɛ wepɛɛ dɛɛ chɔɡ wa tɔpere te bɛlbwa. Ba chwao dɛɛ ti nyosone, asɛ naɡrenyin we-ɛɛla ɡe su ba bwa. Ba ne Asiiria tena fɔwɛ fɔo, ba ne Ijipt tena ɛɛ di bona.

Habakuk 2:13

Koranar Bwa Kooro ɛa kɛŋɔ harɛre nɛra toma baa ɛa dɛ koh la bwa dɛ ba fuih. A bwa ɛ koeh pɛɛpɛɛ.