Ɛsekeɛl 24:11 - mzwDBL

¹¹ Hé kpɔ buni vii ɡbo chɔŋɛ ninhɔla ta, dɛ́ ka tel kɛŋɔ waa bea dɛ swɛɛ, ásɛ doŋa bɛlbwa aa lɔ o bini la fuh, ó berɛ do wer kohona.

Ɛsekeɛl 24:11 ပူးပေါင်းရင်းမြစ်များ

Jeremia 21:10

N siwi beɡrɔ kɛ ń chɔɡ bwɛjen nɔ, o kɛrɛdɛ doe te laa. Babelɔn kooro nɔn taa wɛɛ ba doe, ásɛ o fuh o bwa dɛɛboo ken.” Korowiirii bola.

Malakae 4:1

Koranar Bwa Kooro ŋɔ, “Hé no, tɔpere men Korowii aa dɛ ba ba bol nɛra baa dɛ baɡle ba te, ne wechɔɡ-ɛɛra waa la dɛ ba kpela. Baa fuuh kɛŋɔ kpɔɡa ken, ba komɛlbwa aa wola ka.

Aesaya 1:25

Mɛɛ tɛr he deŋnee kohona, dɛ ɛ heyaa kɛŋɔ ba yon kpɔ suuɡaswɛm do nii ta dɛ laa o doŋa kpɔ o ta la ken.

Matiu 3:12

O do kɛŋɔ paa waa cheɡɛ o pɛla ta, dɛ kpɔ o te dɛɛ ba mea pala. Wɛɛ palɛ a bwaa kɛrɛdɛ ken, ásɛ dɛ pa ka do dɔndɔŋ bini cheɡ. Kɛ a pɛɡa la te, wɛɛ kpɔ nii aa wola dime bwaa fuah.”

Ɛsekeɛl 36:25

Mɛɛ ɛ nedɛɛɡaa merɛ he nɛ, dɛ́ laa doŋa haa kaah la kpɔ he nɛ. Mɛɛ laa doŋa bɛlbwaa kpɔ he nɛ, dɛ́ le heyaa le voɡa toma ɡe ta.

Ɛsekeɛl 20:38

Mɛɛ lawɛ deŋnekpeɡ tena baa lɔ he bini nɔɔ le bela baa soɡa taraken nɔ. Maa ɡel ba naa tire Israel harɛ. Ásɛ he jemɛ kɛŋɔ menee Korowii.’ ”

Jeremia 52:13

O kaa fuh Korowii Dea ne koodem, dɛ Jerusalam deremi bwa. O fuh nomonjena dedɛɛɡe te bɛlbwa.

Jeremia 39:8

Babelɔn tena la fuh koodem la ne nɛra la deene, dɛ kuuɡi Jerusalam danjwɛɛre bwa ɡe.

Jeremia 38:18

Kɛ dɛ he ta he te kpɔe ka do Babelɔn kooro nomonome lɔɡa aa, bwɛjen nɔ ɛɛ ka do Babelɔn tena nɔn taa ásɛ ba fuuh, he ɡbabir kwara aa he nyuu dɔ.’ ”

Jeremia 37:10

Hale dɛ he wono pɔ Babelɔn laa tena bwa nɛ, asɛ a ka banɔ la baa do ba bola ɡbo ba chɔ ba tɛnte deene bini kwaraa naa, baa iruu le dɛ́ ba fuh bwɛjen nɔ bwa.”

Jeremia 32:29

ásɛ dɛ fuh o bwa. Baa fuh bwɛjen la bwaa, ne nɛra baa fuh daawiile dɛɛ tɛ voɡ Baal ba sal deene dor, ne sen sarahare baa fuɡa dɛɛ tɛ voɡare ane dɛ kpɔ dɛɛ muɡli n baah la.

Aesaya 27:9

Dɛ Korowii ɛɛ kpɔ Israel tena wechɔɡaa kɛ ba aa, atane baa kuuɡi kwaa baa kpoo kwaa a ta ɛ saraha dɛɛ tɛ ba voɡare la buruburu kɛŋɔ fula ken, dɛ́ teŋni ba voɡhaah Asera dajaŋa, ne bwea baa paaɡa dɛ fuh daawiile dɛɛ tɛo a ta la bwa ta.

Aesaya 4:4

Gɛ saŋ la, Korowii ɛɛ fee haahna la doŋaa ta, dɛ́ fee nɛra baa kpoo nɛra Jerusalam la doŋa ta. Wɛɛ che o kpeɡri taa dɛ́ tɛr ba deŋne, dɛ́ fee doŋa aa lɔ harɛ la bwa ta.

Ɛsekeɛl 24:10

Hé pa daa ba ja kohona ásɛ dɛ huuh nii do a ta. Hé daa ola la kɛrɛdɛ, dɛ́ do kwaa a ta a do som, hé fuh hoɡa la.