Ɛsekeɛl 23:8 - mzwDBL

⁸ O teŋɛ jwamane waa pa a mun Ijipt harɛ ta la ta, dɛ chɔɡ o te. O toli saŋ bwaa o le baala lawɔ dɛɛ chɔ.

Ɛsekeɛl 23:8 ပူးပေါင်းရင်းမြစ်များ

Ɛsekeɛl 23:19

Oholiba ta ɡelɛ a maɡre ɡɛ, o teŋɔ bɔ jwamane ɡɛ o toli saŋ o fa aa lɔ Ijipt harɛ ta la.

Ɛsekeɛl 23:3

Ijipt harɛ taa ba so, dɛ le ba toli saŋ kpɔ bannyin dawɛ ba sie ta, dɛɛ bɔ jwamane.

Kaala 32:4

Ate, o kpɔa dɛ do kon bini dɛ ɛa a do kɛŋɔ nabale dɛ kpɔ tɛɛ ba, waa baa sɔɔh la, ba bol dɔŋa be ŋɔ, “Yabala Israel tena, voɡ waa tɔ ya sie dɛ kpɔ yaa le Ijipt harɛ ta laanee la.”

2 Koranar 17:16

Ba ɡel Korowii baa dɛ tomɔ la mmarare bwa ta teŋa, dɛ loɡɛ nabali anɛ, dɛ ɛa voɡa dɛɛ toma. Dɛ paaɡe ba voɡ Asera dajaŋa dɛɛ tomɛ weweela ne voɡ Baal.

2 Koranar 10:29

Kɛ dɛ o ta teŋɛ Kooro Jɛroboam wechɔɡa waa ɛa dɛ ɡel Israel tena ɡe ɛ wechɔɡa dɛ jo Korowii nɛɛ la ta, suuɡaswɛm baa kpɔa ɛ nabali a che bwɛɛre anɛ ane baa dɛ yera Bɛtel ne Dan la.

1 Koranar 12:28

O ja o te, dɛ kpɔ suuɡaswɛm ɛ nabali anɛ. Dɛ ŋɔ Israel tena la be ŋɔ, “He bɛ he te koh dɛɛ la Jerusalam kpa. He voɡa aa cha heyaa he won le Ijipt harɛ ta he naawa bere saŋ ba laanee la.”

Ɛsekeɛl 23:21

Oholiba, ɡɛɛ a do he lii he toli saŋ haa lɔ Ijipt harɛ ta dɛɛ pɛlɛ baala nɛ. Baala jaɡre he ela a bwa sɔɔh.

Wepila 11:8

ásɛ ba lala chɔ bwɛjen la ba fa aa kpo ba Dɔɔ daɡaɡre ta la fɔɡbaah. Baa wonoo dɛɛ yerɛ bela Sodom, dɛ́ berɛ won dɛɛ yerɛ bela Ijipt.

Ɛsekeɛl 20:7

N ŋɔ bá pa ba voɡa maa kia la ta, ba bɛ Ijipt harɛ ta voɡa nɛɛ teŋɛ, dɛ́ kpɔ doŋa kah ba te. Menee Korowii baa dɛ tom mɛ.’

Ɛsekeɛl 23:34

Hɛɛ nyɔ deŋnetɛra nee la bwa kpɛlɛŋŋ, dɛ́ kpɔ nɔn lɔ ela dɛɛ di suna. Men Nemenɛ Korowiirii bola.