Ɛsekeɛl 23:5 - mzwDBL

⁵ Ohola le n habɔɔ, dɛ kaa teŋɛ Asiiria baala nɛ.

Ɛsekeɛl 23:5 ပူးပေါင်းရင်းမြစ်များ

1 Koranar 14:16

Kooro Jɛroboam wechɔɡa waa ɛa dɛ ɡel Israel tena ɡe ɛa nomanta, Korowii ɛɛ vɛɛh baa.”

1 Koranar 14:9

He ɛ wechɔɡa kohona dɛ ɡwaa banɔ la baa tɔ he sie bwa. He ɛ voɡa, dɛ kpɔ kwaa ɛ voɡa muɡli n baah, dɛ berɛ habɔɔ kpo mɛ.

1 Koranar 15:26

Gɛ o mɛɛ aa ɛa laanee o ɡe ɛ, o ɛ wechɔɡa dɛ jo Korowii nɛ, dɛ ɡel Israel tena bwa ɛ wechɔɡa.

1 Koranar 15:30

Gɛ waa nɔ chiɡo dɛkalkɛ Kooro Jɛroboam ɛ wechɔɡa dɛ ɡel Israel tena ɡe ɛ wechɔɡa, dɛ muɡli Korowii Israel tena aa dɛ tomɔ la baah.

1 Koranar 21:26

O ɛ kii wa, teŋa waa teŋɛ voɡa ta kɛŋɔ Amɔre tena Korowii aa doŋ ba le ba harɛ ta dɛ kpɔ tɛ he Israel tena ɡɛ saŋ waa lawɛ heyaa le Ijipt harɛ ta la.

2 Koranar 15:19

Asiiria harɛ ta Koojen Tiɡlat Pilesa la Israel harɛ ta ka yoo ba, asɛ Kooro Mɛnahem tɛo suuɡapoŋa a tɔɡre aa ɛ kaɡboŋa lafraatoro fifraanaarɛ ŋɔ ó chao, ásɛ o kora la do kpeɡri.

2 Koranar 16:7

Ate, Kooro Ahas tomɛ nɛra Asiiria koojen Tiɡlat Pilesa be kɛŋɔ, “N ɛ he bonɔɔ tenten, ba lɛɛ mɛ, Siiria kooro ne Israel kooro dɛ yoo mɛ.”

2 Koranar 17:3

Kooro Hosia kora dii saŋee Asiiria harɛ Koojen Salmaneesa yo Israel tena, dɛ pɔ ba nɛ, asɛ Kooro Hosia kpɔ harɛ la kwaa baa tɛo benanyoa bɛlbwa.

Jeremia 50:38

Hwél che ba harɛ ta, ásɛ o neerare bwa hweeh. Voɡa aa lɔ harɛ la ta warɔ, a kpɔ ɔmee kohona ba ta harɛ la nɛra nɛɛ ba ɡɛn.

Ɛsekeɛl 16:28

He ɡarɔ bɔ jwamane Asiiria tena bini ɡe, a bwa habɔɔ kwaraa la, a ta he ne maɡrɛ.

Ɛsekeɛl 16:37

nomanta, n dɛ yerɛ nɛra baa dɛ nyini he kpɔ he te tɛɛ ba la bwa cheme. Nɛra haa dɛ nyin ne banɔ la haa hah ba bwa, ásɛ n foo he yale ba siwi ta he che mumɡbal ba baah ta.

Ɛsekeɛl 23:12

Asiiria harɛ nomonjena ne laa nomonome, baa do laala aa wera dɛ do wer bonɔɔna, dɛɛ yo jaɡre ne nɛɛ o ɡe ka teŋɛ.

Ɛsekeɛl 23:16

Waa na ba la, o jwamanwaa la den ir, asɛ o tomɛ toroma ba be Babelɔn harɛ ta.

Ɛsekeɛl 23:20

Dɛ baala baa won haahna chɔe, ba pena do kɛŋɔ keeɡore kɛɛ jaɡ-bala penaa wɛɛ nyin name.

Ɛsekeɛl 23:4

Nomoa la sɔne Ohola, asɛ bechala la ɡe sɔne Oholiba. N haahnaa ban, ba loɡle bibaala ne bihaahna tɛ mɛ. Ohola cheɡɔ tɛ Samaria asɛ Oholiba ɡe che tɛ Jerusalam.

Ɛsekeɛl 23:7

Ohola kpɔ o te tɛ Asiiria nomonome la bwa dɛɛ bɔ jwamane. A che a ta o kaa tomɛ ba voɡare dɛ kah doŋa.

Ɛsekeɛl 23:9

Anomanta, n vɛoh tɛ Asiiria baala waa dɛ pɛlɛ ba nɛɛ kohona la.

Hosia 10:6

Baa cheo kaa Asiiria harɛ ta, dɛ́ kpɔ ka bɔ toɔ tɛ koojen waa lɔ bela la. Sihiih ɛɛ kpo Israel tenaa, baa di sihiih voɡa baa sɛah la waa.

Hosia 12:1

Israel tena wobɛlbwa ɛ wepɛɛ dɛɛ chɔɡ wa tɔpere te bɛlbwa. Ba chwao dɛɛ ti nyosone, asɛ naɡrenyin we-ɛɛla ɡe su ba bwa. Ba ne Asiiria tena fɔwɛ fɔo, ba ne Ijipt tena ɛɛ di bona.

Hosia 5:13

Israel tena na ba weela, asɛ Juda tena ɡe na ba ŋwɛra, asɛ Israel la Asiiria koojen be ŋɔ ó ba cha ba. Kɛ o ta wone chah ba weela, o ta wone chah ba ŋwɛra ɡe.