Ɛsekeɛl 23:41 - mzwDBL

⁴¹ Ba yon so kane aa wera ta, asɛ teebur che ba sie, ba kpɔ daawiile a sɔɔh aa soma, ne ɔleve noo aa ɛ n kwaa la chɔŋɛ o ta.

Ɛsekeɛl 23:41 ပူးပေါင်းရင်းမြစ်များ

Ɛsta 1:6

Bela baa di kwaa la, ba paaɡe pilare baa kpɔ bwedɛɛɡa ane soo siwi maa bar, asɛ dɛ kpɔ pateesanpoŋa ne pateesanburumre saɡre a ta bar. Ba berɔ pɛrɛ jisepoŋ ne jisekɔl pɛ, dɛ kpɔ do pateesanre la ta, dɛ lawɛ vɔwɛ suuɡapoŋa noniseɡa baa kpɔa paaɡe pilare la ta kaa. Ba kpɔ suuɡaswɛm ne suuɡapoŋa, dɛ ɛ bobɛl o ir nyundua. Ba kpɔ bwedɛɛɡa a yoɡ aa kpeɡa ampoŋa ne answɛɛma, ne anɔ la aa dɛ nyɛɡle, dɛ anɔ la aa ɛ burum bwa, dɛ kwaa bela harɛ o do wer.

Aesaya 57:7

Bwejena doree he la dɛ ka kpoo kwaa dɛɛ ɛ saraha, dɛɛ di sɛm.

Aesaya 65:11

He banɔ la haa berɛ habɔɔ kpo mɛ dɛ vɛh Saayɔn Bwejen waa do ɡoroŋ, dɛɛ tomɛ voɡ Gad ne voɡ Meni.

Jeremia 44:17

Yaa ɛ waa yaa ŋɔa yaa ɛo laanee. Yaa ɛ saraharee tɛ ya voɡ waa ɛ Nyundua Haŋkooro la, dɛ́ fuɡe sen ɛ saraha tɛo ɡɛ ya naawa ne koranar dɛ nomonome fa aa dɛ ɛ Juda bwɛɛre ta ne Jerusalam fɔɡbaahna la. A ɡɛ saŋ la, ya dɔ kondikwa kohona asɛ ya wobɛlbwa do wer, wenaale bɛlbwa ta ya nɛɛ balɛ.

Ɛsekeɛl 41:22

Ba kpɔ daa kwaa kon baa dɛɛ ɛ saraha o ta. O daŋa lɔ naɡale anaarɛ ne tama, dɛ dɔ baŋne anaarɛ. Bɛlbwa lɔ naɡale atoro. Asɛ baa la ŋɔ n be ŋɔ, “Teebur waa cheɡɛ Korowii sie laanee la.”

Ɛsekeɛl 44:16

Ba ɡboo dɔ ŋwɛnɛ dɛ́ jo n Dea la ta, banee dɛ́ suuh tel n saraha kon la, dɛ́ɛ ɛ n Dea bela toma bwa.

Ɛsekeɛl 6:13

Nɛra ɛɛ serewoo chɔ bobɛlbwa, ba voɡare ne kwaa baa dɛ ɛ saraha a ta bwa, ne deŋɡarere ta ne bwejena dor ne dajena mune, dɛ bela baa fuh daawiile a sɔɔh aa soma dɛɛ tɛ ba voɡare bwa.

Emɔs 2:8

Bobɛlbwa baa dɛ tom mɛ la, ba pa yale baa lɛa cheɡ awɔba la dɛɛ chɔ a ta. Ba cheme n Dea aa, suuɡa baa faah nɛra dɛ lɛ le ba be la, a nee baa nyɔ sene.

Emɔs 6:4

Mpare baa ɛa dɛ kpɔ bala nyena mɛɛ a taa hɛɛ chɔ, dɛɛ yale he kanedɛɛɡa ta. Hé kpoo pebiiri aa wera, ne nabali aa do bwara dɛɛ chwe.

Malakae 1:7

Korowii ŋɔ, “He kpɔ kondikwaa aa kah doŋa dɛɛ ba n saraha kon ta. He berɔ ŋɔ, ‘Ŋwɛnɛ besoo taa ya kpɔ doŋa kah he saraha kon laɔ?’ He ŋɔ Korowii saraha kon la ta jirima kon ɛɛ.”

1 Samoɛl 28:23

O vɛoh dɛ ŋɔ, “Máa di.” Kɛ o nomonome banɛ la ja haah la nɛ ba soŋo o no ba waa la. Ate, o ir harɛ dɛ so karajaŋ ta.