Ɛsekeɛl 23:40 - mzwDBL

⁴⁰ Ba dɛ tomɛ toroma ba ka yerɛ baala le bojaŋa ba. Ba balaa, ba yon sɔ ne, dɛ́ kpɔ kwaa pe ba siebɔra, dɛ́ kpɔ suuɡaswɛm kwaa do ba baŋa ne ba nɔɔra.

Ɛsekeɛl 23:40 ပူးပေါင်းရင်းမြစ်များ

Jeremia 4:30

Jerusalam, he harɛ bwa chɔɡɔ, he do kɛ hanjwamane dɛ do tol-laala, dɛ kpɔ suuɡaswɛm baŋa kwaa ne deŋna kwaa do. Bɔkwaa dɔ kwaa kpɔe ɛ he siebɔr dɛ́ di toli ɔ? He kpɔ kondɛɛɡa dɛɛ kwaa he te pɛɛpɛɛ, he sɛnanar bwa vɛɛh hale dɛɛ nyini dɛ́ kpo.

2 Koranar 9:30

Ate, Kooro Jehu la Jesreel. Jɛsɛbɛl aa no o bala waa la, o do jeemina dɛ ɛ o nyumpona a do wer. O laa dejaŋ waa soɡe o bini tokoro pili dɛɛ kpao.

Aesaya 57:9

He dɛ fɔɡle ɔleve noo ne nosɔɔhsoma kohona dɛ kaa tomɛ he voɡ Molɛk. He tomɛ nɛra bojaŋ, hale lalabwɛ dɛɛ nyin voɡfala.

Ɛsekeɛl 23:13

N nao kɛŋɔ dɛ ɡɛɛ o ɡe do, o da deno doŋ kɛŋɔ o nahaah la.

Sɛɡla 7:10

Ate, haah la kpɔ o te dɛ ba cheme bonɔɔ la, dɛ haah la do jwamanlaala dɛɛ taaɡe sie.

Ɛsta 2:12

Mɔɔ toli la bɛlbwa dɔ bɔr la kooro be o ne ó chɔ la, korobie fi dɛ anɛɛ o kpɔ dɛɛ kwaa o te. Korobie anumɛlee o kpɔ dɛɛ fɔɡle nosɔɔhsoma baa dɛ yera korobo la, dɛ́ berɛ fɔɡle konsɔɔhsoma aa dɛ kwaa bwara ɡe korobie anumɛl.

Rut Tɔn 3:3

Anomanta, sɔ ne dɛ́ fɔɡle nosɔɔhsoma dɛ́ do he laaladɛɛɡa dɛ́ kaa bela. Bɛ ɡel o nae ka tel kɛŋɔ waa di kondikwaa dɛ nyɔ sen tonɛ mɔɔ.

1 Pita 3:3

Gɛ haa dɛ ɛ he nyumpona, ne suuɡaswɛm koŋkwaare kɛŋɔ baŋa kwaa ne deŋna kwaa doe, ne laala haa dɛ do laa dɛ ɡel he do wer toli.

Sɛɡla 6:25

Bɛ o wer waa koh dɛ́ ɡel he sie do o nɛ, bɛ ɡel o kpɔ o tolsie neɡre.

Hosia 2:13

Mɛɛ tɛr o deŋnee, tɔpera waa fuh daawiile a sɔɔh aa soma tɛ voɡa Baalre la, ne suuɡaswɛm nɔnloɡa, ne baŋa kwa dɛ noniseɡa waa doa dɛ teŋɛ o sɛnanar nɛɛ dɛ soh n waa la wa. Men Nemenɛ Korowiirii bola.