Ɛsekeɛl 23:38 - mzwDBL

³⁸ A ɡbo laa. Ba kpɔ doŋa kah n Dea la dɛ vɛh n Ona Tɔpera dii.

Ɛsekeɛl 23:38 ပူးပေါင်းရင်းမြစ်များ

Ɛsekeɛl 20:13

Kɛ ane a bwa, ba ɛɛ mɛ deŋnekpeɡ pua hɛŋle ɡbo harɛ ta bela. Ba ta n waa ta teŋɛ, dɛ vɛh me Mmarare nomɛlbwa fe aa teŋɛ a ta ásɛ dɛ fe dɔ mkpa la. Ba chɔɡ Ona Tɔpera la. Anomanta, n ŋɔ mɛɛ kpɔ n bandia ba ta ba nɛɛ kohona, dɛ́ chɔɡ ba bwa pua hɛŋle ɡbo harɛ ta bela.

Ɛsekeɛl 20:24

dɛkalkɛ ba vɛh n wa, ne me Mmarare maa kpɔa tɛɛ ba la ta teŋa, dɛ chɔɡ n Ona Tɔpera la, dɛ tomɛ voɡa la tenten ba naawa aa toma la.

Ɛsekeɛl 7:20

Ba maŋkura ba te ba suuɡaswɛm nɔnloɡa ne baŋa kwaa ne noniseɡa aa wera la, dɛ kpɔ ɛ voɡa maa kia ne kondoŋa. A waa mɛɛ ba ɡela ba kondɔɔh ɛ kondoŋa tɛɛ ba.

2 Koranar 21:7

Kooro Manasɛ sɛh Asera voɡ dajaŋ, dɛ kpɔ ka pa Korowii Dea, bela Korowii aa ŋɔ Kooro Devid ne o bibaa Kooro Solomɔn be ŋɔ, “Dea nɔ ne Jerusalamee n le cheɡ, dɛ le Israel deene bwa bini kɛŋɔ baa tom mɛ o bini saŋ bɛlbwa dɛɛ la la.

Ɛsekeɛl 22:8

Ba siwii aa n kwaa aa do ɡoroŋ la su, dɛɛ chɔɡ n Ona Tɔpera.

Jeremia 17:27

Kɛ dɛ he taŋ deŋne he ta Ona Tɔpere la dii o do ɡoroŋ, dɛ che bone dɛɛ jo Jerusalam doonyojena la ta naa, amɔ mɛɛ choŋi nii aa wola dime bwaa Jerusalam doonyojena bwa ta, ásɛ dekpeɡa bwa fuh.’ ”

2 Koranar 21:4

O ɛ kwaa voɡtoroma aa dɛ ɛ saraha a ta Korowii Dea, bela Korowii aa ŋɔa belaa a chɛ kɛ baa tomɔ la.

Ɛsekeɛl 5:11

Anomanta, Nemenɛ Korowii ŋɔ, “N ŋwɛɛrɔ kɛŋɔ, haa kpɔ voɡare ne we-ɛɛla maa kia dɛ kpɔ doŋa ba kah n Dea nɔ, n laa sie kpɔ he nɛ, maa he nɛɛ sune, maa he bwaraa kpɔ kɛ heyaa kpa.

Ɛsekeɛl 20:39

Nemenɛ Korowii ŋɔ, “Israel tena, hé dɛ nyin kaala ka tomɛ he voɡare aa, hé kaa. Kɛ n dɛ ŋɔ he be ŋɔ a habɔɔ la, hɛɛ baa teŋɛ n waa taa dɛ́ ɡel sarahare ka ɛɛ he voɡare ta, dɛɛ chɔɡ n sɔn waa do ɡoroŋ, dɛɛ duu mɛ.

Ɛsekeɛl 22:26

Sɔfore ɡe vɛh me Mmarare ta teŋa. Baa waa aa do ɡoroŋ, ne anɔ la aa wola ɡoroŋ bini peɡri. Baa waa aa wera, ne anɔ la aa wola were ɡe baɡle, dɛ ɡel n Ona Tɔpera ɡe dii, a che a ta Israel tena vɛɛh mɛ.