Ɛsekeɛl 23:37 - mzwDBL

³⁷ Ba bɔ jwamane dɛ kpoo nɛra ɡe ja. Ba le n habɔɔ dɛ kaa tomɛ voɡare, dɛ kpoo bii baa lol ba tɛ mɛ. Ba kpɔ ba ɛ saraha voɡare ta, dɛ fuuh ba.

Ɛsekeɛl 23:37 ပူးပေါင်းရင်းမြစ်များ

Ɛsekeɛl 16:36

Kenii men Nemenɛ Korowii ɛɛ bol, ‘Haa pa he kondɔɔh ta, dɛ che mumɡbal kɛŋɔ hanjwamane, dɛ kpɔ he te tɛ baala dɛ tomɛ voɡa maa kia, dɛ kpoo he bii ɛ saraha tɛa la

Ɛsekeɛl 20:26

N ɡelɔ ba kpɔ ba bibanloɡla ɛ sarahare dɛ kah doŋa, n ɛ ɡɛ dɛ kpɔ ɔmee kohona ta ba nɛɛ ba chel, ásɛ ba jemɛ kɛŋɔ menee Korowii.”

Ɛsekeɛl 16:38

Mɛɛ tɛr he deŋnee kɛ haahna baa dɛ le ba jaranar habɔɔ, dɛɛ kpoo nɛra la ken. Mɛɛ kpɔ n bandia kohonaa ba ta he nɛ, dɛ́ kpoe bɔ kem.

Jeremia 32:35

Ba ma kwaa baa ɛ sarahare a ta tɛ voɡ Baal deŋɡarere dor. Ba kpoo ba bibaala ne bihaahna ɡe dɛɛ tɛ voɡ Molɛk Henɔm Fɛlembɔjen ta. N ta ban doe ŋɔ ba ɛ ɡɛ waa nɔ, a toole n liire ta kwaraa ŋɔ baa ɛ ɡɛ waa nɔɔ, a che a ta Juda tena ɛ wechɔɡa.”

Jeremia 7:31

Henɔm Fɛlembɔjen binii ba ma kon baa dɛ ɛ saraha o ta dɛɛ yerɔ Tɔfɛt. Belaa ba kpoo ba bibaala ne bihaahna dawɛ nii ta ɛ saraha. Gɛ laa n bol ba be, ɡɛ toole n liire ta.

Amanesoma Luk Aa Chwera Tɔn 13:34

Oo, Jerusalam tena! Korowii tomɛ o keamere he be naa, ɡɛɛ he kpoo ba, o tomɛ toroma he be naa, ɡɛɛ he foɡ ba bwea. Saŋ bɛlbwaa mɛɛ nyin kɛ ń kpɔ nɔn tɔ he nɛɛ kɛ jal aa lawɛ o bii dɛɛ do o kena lɔɡre la, kɛ haa nyin kɛ ń lawɛ heyaa pɛ.

Maeka 3:10

Nɛŋkpoa ne kasinteŋ bɛ dɔe taa he che dɛɛ ma Korowii bwɛjen Jerusalam.

Hosia 4:2

Taahna wobol ɡboo lɔ he nyoo, he dɛ teŋe nyosone, dɛɛ kpoo dɔŋa, dɛɛ ŋwɛ, dɛɛ chɔɡ yal, dɛɛ ɛ anɔ la aa wola were bwa dɛɛ ja. Nɛŋkpoa ɡboo harɛ nɔ ta bwa.

Hosia 3:1

Korowii ŋɔ men Hosia be ŋɔ, “Berɛ la he haah be, á baɡle kɛ he dɛ nyinu. A lole kɛŋɔ baa bɛl dɛ nyinu te, kɛ bɛ an dawɛ. Nyinu ɡɛ men Korowii aa dɛ nyin Israel tena baa berɛ habɔɔ kpo mɛ, dɛ kpɔ daa nɔna aa hola kaa tɛ voɡa n ɡarɛ dɛɛ nyin ba la.”

Hosia 1:2

Korowii aa pa mun che Hosia nɛɛ dɛɛ bol waa Israel tena be la, o ŋɔ o be ŋɔ, “Ka mo haah, kɛ wɛɛ le he habɔɔ dɛ́ lolɛ sɛmbii, ásɛ ba ir dɛ́ do kɛŋɔ ba nya. Gɛɛ n nɛra Israel tena waa aa wola kasinteŋii dɔ tɛ mɛ, dɛ́ le n habɔɔ.”

Ɛsekeɛl 23:45

Nɛra ba wa aa toɡra ɛɛ tɛr ba deŋnee ba jwamane ne nɛra baa kpoora la waa, dɛkalkɛ ba di bolchɔɡe a ta.”

Ɛsekeɛl 23:39

Awola tenten baa kpɔ ba bii tɛ ba kpoo ba voɡa ta tonɛ la, ba baa jo n Dea dɛ kpɔ doŋa kaoh.

Ɛsekeɛl 20:31

Ba le fini, he ta lawɛ he bii kaa ɛ sarahare voɡa la ta baa fuuh ba, dɛ kpɔ doŋa dɛɛ kah he te. He ta teŋɔ dɛɛ nyin waa dɛ́ no le n be. N ŋwɛɛrɔ kɛŋɔ Men Nemenɛ Korowii taa lole nɔ, maa ɡel he pɛɛ wobɛlbwa le n be.

Ɛsekeɛl 16:45

He ɛ he nya bihaah kpela, o vɛh o jaa ne bii. He ɛ he nahaahnanar nime kpela, ba ɡe vɛh ba jaranar ne bii. He ne bwɛjena aa bare la do kɛŋɔ nyabii. He nya ɛ Hiti te, he mɛɛ ɛ Amɔre te.

Ɛsekeɛl 16:32

He do kɛ haah waa le o jaa habɔɔ. He dɛ nyin hɔɔhra ɡwaa he jaa.

Jeremia 7:9

He dɛ ŋwɛ, dɛɛ kpoo nɛra, dɛɛ bɔ jwamane dɛɛ di dansewea, dɛɛ kpoo kwaa dɛɛ ɛ sarahare voɡ Baal ta, dɛɛ tomɛ voɡare haa wola an jemɛ wubwa.

Jeremia 7:6

Hé ɡel hɔɔhra ne bilalbii dɛ luhaahna fiiɡa. Hé ɡel nɛra baa wola wechɔɡa bɛlbwa ɛɛ dɛ so he bini la kpoora, dɛ́ ɡel voɡare ɡe toma, a ɡɛ ɛɛ won chɔɡ heya.

Aesaya 1:15

He ir nɔɔra dɛɛ soŋ mɛ naa, mɛɛ laa sie kpɔ he nɛ. Hale he soŋ mɛ ɡɛ bɛlbwa kwaraa noo, maa no. Nɛra haa kpoora chal maa he nɔɔra bwa.

2 Koranar 24:4

ne nɛra baa wola wobɛlbwa ɛɛ o kpoo ba warɛ Jerusalam la wa. Dɛ Korowii aa nyin kɛ ó kpɔ kɛo.

2 Koranar 21:6

O kpo o bibaa dɛ fuuh ɛ saraha, dɛ ɛ sɔm we-ɛɛla dɛ voɡɛ dɛ yerɛ lala, dɛ la tɛɡre tena ɡe be. O ɛ wechɔɡa taeh dɛ jo Korowii nɛɛ dɛ ir o bandia kohona.

2 Koranar 17:17

Ba lawɛ ba ɡbaɡba bibaala ne bihaahna kpoo, dɛ fuuh ba ɛ sarahare tɛ ba voɡare. Ba la voɡra ne dobodobo tena be, dɛ kpɔ ba te do waa aa ɛ wechɔɡa ta, dɛ jo Korowii nɛɛ dɛ ir o bwaawee.

Mmarare 12:31

He bɛ Korowii haa dɛ tomɔ nɔ tomɛ ŋwɛnɛ baa cheɡɛ o ta dɛ tomɛ ba voɡa la, dɛkalkɛŋɔ ba dɛ ɛ kii waa bwa soo siwi Korowii aa haah. Hale ba kpoo ba bibaala ne bihaahna dɛ fuuh ba dɛɛ tɛ ba voɡare.

Lewi Dea Tena 18:21

Bɛ he bie bɛlbwa lawɛ tɛ bá kpo ɛ saraha tɛ voɡ Molɛk. Dɛɛ berɛ men Korowii haa dɛ tom mɛ nɔ sɔn chɔɡ ɡɛ. Men Korowiirii bola.

2 Koranar 23:10

Kooro Josia ɡelɔ nɛra la Henɔm Fɛlembɔjen ta, dɛ ka paɡre kon baa dɛ ɛ saraha o ta baa yerɔ Tɔfɛt la. Gɛ aa ɛ ásɛ nɛra bɛ won kpɔ ba bibaala kɛɛ ba bihaahna ɛ sarahare dɛ́ fuuh ba dɛɛ tɛ voɡ Molɛk kpa.