Ɛsekeɛl 23:35 - mzwDBL

³⁵ Kenii men Nemenɛ Korowii ɛɛ bol hen Oholiba be. Haa soh n waa dɛ berɛ habɔɔ kpo mɛ nomanta, hɛɛ dɔ deŋnetɛra he pɛlchɔɡa ne he jwamane la waa.”

Ɛsekeɛl 23:35 ပူးပေါင်းရင်းမြစ်များ

1 Koranar 14:9

He ɛ wechɔɡa kohona dɛ ɡwaa banɔ la baa tɔ he sie bwa. He ɛ voɡa, dɛ kpɔ kwaa ɛ voɡa muɡli n baah, dɛ berɛ habɔɔ kpo mɛ.

Ɛsekeɛl 22:12

Ba dɛ yawɛ ba bini bane sen baa kpoo nɛra. Bane ɡe dɛ́ kemɛ ba bala Israel tena suuɡa, dɛ́ chɔŋɛ a nee dɛ́ che a ta ɛ dɔɔhna. Ba soh n waa la kwara. Men Nemenɛ Korowiirii bola.

Jeremia 32:33

Ba berɛ habɔɔ kpo mɛ, a lole kɛŋɔ n teŋɔ dɛɛ baɡ ba n waa la, kɛ baa deŋne cheɡ dɛ́ no n be, ásɛ dɛ hweli.

Jeremia 3:21

Lɔŋɔre dɛ le bwejena aa chɔ pɛɛ dor, Israel tena wii baa dɛ wi dɛɛ soŋe ba wechɔɡa baa lɔ a ta wa, dɛkalkɛ ba soh Korowii baa dɛ tomɔ wa.

Aesaya 17:10

Israel tena, he liire le he Lɛɛ Korowii nɛ. Onee Bwetal haa kpɔ he te marɔ wɛɛ tɔ heyaa ɡbemɡbe la, kɛ he soh o wa. He du dadɛɛɡa bodɛɛɡa, dɛ kwaa bela dɛɛ tomɛ harɛre voɡare.

Hosia 13:6

Maa tɛ heyaa kondikwaa he di la, he vaɡrɔ, haa vaɡra la, he ɛ mbarafo asɛ dɛ soh n wa.

Hosia 8:14

Israel tena ma kooderemi, dɛ soh men Korowii maa ta ba wa. Juda tena ma dekpeɡa bwɛjena ta taeh. Kɛ mɛɛ kpɔ niinii ba ta ba bwɛjena ta, ásɛ a fuh ba dekpeɡa bwa.”

Jeremia 2:32

Bitolo ɛɛ won soh o suuɡaswɛm nɔnloɡa ne baŋa kwaa ne noniseɡa aa, kɛɛ hanfale soh o hanfale laala doe yaa? Kɛ n nɛra soh n waa biɡri maa wola won jemɛ a saŋ.

Nɛra Kura 14:34

Bene fifraanaarɛɛ hɛɛ ba he deŋnetɛra kembɔr dɔe, benanyoa bɛlbwa cheɡɔ tɛ tɔpera fifraanaarɛ la tɔpebeŋkpoŋ haa kpɔa ka sɔh nyiŋi harɛ la. Ásɛ he na kɛŋɔ men Korowii, dɛ n ŋɔ mɛɛ tɛr he deŋne yaa, dɛ a ɛ sibeɡra.’

Tɔn Pɔɔl Aa Chwerɛ Rom Tena 1:28

Baa wola sɛɛh kɛŋɔ bá jemɛ Korowii waa nomanta, o ta ba waa tɛɛ ba, asɛ ba liire bwa ɛ anchɔɡa, asɛ baa ɛ waa aa wola chɛɛ kɛ baa ɛ.

Ɛsekeɛl 44:10

Korowii ŋɔ n be ŋɔ, “Mɛɛ tɛr Lewi dea tena ba ne Israel tena aa le n habɔɔ dɛ kaa tomɛ voɡa la deŋnee.

Ɛsekeɛl 7:4

Maa he nɛɛ sune, maa kpɔ kɛ heya, mɛɛ tɛr he deŋnee he wechɔɡa ne waa maa kia he ɛa la wa. Ásɛ he jemɛ kɛŋɔ menee Korowii.’ ”

Jeremia 23:27

Ba dɛ lii ŋɔ chaahna baa dɛ na, dɛɛ bola dɔŋa be la ɛɛ won ɡel n nɛra soh n wa, ɡɛ ba naawa fa aa cheɡɛ voɡ Baal toma ta, dɛ soh n waa la.

Jeremia 13:25

Anɔ la aa chɛ kɛŋɔ hé dɔ laanee la, anee n maɡɛ tɛ heya, dɛkalkɛ he vɛɛh mɛ dɛ kaa tomɛ voɡare a wa aa wola kasinteŋ dɔe. Men Korowiirii bola.

Nehemia 9:26

Kɛ ba ɛɛ deŋnekpeɡ dɛ le he habɔɔ. Ba laa ba liire kpɔ he Mmara ta teŋa ta. Ba kpoo he keamere baa kah ba ŋɔ, bá charɛ ba liire ba he be la. Ba bol wedoŋa dɛ taah he sɔn la.

Nɛra Kura 18:22

Le fini dɛɛ kaa, dɛ Lewi dea tena laa aa, Israel te bɛlbwa bɛ n Dea Cheremibɔr bela bɛne. Aa ɛ wechɔɡaa dɛ́ kaa naate ne seo ta.

Lewi Dea Tena 24:15

Berɛ ŋɔ Israel tena be kɛŋɔ, ‘Nomɛlbwa waa taah men Korowii waa dɛ tom mɛ la chɛ kɛ ó dɔ deŋnetɛra.

Jeremia 2:27

He dɛ yerɛ daa, ‘N dɔɔ,’ dɛ ŋɔ bwe ɡe be ŋɔ, ‘Henee lol mɛ.’ He berɛ habɔɔ kpo mɛ, kɛ dɛ waane baa puu heyaa tenaa he yon ŋɔ, ‘Korowii, ba dɛ́ ba lɛ yaa!’

Nɛra Kura 14:33

Asɛ he bii ɛ peteɡra dɛɛ ɡaaɡe pua hɛŋle ɡbo harɛ nɔ ta bonɔ bene fifraanaarɛ dɛɛ koh, á ɛ yarada haa wola dɔe la kembɔr, dɛ́ ka tel kɛŋɔ he bwa aa baa serewe kwaraa.

Sɛɡla 30:9

Dɛ n dɔ kohona naa, mɛɛ soh he waa, dɛ́ ŋɔ, ‘Korowiirii ume o?’ N berɔ nya kwaraa ɡe aa, ŋwɛɛ mɛɛ ba ŋwɛɛ dɛ́ ɡel he sɔn chɔɡ.

Jeremia 2:7

Harɛpare ondɛɛɡe taa n kpɔ ba ba so, bá ba dɔ daa nɔna ne kondikwaa aa wera di. Kɛ ba kpɔ doŋa kah harɛ maa kpɔa tɛɛ ba la dɛ chɔɡo.