Ɛsekeɛl 23:32 - mzwDBL

³² Nemenɛ Korowii ŋɔ, “Gɛ maa tɛr he nahaah deŋne kohona laanee mɛɛ ba he ɛɛ. Nomɛlbwa ɛɛ mamɛɛ dɛ́ muɡli he baah, dɛkalkɛ deŋnetɛra la kan kohona.

Ɛsekeɛl 23:32 ပူးပေါင်းရင်းမြစ်များ

1 Koranar 9:7

ate, mɛɛ le Israel tenaa le harɛ maa kpɔa tɛɛ ba nɔ ta, dɛ́ vɛh n Dea maa lea cheɡ dɛ ɡel o do ɡoroŋ ŋɔ ó ɛ bela baa dɛɛ tom mɛ nɔ ta. Ásɛ Israel tena berɛ wesoma nɛra, harɛ nɔ ta bwa.

Yela 44:13

He ɡelɔ ya bala nyiŋi yaa dɛɛ vah, nɛra baa soɡa bar yaa dɛ mamɛ yaa.

Yela 60:3

He ɡelɔ he nɛra na wahala kohona, ya valɛ dɛɛ yɛɛɡe kɛŋɔ yaa nyɔ sen dɛ dɛɛ ken.

Yela 79:3

Ba kpoo nɛra ba chal fuɡe dɛɛ palɛ kɛŋɔ nee ken, dɛɛ palɛ Jerusalam fɔɡbaahna bwa, nomɛlbwa toole dɛ huɡ ba.

Aesaya 51:17

Jerusalam tena, hé ir nyu ne, hé ir! He nyɔ Korowii danana nee a nyoa aa kpeɡa kɛŋɔ sen la, he nyɔ a bwa kwaraa dɛ dɛɛ, dɛɛ yɛɛɡe.

Jeremia 25:9

wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la.

Jeremia 48:26

Korowii ŋɔ, “Hé tɛ Moab tena sen bá nyɔ dɛɛ kohona, dɛkalkɛ ba ɛ men Korowii deŋnekpeɡ. Hé ɡel ba chɔ dɛɛ ɡbaɡre ba chwɛɛra ta, dɛ́ berɛ akwekwe nɛra.

Ɛsekeɛl 16:57

mɔɔ he wechɔɡa la bwa le baŋ. He berɔ do kɛ on, hale Edom ne Filisti bihaahna bwa, dɛ nɛra baa soɡa bare bwa, dɛ haeh.

Ɛsekeɛl 25:6

Nemenɛ Korowii ŋɔ, ‘He sie lɛo kohona he lɔ kpaŋa dɛ jah dɛɛ hɛɡre, liichɔɡa haa dɔa Israel harɛ chɔɡa wa.

Ɛsekeɛl 26:2

“Nɛwɛnyini bie, bwɛjen Taaya tena dɛ do silɛɛ lɔŋɔre ŋɔ, chwaasere, bwɛjen Jerusalam chɔɡɔ! Belaa bonadiire bwa ɛɛ la, waa chɔɡa nɔ, yaa do werii name.

Ɛsekeɛl 35:15

Edom tena, he sie aa lɛa ɡɛ saŋ Israel tena harɛ aa chɔ pɛɛ la, ɡɛ tentenee mɛɛ ba kpɔe ɛ heya, Sɛɛ Bwejen ne Edom harɛ bwa. Asɛ nomɛlbwa jemɛ kɛŋɔ menee Korowii.”

Ɛsekeɛl 36:3

Anomanta, men Nemenɛ Korowii bolɔ ŋɔ harɛre aa bar heyaa cheme aa baa yo heyaa dɛ lɛ Israel harɛre la, ba bwa chɛɡre Israel tena.

Ɛsekeɛl 5:14

Mɛɛ paɡre he bwɛjen laanee, ásɛ harɛre aa bar heyaa cheme nɔ nɛra teŋo baa kaa laa, bá che bojaŋ nyiŋi dɛɛ mamɛ.

Ɛsekeɛl 5:15

Gɛ saŋ maa tɛr he deŋne bandia kohona ne la, harɛre aa bar heyaa cheme la nɛra ɛɛ ɔmɔɔ taeh, baa he waa nyin, dɛɛ mamɛ heya.

Hosia 7:16

Ba teŋɔ berɛ habɔɔ dɛɛ kpo men Nemenɛ Korowii, dɛ kaa tomɛ voɡ waa wola kpeɡri dɔe, ba do kɛŋɔ to waa sɔɔhna ken. Laa taa baa ba ba nomonome kpoora, ba mbarafo wobol wa, ásɛ Ijipt tena mam ba.”

Maeka 7:8

Ya dɔma, he bɛ ɡel he sie lɛ. A lole kɛ ya cholo te, yaa iruu. Ya lɔ biro ta te, Korowiirii dɛ́ do kɛ kandea dɛɛ chaah yaa bɔr.

Mmarare 28:37

Harɛre Korowii aa lɔ heyaa peɡre a ta la, bela tena nyoa ɛɛ kpo he waa, hé berɛ wesoma tena baa di he loro.

Wepila 16:19

Bwɛjen la peɡri atoro, asɛ harɛ nɔ ta bwɛɛre bwa paɡre. Korowii lii Babelɔnjen tena wechɔɡa la wa, dɛ ɡel ba nyɔ o danana nee a nyoa aa kpeɡa kohona kɛŋɔ seŋkpeɡa la.

Wepila 18:6

O chɔɡra, hé ɛo ɡɛ o fa aa ɛa la. Hé bɔɔ o tonchɔɡa la kem kera anɛ. Sen la o yon ɛ tɛ nɛra bá nyɔ dɛ́ɛ dɛɛ la, hé ɡe ɛ ane tɛo á do kpeɡri ɡwaa ɡɛ kera anɛ ó ɡe nyɔ.