Ɛsekeɛl 23:29 - mzwDBL

²⁹ Baa haeh nomanta, baa pa he komɛlbwa haa dɔa bwaa kaa, ásɛ he ka che mumɡbal, nɛra bwa nae kɛŋɔ hanjwamane. He pɛlchɔɡa ne jwamanee

Ɛsekeɛl 23:29 ပူးပေါင်းရင်းမြစ်များ

Ɛsekeɛl 16:39

Ásɛ dɛ lawɛ tɛ nɛra baa dɛ nyini la, ásɛ ba chɔɡ pweeri ne he voɡjaŋa la bwa. Baa laa he laala bwaa wur he bwara ta, dɛ laa he suuɡaswɛm nɔnloɡa ne baŋa kwaa aa wera la kpɔ, he che mumɡbal.

Ɛsekeɛl 23:18

Bɛlbwa na o we-ɛɛla kɛŋɔ o ɛ hanjwamane. N baah diu n vɛoh ɡɛ maa vɛh o nahaah la.

2 Samoɛl 13:15

Belaa Amnɔn berɛ haoh kohona. Kasinteŋ, o haoh dɛ ɡwaa ɡɛ o fa aa dɛ nyinu la. Asɛ o ŋɔ o be ŋɔ, “Ir le kaa!”

Jeremia 13:26

Anomanta, mɛɛ ɡbaa he bwara laalaa kaa nyundua, ásɛ nɛra na he ncho dii, sihiih kpo heya.

Ɛsekeɛl 22:9

Ba bini bane teŋe nyosone dɛ ɡel baa kpoo ba bala, bane ɡe ɛɛ di voɡa kwaa deŋɡarere ta, bane ɛɛ bɔ jwamane.

Maeka 1:11

Safir tena, hé valɛ ba kaa bojaŋ harɛ ta mumɡbal ne sihiih ne. Bwɛjen Saanan tena ɡe, hé bɛ lii ŋɔ hɛɛ le o taa. He baa no kɛŋɔ Bɛt Ɛsɛl tena dɛ wi aa, he jemɛ kɛŋɔ he ta sɔɔhbɔr ba be bela dɔe.

Wiile 1:8

Jerusalam do kɛ nɛn waa ɛ wechɔɡa kohona dɛ kah doŋa ken. Nomɛlbwa aa jirima kpɔe dɛɛ tɛo kpa, dɛkalkɛ ba na o sihiih waa dia, ne hima waa dɛ hime dɛ laa sie berɛ.