Ɛsekeɛl 23:24 - mzwDBL

²⁴ Baa kpɔ dɔmkwaa le weekaŋle nyunduabɔree, dɛ́ so torɔɡore baa vɔwa pɛl jaɡre, ne anɔ la aa dɔ tɔre baa taɡa kɛ torɔɡo warɛ kohona dɛ́ ba yo. Baa le bobɛlbwaa dɛ́ ba bare, dɛ́ kpɔ kwaa tɔ ba te ɡbemɡbe dɛ́ pi laa ɡbɛrɛre. Mɛɛ kpɔe do ba nɔn ta ásɛ ba tɛr he deŋne.

Ɛsekeɛl 23:24 ပူးပေါင်းရင်းမြစ်များ

2 Samoɛl 24:14

Anee Kooro Devid chaŋo ŋɔ, “N lɔ suna kohona dii ta. Maa nyin kɛ nɛwɛnyini te dɔɔ mɛ dɛ́ tɛr n deŋne, Korowii ɡbabirii dɛ́ tɛr n deŋne, dɛkalkɛ onee dɛɛ sune nɛn nɛɛ kohona.”

Jeremia 47:3

Baa dɛɛ no jaɡre aa dɛ chwa nakpale sii, ne kwaa aa do kɛ torɔɡore kɔbare sii. Mɛɛnanar aa ke nyiŋi ba bii dɛ́ cha ba, dɛkalkɛ ɔmee chole ba nɛɛ kohona, baa wola won ɛ wobɛlbwa.

Jeremia 52:11

dɛ foromi Kooro Sedekia sibie dɛ doo ayaawa jɔɡrɔre dɛ kpɔɔ kaa Babelɔn harɛ ta ka doo dea ka tel o serewe wee.

Jeremia 52:9

Ba lawɔ kaa bwɛjen Ribla waa lɔ Hamat harɛ ta, ka tɛ Babelɔn Kooro Nebukadnesa o ka bol o waa dɛ pao bolchɔɡe.

Ɛsekeɛl 16:38

Mɛɛ tɛr he deŋnee kɛ haahna baa dɛ le ba jaranar habɔɔ, dɛɛ kpoo nɛra la ken. Mɛɛ kpɔ n bandia kohonaa ba ta he nɛ, dɛ́ kpoe bɔ kem.

Ɛsekeɛl 21:23

Jerusalam tena noɔ waa baa yarada, fɔo ba ne kooro la aa fɔwa la wa. Kɛ aa ɡeloo ba lii ba wechɔɡa baa ɛa, ásɛ ba laɡ ba laa ta.

Ɛsekeɛl 23:45

Nɛra ba wa aa toɡra ɛɛ tɛr ba deŋnee ba jwamane ne nɛra baa kpoora la waa, dɛkalkɛ ba di bolchɔɡe a ta.”

Ɛsekeɛl 26:10

Ba dɔma Babelɔn tena la jaɡre ɛɛ warɔɔ, a ɡel tutuɡ bɔle ba nɛ. Kwaa aa dɔ tɔre baa taɡa kɛ torɔɡo, ne anɔ la baa vɔwa pɛl jaɡre kpɔ bwɛjen la doonyoa la ta jo he be naa, a ɡbɔɡa ɛɛ yiiɡi danjwɛɛ laanee.

Ɛsekeɛl 26:7

Nemenɛ Korowii ŋɔ, “Mɛɛ ɡeloo Babelɔn Kooro Nebukadnesa waa ɛ koranar bwa koojen bá yo Taaya tena. O ne o laa tena ɛɛ warɔɔ le weekaŋle nyunduabɔr, bane valɛ, bane so jaɡre ne kwaa aa do kɛ torɔɡore baa vɔwa pɛl jaɡre ta, dɛ́ ba yoo ba.