Ɛsekeɛl 23:18 - mzwDBL

¹⁸ Bɛlbwa na o we-ɛɛla kɛŋɔ o ɛ hanjwamane. N baah diu n vɛoh ɡɛ maa vɛh o nahaah la.

Ɛsekeɛl 23:18 ပူးပေါင်းရင်းမြစ်များ

Yela 106:40

Anomanta, he baah di he nɛra nɛɛ kohona, asɛ he ki ba we-ɛɛla.

Yela 78:59

Korowii aa no ba waa la, o baah diu kɛrɛdɛ, anomanta, o vɛh Israel tena kwaraa.

Aesaya 3:9

Ba siebɔra ɡba dɛ baɡle ba nɛnsoo. Ba dɛ ɛ wechɔɡa kpelelee kɛŋɔ Sodom tena, baa an sɔh. Bá bwɛɛlɛ! Ba ɡbaɡbaa nyin ba wahala dɛ dɔ.

Aesaya 57:8

Hale he kpɔ he voɡa cheɡ he deremi dɛ tɔ ɡbeni a ta. He chwa mɛ, dɛɛ tomɛ voɡa, a do kɛŋɔ he ne aa dɛ chɔ mpa ta dɛɛ di sɛm ken. He bambile lawa taeh, he yoɡ he te tɛa he ne a pɛ dɛɛ ɛ wedoŋa.

Jeremia 12:8

N ɡbabir nɛra maa lee ba tɛ n te chwa mɛ, ba do kɛŋɔ nyujente waa lɔ kpɔɡ bini dɛɛ kɔr mɛ, anomanta, n hah ba.

Jeremia 15:1

Belaa Korowii bol n be ŋɔ, “Hale Mosis ne Samoɛl ba fa aa ɛ n bonɔɔna baa che n sie dɛɛ soŋe kwaraa naa, maa nɛra nɔ nɛɛ sune. Gel ba kaa, bá le n sie bonɔ kaa.

Jeremia 6:8

Jerusalam tena, hɛ́ɛ no jae maa dɛ ja heya, ɡɛ laa aa, mɛɛ vɛh heyaa, dɛ́ ɡel he harɛ chɔ pɛɛ, ásɛ nomɛlbwa aa wola won so o ta.”

Jeremia 8:12

Amɔ sihiih kpo ba ba wedoŋa baa ɛa nɔ ta kenɛ? Akai, sihiih ta ban kpoe, ba siebɔra ɡba dɛ baɡle kɛ sihiih ta ban kpoe. Anomanta, baa chɔɡoo kɛŋɔ bane aa chɔɡa la. Awola maa ba tɛr ba deŋne la, ba wobɛlbwa ɛɛ ba a jaɡaa. Men Korowiirii bola.

Wiile 2:7

Korowii vɛh kon baa ɛ saraha dɛɛ tɛo ta, dɛ ɡel o Dea waa do ɡoroŋ la. O ɡelɔ dɔma ba kuuɡi kooderemi danjwɛɛre. Dɔma la do silɛɛ lɔŋɔre bela ba fa aa dɛ tomɛ, kɛŋɔ tɔpejen baa lea cheɡ tɔpere bɛl ta ken.

Ɛsekeɛl 16:36

Kenii men Nemenɛ Korowii ɛɛ bol, ‘Haa pa he kondɔɔh ta, dɛ che mumɡbal kɛŋɔ hanjwamane, dɛ kpɔ he te tɛ baala dɛ tomɛ voɡa maa kia, dɛ kpoo he bii ɛ saraha tɛa la

Ɛsekeɛl 21:24

Anomanta, men Nemenɛ Korowii ŋɔ, ‘He wechɔɡa haa ɛa bwa chɔ baŋ. Nomɛlbwa naa dɛ na ɡɛ haa bera do ɡe bwa. Ba pa heyaa bolchɔɡe wobɛlbwa ta. Baa lawɛ heyaa laa taa dɛ́ kaa he ne.

Ɛsekeɛl 23:10

Ba wur Ohola laala o che mumɡbal, dɛ lawɛ o bibaala ne bihaahna bwa kaa, dɛ kpoo kere ne. A ɛ waa dɛ chɔ le haahna bwa ɛɛ bol o wa.

Ɛsekeɛl 23:19

Oholiba ta ɡelɛ a maɡre ɡɛ, o teŋɔ bɔ jwamane ɡɛ o toli saŋ o fa aa lɔ Ijipt harɛ ta la.

Ɛsekeɛl 23:9

Anomanta, n vɛoh tɛ Asiiria baala waa dɛ pɛlɛ ba nɛɛ kohona la.

Hosia 2:2

Korowii ŋɔ Israel tena be ŋɔ, “N bii, hé soŋe he bala baa do kɛŋɔ haah o jwamane nomanta, n haah naa wola on ɛɛ, o ɡe jaa laa men la, ó ɡel o bannyin la, dɛ́ ɡel jwamanwaa la.

Hosia 7:1

Korowii berɔ ŋɔ, “Saŋ bɛlbwa men Korowii aa ŋɔ ń chah n nɛra Israel tena dɛ́ ɡel ba dɔ kwaa ja la, ba nyubinikpeɡ ne ba wechɔɡa ɡboo mɛɛ na. Ba dɛ faah dɔŋa, dɛ jo deene dɛɛ ŋwɛ, dɛɛ ŋwɛ nɛra kwaa fɔɡbaahna.

Emɔs 5:21

Korowii ŋɔ, “N hah he tɔpejena haa dɛ di la, n sie aa a ta lɛ kwaraa.

Emɔs 6:8

Nemenɛ Korowii, Korowii Waa Ɛ Kpeɡri Bwa Dɔɔ ŋwɛɛ o ɡbaɡba ŋɔ, “N hah mbarafo Israel tena aa dɛ ɛ la, dɛ ki ba dekpeɡa baa soɡe a bini. Mɛɛ kpɔ bwɛjen la ne komɛlbwa waa lɔ o taa do ba dɔma nɔn ta.”

Sekaria 11:8

Korobibeŋkpoŋ ɡbo ta, n doŋi peteɡra batoro bane baa hah mɛ. Peera la chwao le n be, n mee le a wa.

Mmarare 32:19

Korowii na ɡɛ waa nɔ o baah di, o laa sie kpɔ he bibaala ne bihaahna nɛ,