Ɛsekeɛl 22:27 - mzwDBL

²⁷ Israel nomonome do kɛŋɔ ɡboli dɛɛ peeɡe ola aa kpoora la. Nɛŋkpoa taa ba che dɛɛ nyin kondɔɔh.

Ɛsekeɛl 22:27 ပူးပေါင်းရင်းမြစ်များ

2 Webena 36:14

Anɔ la aa bera ja laanee kɛŋɔ, Juda harɛ nomonome ne sɔfore, dɛ bela tena teŋɛ harɛre aa bar ba cheme kii we-ɛɛla Korowii aa kia ta, dɛ kaa tomɛ voɡa. A che a ta, ba kpɔ doŋa kah Korowii Dea Korowii ɡbaɡba aa ɡela o do ɡoroŋ Jerusalam la.

Sɛɡla 17:23

Nɛnchɔɡee ba sɔh dɛɛ yawɛ sen, asɛ wɛɛ berɛ waa sie.

Aesaya 1:23

He nomonome kpaŋe n nɛ, dɛ berɛ ka kpɔ ŋwɛɛra ɛ ba chamene tena. Ba dɛ nyin kɛ nɛra ɛɛ yaɡ ba sen, dɛ berɛ dɛɛ teŋɛ koŋkɛɛla ɡbo ta. Baa bilalbii waa bolɛ dɛɛ tɛɛ ba kɛrɛdɛ, ɡɛɛ baa wola sie do luhaahna waa ta.

Jeremia 34:19

Juda ne Jerusalam dɛ koodem nomonome, ne sɔfore dɛ harɛ la ta nɛra bwa n ne baa fɔwɛ fɔo ba valɛ kpɔ nabale baa pere o bini anɛ baah la,

Jeremia 41:7

Baa dena jo bwɛjen la bini la, Ismael ne baala baa ja o nɛɛ la kpoo ba bini fifraanuanɛ, dɛ paa ba ta kɔlɔŋ bɛl bini.

Jeremia 5:6

Anomanta, nyujente ɛɛ le kpɔɡ binii dɛ́ ba kpoo ba, ɡboli le pua hɛŋle ɡbo harɛ ta dɛ́ ba toɡri ba ola. Ásɛ noniete ba chɔ ba bwɛɛ dahare, dɛ́ toɡri nomɛlbwa waa le ola, dɛkalkɛ ba wechɔɡa kan, ba habɔɔ bera dɛ́ kpo Korowii ɡe ɡwaa.

Wiile 4:13

Kɛ a ɡɛ waa nɔ wono chiɡ, dɛkalkɛ a cheɡɛ Korowii keamere ne o sɔfore wechɔɡa ta, nɛra baa wola wechɔɡa bɛlbwa ɛɛ serewe.

Ɛsekeɛl 13:19

He chɔɡ mɛ dɛɛ tɛ n nɛra, dɛ lɛ mea nɔndela tama ne paanoo tama dɛɛ le ba be. Dɛ teŋe nyosone dɛɛ kpoo nɛra baa wola chɛ kɛ he kpoo, dɛɛ ɡel banɔ la baa chɛ kpoora. Gɛɛ he teŋe nyosone dɛɛ tɛ n nɛra asɛ baa yarada he wa.’

Ɛsekeɛl 22:13

Mɛɛ lɔ kpaŋa bandia nee dɛ kooɡa ta ba nɛ, ŋwɛɛ ne nɛŋkpoa la wa.

Ɛsekeɛl 22:25

Ba koranar do kɛŋɔ nyujentena yon lawɛ ola dɛɛ kaa dɛɛ kɔɡre la. Ba dɛ kpoo nɛra, dɛ pa ba suuɡare ne ba kondɔɔh bwa, a che a ta luhaahna warɛ o ta.

Ɛsekeɛl 22:3

Ŋɔ ba be ŋɔ, nɛra baa kpoora dɛ teŋɛ voɡa ta, dɛ kpɔ doŋa kah ba te nomanta, ba deŋnetɛra tɔpere dɛ ba.

Ɛsekeɛl 22:6

Na ɡɛ Israel koranar aa cheɡɛ ba ɡbaɡba kpeɡri ta dɛɛ kpoo nɛra!

Ɛsekeɛl 33:31

Gɛɛ ba yon dɛɛ ba he be saŋ bɛlbwa, dɛ́ ba so dɛɛ no waa haa dɛ bol, kɛ baa an kpɔe dɛɛ ɛ ɡɛ aa dɛ baɡle. Ba nyoo ɡboo ba kpɔ dɛɛ baɡle kɛŋɔ ba ɛ nɛndɛɛɡa, kɛ anɔ la baa dɔ ɡbo taa ba liire do.

Ɛsekeɛl 34:3

He dɛ nyɔ a elne, dɛ kpɔ a pona ɛ yale dɛɛ tɔ, dɛ kpoo anɔ la aa wera dɛɛ di. Kɛ haa a nɛɛ nyiŋi.

Ɛsekeɛl 36:12

Mɛɛ ɡeloo Israel tena haa ɛ n nɛra berɛ ba so harɛ la ta ja. Wɛ́ɛ ɛ he kapɛrɛ konee, lɔr aa he biirii kpo o ta kpa.

Ɛsekeɛl 45:8

Gɛ harɛ nɔɔ dɛ́ ɛ kooro la kon Israel harɛ ta, ásɛ n koranar aa n nɛraa dɛɛ fiiɡi kpa, dɛ́ tɛ Israel dea bɛlbwa ŋwɛnɛ ó dɔ o harɛ ɡɛ aa chɛa.”

Ɛsekeɛl 45:9

Nemenɛ Korowii ŋɔ, “Israel koranar, he wechɔɡa la ɡwaalɔ to. Hé ɡel naɡrenyin, ne fiiɡa haa dɛ fiiɡi nɛra la, dɛɛ ɛ anɔ la aa wera dɛ toɡre. He bɛ n nɛra doŋi le ba harɛ ta dɛ́ kpɔ ɛ he kon. Men Korowiirii bola.

Ɛsekeɛl 46:18

Kooro la ta chɛ kɛ ó lɛ nɛra la kapɛrɛ kon bɛlbwa le ba be. A chɛ kɛ ó tɛ o bii la ba ɡe harɛ ó ɛ ba ɡe kapɛrɛ kon, ɡɛ aa ɛ ásɛ n nɛra nɔ bini bɛlbwa komɛlbwa bɛ o nɔn ta le.”

Maeka 7:8

Ya dɔma, he bɛ ɡel he sie lɛ. A lole kɛ ya cholo te, yaa iruu. Ya lɔ biro ta te, Korowiirii dɛ́ do kɛ kandea dɛɛ chaah yaa bɔr.

Habakuk 2:9

Nomɛlbwa waa cheɡɛ ŋwɛnɛchɔɡe ta dɛɛ nyin kondɔɔh dɛ́ tɛ o nɛra, dɛɛ nyin bodɛɛɡe dɛ́ so, ásɛ nomɛlbwa bɛ won tel o be dɛ́ chɔɡo la, ó bwɛɛlɛ.

Sefania 3:3

Bwɛjen la nomonome do kɛŋɔ nyujentena aa dɛ dooɡe lɔŋɔre ken, o koranar ɡe do kɛŋɔ ɡboli aa lawɛ ol jɔmɔra, aa wola won haŋre dɛ́ ɡel hoɡ ɡba ka tɔɔ per o ta.

Matiu 21:13

dɛ ŋɔ ba be ŋɔ, “Ba chwerɔ do Korowii Tɔn la bini ŋɔ, ‘Baa yerɛ n Dea Korowii soŋebɔree,’ ɡɛɛ he te kpɔ bela berɛ ŋwɛɛra sɔɔhbɔr aa?”

Matiu 7:15

Hɛ́ɛ nyiŋi nyosonteŋna baa ŋɔa Korowii keameree ban la kɛrɛdɛ. He na ba aa, ba pwɛre kɛŋɔ peera ken. Kɛ ba bini te, ba sie beɡre kwaa kɛ ɡboli ken.

We-ɛɛla 20:29

N jemɔ kɛŋɔ maa dɛ kaa nɔ, nɛnchɔɡa ɛɛ jo he binii kɛŋɔ peteɡre toole naa, ɡboli yon jo peera baah dɛɛ larawa la.

We-ɛɛla 24:9

Ate, dɛ Juu tena baa lɔ bela la bwa deno pɛ dɛ sɛh ŋɔ kasinteŋii ba nɛn la bola la.