Ɛsekeɛl 22:14 - mzwDBL

¹⁴ Baa wono che n deŋnetɛra nyoa dɛ ta dɔ bokpeɡa awola maa ba tɛr ba deŋne la kɛɛ? N bol wa aa, n dɛ teŋɛ a ta. Men Nemenɛ Korowiirii bola.

Ɛsekeɛl 22:14 ပူးပေါင်းရင်းမြစ်များ

Job Tɔn 40:9

He kpeɡri tel men Korowii aa? He nyɛɡa ɡe ɛɛ won do kan kɛŋɔ n nyɛɡa, kɛŋɔ bwaala aa kɔra aa?

Aesaya 28:22

He bɛ jae maa dɛ ja heyaa nɔ mamɛ, ásɛ he wahala haa dɛ́ ba nae la bɛ he nɛɛ ba ɡwaa kohona. Korowii, Koranar Bwa Kooro bol n be, maɡla waa maɡla bil kɛŋɔ wɛɛ chɔɡ harɛ bwaa la.

Aesaya 31:3

Nɛraa Ijipt tena, Korowii laa ban, asɛ ba jaɡre ɡe ɛ ola, a ta kwaa aa bea yaa wola an na ɛɛ. Dɛ Korowii baa ir o nɔn dɛ́ tɛr nɛra deŋne aa, nomɛlbwa waa dɛ cha nɛra ɛɛ keeruu, ásɛ nɛra baa dɛ cha ba la ɡe choɡli, ásɛ ba nɛmbele banɛ la bwa pɛ dɛ́ chɔɡ.

Aesaya 45:9

Nɛn o ne Korowii waa tao la aa dɛ yo la, ó bwɛɛlɛ! Naate do kɛŋɔ vii ken. Choh ɛɛ won ŋɔ mamaa be ŋɔ waa o toma jemaa? Vii ɛɛ won bɔɔ mamaa waa aa bala o mao wa aa?

Jeremia 13:21

Dɛ nɛra haa dɛ lii ba he daamanar baa yo heya, dɛ pɔ he nɛɛ he do ba lɔɡa aa, bɔkwa waa hɛɛ ba bola ɔ? Hɛɛ doo kɛŋɔ haah loltea aa lɔɔ wɛɛ ba lola ken.

Ɛsekeɛl 17:24

Daa aa lɔ harɛ la ta bwa ɛɛ jemɔɔ kɛŋɔ men Korowii, n ɡelɔ daa waa do jaŋne mule, dɛ ɡel daa waa mula do jaŋne. N ɡelɔ da-lwɛɛ hol, asɛ daa waa hola moɡɛ papooni dɛ do wer. Men Korowiirii bola, mɛɛ ɛo.”

Ɛsekeɛl 21:7

Dɛ ba bɔɔre ŋɔ, ‘Ɛrɛɛ he bambile chɔɡ hɛɛ hime kohona naa’, ŋɔ ba be ŋɔ, ‘Waa a taa lɔ sie dɛɛ ba bala waa. Ɔmee ɛɛ lawɛ nomɛlbwa kohonaa ba bwara ɛɛ sa, ba bambile chɔɡ, ba bwara yɔr.’ A dɛ ba bala. Aa bao ɡe. Men Nemenɛ Korowiirii bola.”

Ɛsekeɛl 23:34

Hɛɛ nyɔ deŋnetɛra nee la bwa kpɛlɛŋŋ, dɛ́ kpɔ nɔn lɔ ela dɛɛ di suna. Men Nemenɛ Korowiirii bola.

Ɛsekeɛl 24:14

Men Nemenɛ Korowii bola. Saŋ telo kɛŋɔ ń ɛ waa maa ɛ name. Maa sie laa kpɔ he wechɔɡa ta, maa he sum ɡee na. Hɛɛ dɔ deŋnetɛraa, waa haa ɛa la wa. Men Nemenɛ Korowiirii bola.’ ”

Ɛsekeɛl 28:9

Hɛɛ won ŋɔ he ɛ voɡ nɛra baa dɛ ba ba kpoe la be naa? Nɛwɛnyinii hen, he ta voɡ ɛɛ nɛra baa kpoe la nɔn ta.

Ɛsekeɛl 36:36

Belaa harɛre aa kaa dɛ bar heyaa cheme la ɛɛ ba jema kɛŋɔ, menee bera ba vɔrɔwe bwɛjena a fa aa paɡra dɛ chɔ pɛɛ, dɛ berɛ ɡel harɛ la ɛ harɛpare la. Men Nemenɛ Korowiirii bola, mɛɛ ɛo ɡe.”

Ɛsekeɛl 5:13

N sie aa beɡre ń ba tɛr he deŋne n bandia kohona ne tonɛ n baah sɔɔh mɛ la, hɛɛ jemɔ kɛŋɔ men Korowiirii bola a ɛ ɡɛ.

Ɛsekeɛl 6:10

Anee dɛ́ ɡel ba jemɛ kɛŋɔ onee Korowii, kaeh waa kah ba la, aahra laa o aah ba pɛɛpɛɛ.’ ”

Ɛsekeɛl 7:17

Nomɛlbwa bwara ɛɛ yɔroo, ásɛ ba bwara ɛɛ sa.

Joel 2:11

Korowii tɔ o laa tena sie dɛ nyɛɡ, a do kɛŋɔ bwaala aa kɔra ken, o laa tena la ta nyoa dɔe, ba ɛ banyoola dɛɛ no o deŋna wa. Tɔpere Korowii aa lea cheɡ la ɔma kohona. Umee dɛ́ won che a nyoa ɔ?

Malakae 3:2

Umee dɛ́ won che o sie o bala tɔpere la ta nɔ? Umee dɛ́ won le a nyoa ɔ? Wɛɛ ɛo kɛŋɔ nii baa kpɔa dɛɛ mwɛɛ bune dɛ laa doŋa dɛɛ kpɔ a ta, kɛɛ simina waa nyɛɡa ken.

Amanesoma Mak Aa Chwera Tɔn 13:31

Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.

1 Kɔrent 10:22

Hei! He dɛ nyin he muɡli ya Dɔɔ baah o mee raa? Ya kpeɡri ɡwaalo wa aa?

Hibru 10:31

Wobɛlbwa toole dɛ do ɔma, kɛŋɔ haa ɛ wechɔɡ-ɛɛ dɛ jo Korowii waa lole saŋ bɛlbwa la nɔn ta.

1 Samoɛl 15:29

Korowii Israel tena aa dɛ tomɔ la dɔ jirima, waa nyosone teŋe, waa o liire ɡe charɛ. Nɛwɛnyini laa on ó charɛ o liire.”