Ɛsekeɛl 22:11 - mzwDBL

¹¹ Bane dɛ bɔ jwamane, bane ɡe lawɛ ba bii haahna, kɛɛ ba nimambii ba ne baa pɛ nya ɡbo, kɛɛ mɛɛ dɛɛ chɔ.

Ɛsekeɛl 22:11 ပူးပေါင်းရင်းမြစ်များ

2 Samoɛl 13:1

A habɔɔ la, Kooro Devid bibaa Absalɔm dɔ nimambihaah bɛl waa wola yalɛ baa yerɔ Taama, asɛ Kooro Devid bibaa Amnɔn ɛɛ nyinu. Dɛ o wer tolo kɛrɛdɛ.

2 Samoɛl 13:11

Waa kpɔa jo ka tɛo la, o ɡuɡru dɛ ŋɔ, “N nimambihaah, ɡel n ne he chɔ.”

2 Samoɛl 13:14

Kɛ Amnɔn ta o waa la ta sɛɛh, o bokpeɡa aa ɡwaalo nomanta, o wono ɡuɡru o ne o chɔ.

Jeremia 29:23

Dɛkalkɛ ba ɛ wedoŋa tenten Israel harɛ ta, ba dɛ nyin ba bala haahna, dɛ che n sɔn ta teŋe nyosone, a ɛ waa maa wola ban a ta doe. N jemɛ a bwa dɛɛ di a danseɛ. Men Korowiirii bola.’ ”

Jeremia 9:2

N dɛ nyin kɛ n fe aa dɔ bobɛl ka so pua hɛŋle ɡbo harɛ ta, dɛ́ le bela n nɛra aa lole. Ba bwa waa ta kasinteŋ dɔe, dɛ ɛ nɛnchɔɡa ɡbosoroo.

Ɛsekeɛl 18:11

o mɛɛ aa wola ane ɛɛ ka, kɛ o te ɛɛ di kwaa baa kpoora voɡare ta bwejena dor, dɛ lawɛ o bala haahna dɛɛ chɔ,

Ɛsekeɛl 18:6

waa kwaa Israel tena aa kpoora dɛɛ tɛ ba voɡa bwejena dor la di, waa ba voɡa ɡe tomɛ, kɛɛ waa o dɔŋ haah lawɛ dɛɛ chɔ, waa haah waa le dahara nyin,

Ɛsekeɛl 33:26

Hé ɛ nɛŋkpoa nɛra, dɛɛ tomɛ voɡa maa kia, dɛɛ nyin dɔŋa haahna. A chɛ kɛ harɛ nɔ ɛ he kon aa?’

Lewi Dea Tena 18:15

Bɛ he bie haah lawɛ chɔ. A chɛ kɛ he jemɛ kɛ he helaa. Aa were kɛ he lawɔ chɔ.

Lewi Dea Tena 18:20

Bɛ he dɔŋ haah lawɛ chɔ dɛ́ kpɔ doŋa kah he bwa.

Lewi Dea Tena 18:6

Nomɛlbwa, dɛ baa kɛɛ haahnee yoo, o ta chɛ kɛ o ne o lole tenten ka chɔ baa ne haah. Men Korowiirii bola.

Lewi Dea Tena 18:9

Dɛ́ɛ berɛ he nime kɛɛ nahaah lawa ka chɔ. Dɛ he mɛɛ, kɛɛ nya bie ɡboo ba pɛ lolɛ he ne on dembeŋkpoŋ ta kɛɛ dɛ bobɛlee ba lolɔ kwaraa noo.

Lewi Dea Tena 20:10

Dɛ baa nyin o dɔŋ haah naa, dɛ ba bwa bɔ jwamane, a chɛ kɛ bá kpo baa la ne haah la bwa.

Lewi Dea Tena 20:12

Baa bɛlbwa waa lawɛ o bie haah o ne o chɔ la chɛ kɛ bá kpo ba bwa. Ba ɛ waa aa wola were, ba sewɔ ɡe aa, ba wechɔɡa ɡure ba nyu ta.

Lewi Dea Tena 20:17

Dɛ baa mo o nimambihaah o ne waa pɛ mɛɛ kɛɛ nya, kɛɛ o nimambihaah o ne waa pɛ mɛɛ ne nya bwa naa, a ɛ sihihwa tenten. A chɛ kɛ bá laɡ ba ka che nɛnfuuh baah ta, dɛ́ per ba le ba nɛra bini. O do o nimambie la sihiih dɛ chɛ deŋnetɛra.

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

1 Kɔrent 6:9

Haa jemɛ kɛŋɔ wechɔɡ-ɛɛra aa Korowii Kora la taa ja kɛɛ? He bɛ he nyu neɡre. Nɛra baa dɛ ɛ sɛnwa, ne voɡtoroma, ne nɛra baa dɛ bɔ jwamane, ne baala ba ne ba bandɔŋa aa dɛ chɔ haah ne baa,

Galaasia 5:19

Nomɛlbwa jemɛ nɛwɛnyini mar wechɔɡa aa suu nɔ tetoowa. Anee kɛŋɔ jwamane, ne wedoŋa, ne pɛlchɔɡa we-ɛɛla te bwa soo siwi,

Mmarare 22:22

Dɛ he na baa dɛ o lawɛ o dɔŋ haah chɔ aa, hé kpo baa la ne haah la bwa, dɛ́ le ɡɛ wechɔɡa la ne Israel harɛ ta.

Mmarare 27:22

Bá berɛ ŋɔ, ‘Nomɛlbwa waa lawɛ o nimambie pɔrɔdɔ kɛɛ o mɛɛ bie kɛɛ o nya bie chɔ la, Kórowii taahno.’ Ásɛ Israel tena la bwa chaŋe ŋɔ, ‘Aamen!’

Hibru 13:4

A chɛ kɛ nomɛlbwa kpɔ duure dɛɛ tɛ hahmor, dɛ bɛ nɛmpɛɛne lawɛ dɛɛ chɔ dɛ ka ja ba haahna kɛɛ ba jaranar nɛ. Korowii ɛɛ tɛr nɛra baa dɛ ɛ wedoŋa baa ne haah chɔe be pera dɛɛ nyin ba dɔŋa haahna kɛɛ ba dɔŋa jaranar la deŋnee.