Ɛsekeɛl 21:9 - mzwDBL

⁹ “Nɛwɛnyini bie, bol waa aa dɛ ba bala dɛ́ ŋɔ, kenii mɛɛ bol, ‘N sar n kere o do nyɛɡre, asɛ wɛɛ nyɛɡle.

Ɛsekeɛl 21:9 ပူးပေါင်းရင်းမြစ်များ

Job Tɔn 20:25

Hɛma la ɛɛ yaɡ baa dɛ vah le, a nyoo aa dɛ nyɛɡle la yaɡɛ dɛ che ba pwɛ ta le. Ɔmee kohona ɛɛ chole ba nɛɛ,

Job Tɔn 9:22

A bwa beŋkpoŋ, a waa n ŋɔ, ‘Korowii dɛ chɔɡ nɛra ba wa aa toɡra, ne wechɔɡ-ɛɛra bwa la.’

Aesaya 27:1

Awola tɔpere la, Korowii ɛɛ kpɔ o kerejen waa nyɛɡa laanee tɛr oljen waa dɛ tuuɡi harɛ, dɛ ɛ harɛkon, dɛ ɡoɡli dɛɛ kaa sɔrr la deŋne. Onee mpo bini oljen Lɛvayatan la.

Aesaya 66:16

Nii ne laalee wɛɛ ba kpɔe tɛr harɛ nɔ nɛra bwa deŋne. Nɛra waa kpoo ba ɛɛ warɔɔ taeh.

Jeremia 12:12

Laa tena baa wara lɔ pua hɛŋle ɡbo harɛ deŋɡarere dor, dɛɛ ba dɛ́ ba chɔɡ nɛra ne kwa. Men Korowiirii kpɔ ba dɛɛ ba, bá ba yoo ba, dɛ́ chɔɡ harɛ la bwa ásɛ nomɛlbwa bɛ deŋnesɔɔhna dɔ.

Jeremia 15:2

Asɛ dɛ ba bɔɔre ŋɔ, ‘Leperaa yaa ba kaala aa,’ hé ŋɔ ba be ŋɔ waa Korowii aa dɛ bol laanee nɔ, ‘Weechɔɡaa dɛ́ kpoo bane, baa kpoo bane ɡe laa taa, ásɛ lɔr kpoo bane ɡe, mɔɔ ba lawɛ bane laa ta kaa bojaŋ harɛre ta.’

Jeremia 46:4

Hé kpɔ kwaa darawe jaɡre nɛ, dɛ́ teeh so a ta. Bɛlbwa ka che o chebɔr, dɛ́ kpɔ o ɡbɛrɛ pi. Hé sar he lampeare nyoo dɛ́ kpɔ he laa laala do.

Jeremia 47:7

Korowii aa ŋɔa kere la ka yo Askɛlɔn ne mpo nyoa tena bwa nɔ. Ɛrɛɛ wɛɛ ba wona chɔɔ?”

Ɛsekeɛl 21:15

O ɡelɔ ɔmee le n nɛra nɛɛ kohona ba choɡli. N kpɔ kere waa dɛ nyɛɡle kɛŋɔ bwaala la, dɛɛ aah ba ba bwɛjena doonyoo, dɛɛ ba ba kpoora.

Ɛsekeɛl 21:28

Anomanta, Nemenɛ Korowii ŋɔ men Ɛsekeɛl be ŋɔ, “Nɛwɛnyini bie, bol waa aa dɛ ba Amɔn tena baa dɛ chɛɡre Israel tena nɛɛ bala dɛ́ ŋɔ, ‘Ba pamɛ kere dɛ́ ba kpoo nɛra. Ba saro, ásɛ o do nyɛɡre dɛɛ nyɛɡle kɛŋɔ bwaala ken.

Ɛsekeɛl 21:3

n ne ba dɔɔ. Mɛɛ pamɛ n keree le o tɔɔ ta, dɛ́ kpoo nɛra ba wa aa toɡra ne wechɔɡ-ɛɛra bwa.

Ɛsekeɛl 21:4

Mɛɛ pamɛ n keree dɛ́ kpoo nɛra baa lɔ weekaŋle harɛbɔr ne weekaŋle nyunduabɔr bwa.

Ɛsekeɛl 21:8

Korowii berɔ bol waa n be dɛ ŋɔ,

Emɔs 9:4

A lole kɛŋɔ ba dɔma laɡ ba laa ta kaa bojaŋ harɛfale ta, mɛɛ ɡeloo bá kpoo ba laa ta. N siwi swɛɛ ba nɛ, ba wedɛɛɡa te waa laa, ba kpoora waa.”