Ɛsekeɛl 21:7 - mzwDBL

⁷ Dɛ ba bɔɔre ŋɔ, ‘Ɛrɛɛ he bambile chɔɡ hɛɛ hime kohona naa’, ŋɔ ba be ŋɔ, ‘Waa a taa lɔ sie dɛɛ ba bala waa. Ɔmee ɛɛ lawɛ nomɛlbwa kohonaa ba bwara ɛɛ sa, ba bambile chɔɡ, ba bwara yɔr.’ A dɛ ba bala. Aa bao ɡe. Men Nemenɛ Korowiirii bola.”

Ɛsekeɛl 21:7 ပူးပေါင်းရင်းမြစ်များ

2 Samoɛl 17:10

Hale banyoola baa do ɔma kɛŋɔ nyujente ɡba la dɛ ɔmɔ, dɛkalkɛ nomɛlbwa waa lɔ Israel harɛ ta jemɔ kɛ he mɛɛ ɛ banyoo tenten, o laa tena ɡe do kpeɡri.

2 Koranar 21:12

Anomanta, men Korowii Israel tena aa dɛ tom mɛ la ɛɛ kpɔ sibeɡraa ba ta Jerusalam ne Juda tena nɛ, ásɛ nomɛlbwa no dɛɛ ɔmɛ.

Yela 58:7

Gel ba nyoɡre kɛŋɔ nee aa pala ba kaa ken. Ba harɛ ba tori dɛɛ ba tae yaa, ɡel ba hɛma nyoo taŋ.

Kaala 15:15

Ɔmee ɛɛ lawɛ Edom koranaree kohona, Moab nomonome bwara yɔr baa chel, Keenan tena ɡe bwa ɛɛ heo kwara.

Aesaya 13:7

Gɛ saŋ telaa, nomɛlbwa bwara ɛɛ yɔroo, ásɛ ba hwɛɡa ɡe tonɛ.

Aesaya 28:19

Chɔɔ ne jwaana bwaa wɛɛ ba tae, saŋ te bɛlbwa waa ta la, wɛɛ kaa he nee.” Dɛ he no waa nɔ mun aa, ɔmee ɛɛ lawɛ heyaa kohonaa taeh.

Aesaya 35:3

Hé do banɔ la ba bwara aa yɔra la ɡbemba, bá won che kiŋkiŋ.

Aesaya 7:2

A ɡɛ waa nɔ tel Juda Kooro Ahas ne o nɛra be kɛŋɔ Siiria tena ne Israel tena pɛo ba harɛ la ta dɛ́ ba yoo ba, asɛ ba bwara yɔr dɛɛ sa kɛŋɔ peu aa taa jo daa bini la.

Jeremia 26:12

Ate, n ŋɔ nomonome la bwa ne nɛra la be ŋɔ, “Korowiirii tom mɛ ŋɔ ń ba bol waa aa dɛ ba Dea nɔ ne bwɛjen nɔ ta baɡle heya.

Jeremia 49:23

Korowii bol bwɛjen Damaskɔs tena waa dɛ ŋɔ, “Bwɛjena Hamat ne Aapad tena liire chɔɡɔ, dɛkalkɛ ba ta amanesoma noɛ. Ba bambile dɛ wure kɛŋɔ mpo nehɛma aa taa dɛɛ kaa bobɛlbwa ken.

Jeremia 50:43

Babelɔn kooro no ba wa, ɔmee ɡel o bwara yɔr. Weweele ne bambiteŋa ɡel o ɔmɛ kɛŋɔ haah loltea aa lɔɔ ken.

Jeremia 8:18

N bambile chɔɡɔ kohona, asɛ n loo ku.

Wiile 5:17

Gɛ ɡelɔ ya bambili bwa chɔɡ, siniire nomanta, ya sibie swɛɛrɔ, yaa wone dɛɛ na kɛrɛdɛ kpa,

Ɛsekeɛl 20:49

Belaa men Ɛsekeɛl ŋɔ, “Nemenɛ Korowii, ba dɛ bol n waa ŋɔ baa waa maa dɛ bol nɔ mun no, a do kɛŋɔ molbie.”

Ɛsekeɛl 21:15

O ɡelɔ ɔmee le n nɛra nɛɛ kohona ba choɡli. N kpɔ kere waa dɛ nyɛɡle kɛŋɔ bwaala la, dɛɛ aah ba ba bwɛjena doonyoo, dɛɛ ba ba kpoora.

Ɛsekeɛl 21:6

Anomanta, Nɛwɛnyini bie, ɡel he bambile chɔɡ he loo ku kohona hɛɛ hime, ásɛ nɛra bwa nae.

Ɛsekeɛl 21:8

Korowii berɔ bol waa n be dɛ ŋɔ,

Ɛsekeɛl 22:14

Baa wono che n deŋnetɛra nyoa dɛ ta dɔ bokpeɡa awola maa ba tɛr ba deŋne la kɛɛ? N bol wa aa, n dɛ teŋɛ a ta. Men Nemenɛ Korowiirii bola.

Ɛsekeɛl 24:19

Belaa nɛra la bɔɔ mɛ ŋɔ, “Haa won baɡle yaa a ɡɛ waa nɔ mun aa?”

Ɛsekeɛl 6:2

“Nɛwɛnyini bie, kpɔ sie pa Israel bwejena la ta, dɛ́ ka bol chɔɡa men Korowii aa dɛ ba a chɔɡa dɛ́ ŋɔ,

Ɛsekeɛl 7:17

Nomɛlbwa bwara ɛɛ yɔroo, ásɛ ba bwara ɛɛ sa.

Ɛsekeɛl 7:26

Harɛchɔɡ ɛɛ teŋɛ dɔŋa nɛɛ dɛɛ ba, waa aa wola kasinteŋ ɛɛ la ɡe ɛɛ warɔɔ saŋ bɛlbwa. Hɛɛ dɛɛ nyinuu kɛ he no wepila waa le n keamere be. N waa la nyoɡre sɔfore liire ta, baa won bola kpa. Nomonome ɡe aa won jemɛ ja nɛra kpa.

Daneɛl 5:6

O siebɔr ɡwaŋɔ, o liire chɔɡ, asɛ ɔmee lawɔ kohona o natuune ɛɛ sa dɛɛ lɔ dɔŋa.

Lewi Dea Tena 26:36

Kɛ he nɛra haa ba ka la te la, mɛɛ ɡeloo ɔmee chole banɛɛ kohona ba dɔma harɛre baa soɡe a ta la ta, ásɛ peu ta ba no papooni kwaraa sii dɛɛ chwa. Hɛɛ kpɔ sibeɡraa dɛɛ chwa kɛŋɔ baa pamɛ kere teŋɛ he nɛɛ la ken, ásɛ he ka choɡli dɛ nɛn aa heyaa doŋi.

Neehum 2:10

Niniwe bwa chɔɡɔ, ba pa o kwaa bwa kwaraa, o chɔ pɛɛ. Ɔmee su o nɛra bwa, ba natuune sɔɔh, ba bwara ɛɛ sa, ba siebɔra ɡwaŋre.

Amanesoma Luk Aa Chwera Tɔn 21:26

Nɛra bambile ɛɛ teŋoo kohona, ba lii waa aa dɛ ba bala la wa, ba hwaahɡe, dɛkalkɛ kwaa aa lɔ Korowii doa bwa yiiɡi dɛ́ chɔɡ.

Mmarare 20:8

Sitɔɔla la teŋɛ dɛ bol ja ŋɔ, ‘Hé bini bɛlbwa o bwara aa yɔra wɛɛ ɔmɛ la, kaa dem dɛ bɛ ba kpɔ maah o bala.’

Hibru 12:12

Anomanta, hé do banɔ la ba bwara aa yɔra ɡbemba, ba won che kiŋkiŋ.

Josua 5:1

Amɔre tena baa lɔ Jɔɔdan Moo la wee cholibɔr koranar, ne Keenan tena baa lɔ Mɛdetereenea Mpo nyoa koranar aa noa kɛŋɔ Korowii ɡelɔ Jɔɔdan Moo la teŋe, asɛ Israel tena won ɛɡɛ le o baŋ la, ba jum jaoh, ba hwɛɡa bwa tonɛ kɛŋɔ ba ne Israel tena aa won yo.

Josua 7:5

Ai tena doŋi Israel tena la le ba bwɛɛ doonyojen ta, dɛ kaa ba ne bobɛl baa dɛ pɛɡre bwea baa yerɔ Sebarem, dɛ kpoo ba nɛra fifraatoro dɛ banumɛl ŋwɛnɛ waa chɔa tu deŋɡare la ta. Israel tena baa ka dem la aa no waa la, ba bwara yɔrɔ taeh, ba sɔɔh kɛŋɔ noo ken.

1 Pita 4:7

Wobɛlbwa jaɡa tɔpere la telo. Anomanta, hé nyiŋi kɛrɛdɛ, dɛ́ ɡel he sie chɔ harɛ, ásɛ dɛ won dɛɛ soŋe Korowii kɛrɛdɛ.