Ɛsekeɛl 21:30 - mzwDBL

³⁰ Hé berɛ kpɔ kere la su o tɔɔ ta. Hé berɛ kaa harɛ baa lolɛ o ta he naawa bwɛ, belaa mɛɛ ba he deŋne tɛra.

Ɛsekeɛl 21:30 ပူးပေါင်းရင်းမြစ်များ

Mumpar 15:14

Kɛ mɛɛ tɛr a ɡɛ harɛ la tena deŋnee. Ba ne bela lee dɛ ba la, kondɔɔh tenten nee baa ba bela lee ba.

Ɛsekeɛl 12:10

ŋɔ ba be ŋɔ men Nemenɛ Korowii ŋɔ, ‘N waa nɔ ɛ Jerusalam kooro ne Israel tena bwa baa lɔ bela wa.’

Ɛsekeɛl 16:38

Mɛɛ tɛr he deŋnee kɛ haahna baa dɛ le ba jaranar habɔɔ, dɛɛ kpoo nɛra la ken. Mɛɛ kpɔ n bandia kohonaa ba ta he nɛ, dɛ́ kpoe bɔ kem.

Ɛsekeɛl 25:5

Mɛɛ ɡeloo bwɛjen Raba berɛ nyoɡmare dibɔr, ásɛ Amɔn harɛ bwa ɡe berɛ peera chɔɔbɔr. Hɛɛ jemɔɔ kɛŋɔ menee Korowii.’

Ɛsekeɛl 28:13

Dɛ he fa lɔ Eden bodɛɛɡe men Korowii aa du daa la, dɛɛ do kwaa aa wera kɛŋɔ, bwedɛɛɡa bwa soo siwi baa dɛ yera rubi, ne topas, ne emirad, ne kresolet, ne onis, ne jasepa, ne safaaya, ne tɛɛkoes dɛ bɛrel. Awola baa tae laanee ba ɛ ɡɛ kwaa nɔ ne suuɡaswɛm kwaa tɛɛ.

Ɛsekeɛl 28:15

He waa fa toole n waa bini le awola maa tae mɔɔ he baa ɛ wechɔɡa.