Ɛsekeɛl 21:28 - mzwDBL

²⁸ Anomanta, Nemenɛ Korowii ŋɔ men Ɛsekeɛl be ŋɔ, “Nɛwɛnyini bie, bol waa aa dɛ ba Amɔn tena baa dɛ chɛɡre Israel tena nɛɛ bala dɛ́ ŋɔ, ‘Ba pamɛ kere dɛ́ ba kpoo nɛra. Ba saro, ásɛ o do nyɛɡre dɛɛ nyɛɡle kɛŋɔ bwaala ken.

Ɛsekeɛl 21:28 ပူးပေါင်းရင်းမြစ်များ

Ɛsekeɛl 21:20

Ŋwɛnɛ la beŋkpoŋ ɛɛ chaɡle kooro la ŋwɛnɛ waa kpɔ o ta dɛ kaa Amɔn tena bwɛjen Raba la ta, ásɛ bɛl ɡe kaa Juda harɛ, Jerusalam bwɛjen baa ma danjwɛɛ baro la ta.

Jeremia 12:12

Laa tena baa wara lɔ pua hɛŋle ɡbo harɛ deŋɡarere dor, dɛɛ ba dɛ́ ba chɔɡ nɛra ne kwa. Men Korowiirii kpɔ ba dɛɛ ba, bá ba yoo ba, dɛ́ chɔɡ harɛ la bwa ásɛ nomɛlbwa bɛ deŋnesɔɔhna dɔ.

Aesaya 31:8

Asiiria tena ɛɛ serewoo dɛ ba ne nɛra laa yoa, kere waa wola nɛn kon ɛɛ dɛɛ ba ba kpoora. Baa chwa laa taa, ásɛ ba lawɛ ba bini bonɔɔna yoma.

Jeremia 46:10

Awola tɔpere la ɛ Korowii, Koranar Bwa Kooro Tɔpere, tɔpere waa dɛ ba o dɔma kem bɔe. O tokobii nee wɛɛ ba ba kpoora, dɛ́ nyɔ ba chal sɔɔh nyɔɡre waa dɛ kpoo nyoa. Korowii, Koranar Bwa Kooro ɛɛ kpoo o dɔmaa awola tɔpere, Yufretis Moo nyoa, weekaŋle nyunduabɔr.

Jeremia 46:14

“Bol waa nɔ Ijipt bwɛjen Miɡdol ne Mɛmfes, dɛ Tapanes nɛra be ŋɔ, ‘Hé nyin bɔra che dɛɛ kpa, dɛkalkɛ Babelɔn laa tena dɛ ba ba chɔɡ harɛre nɛra baa bar heyaa cheme.’

Ɛsekeɛl 36:15

Maa ɡel he no harɛre ta nɛra loro baa dɛ di heya, ne mama baa dɛ mamɛ heyaa la, kɛɛ dɛ́ ɡel he harɛ la paɡre kpa. Men Nemenɛ Korowiirii bola.’ ”

2 Webena 36:17

Anomanta, Korowii ɡelɔ Babelɔn Kooro Nebukadnesa ba yoo ba, dɛ kpo bonɔmbie baa lɔ Korowii Dea keri ne. Ba ta bonɔɔ kɛɛ tolo, banjena kɛɛ nomɛlbwa waa hwɛɛhra ɡelɛ. O kpɔ ba bwa do Kooro Nebukadnesa nɔn ta.

Ɛsekeɛl 17:13

O lawɛ koodem nɛra la bɛl o ne o fɔwɛ fɔo, asɛ Babelɔn kooro ŋwɛɛ baɡlo, dɛ berɛ lawɛ nomonome baa chɔ harɛ la nyoa ɡe ja kaa,

Ɛsekeɛl 17:15

Kɛ Juda kooro la ɛ deŋnekpeɡ dɛ ŋɔ waa won do Babelɔn kooro lɔɡa, asɛ o tomɛ toroma Ijipt harɛ ba ka kpɔ jaɡre ne laa tena baa wara ba. Aa won maɡre tɛo waa? Wɛɛ won le a nyoa aa? Wɛɛ won chɔɡ o ne o baah fɔo la waa wola deŋnetɛraa dɔ aa?

Hosia 9:9

Ba nɛra sen yawa lɛ ba liire to, kɛŋɔ ɡɛ saŋ ba fa aa lɔ bwɛjen Gebea la. Korowii ɛɛ lii ba nyubinikpeɡ laanee, dɛ́ tɛr ba deŋne a wa.”