Ɛsekeɛl 21:26 - mzwDBL

²⁶ Men Nemenɛ Korowii dɛ ŋɔ he be ŋɔ hé laa he kooɡbɛrɛ la pili dɛ́ laa yal haa kpɔa vɔwɛ nyu la kpɔ. Wobɛlbwa aa ɡɛ aa doa laanee do kpa. Dansaara ɛɛ di koraa, ásɛ koranar berɛ dansaara.

Ɛsekeɛl 21:26 ပူးပေါင်းရင်းမြစ်များ

Ɛsekeɛl 17:24

Daa aa lɔ harɛ la ta bwa ɛɛ jemɔɔ kɛŋɔ men Korowii, n ɡelɔ daa waa do jaŋne mule, dɛ ɡel daa waa mula do jaŋne. N ɡelɔ da-lwɛɛ hol, asɛ daa waa hola moɡɛ papooni dɛ do wer. Men Korowiirii bola, mɛɛ ɛo.”

Yela 75:7

Korowiirii bol nɛra waa dɛɛ pa bole. Onee dɛɛ pa boldɛɛɡe, dɛɛ pa bolchɔɡe ɡe.

Jeremia 13:18

Korowii berɔ ŋɔ ń ŋɔ kooro ne o nya be ŋɔ, “Hé le he kookane ta tu ba, dɛkalkɛ he kooɡbɛrɛre aa wera dɛ́ ba he nyuune ta lee.”

Amanesoma Luk Aa Chwera Tɔn 1:52

O ir kpeɡnɛra ba kora ta, dɛ ɡɔɔ nɛŋɡwɛɡra baa di kpeɡri.

Ɛsekeɛl 16:12

N kpɔ noniseɡ do he mee ta, dɛ doe deŋna kwa, dɛ kpɔ kooɡbɛrɛ waa wera pii.

Wiile 5:16

Komɛlbwa toole ya won dɛɛ tamane o waa kpa. Ya ɛ wechɔɡa nomanta, wenaale kohona ba ya nɛ.

2 Koranar 25:27

Baa lawɛ Juda Kooro Jehoiachin laa ta kaa Babelɔn harɛ bene fifraatoro dɛ anuanɛ la, ɡɛ saŋee Babelɔn Kooro Evil Mɛrɔdak di kora. O tɛ ŋwɛnɛ dɛ ɡel ba le Kooro Jehoiachin dea korobie fi dɛ anɛ, tɔpera fifraanɛ dɛ anuanɛ ta.

2 Koranar 25:6

Ba lawɔ kaa bwɛjen Ribla ka tɛ Babelɔn Kooro Nebukadnesa o ka bol o waa dɛ pao bolchɔɡe.

Jems 4:10

Hé pwɛr he te tɛ Korowii. Wɛɛ ɡɔɔ heyaa.

Sɛɡla 27:24

dɛkalkɛŋɔ suuɡa dɔe aa ɡɛ ka, ɡɛɛ kooɡbɛrɛ aa wola le chɔe dɛɛ tɛ naanar saŋ bɛlbwa.

Sitɔɔla 17:5

Dɛ Maeka nɔ dɔ voɡ dea, asɛ o ɛ batakaarebora kɛŋɔ sɔfo batakaare baa dɛ yerɔ efɔd la ken ne voɡa ane, dɛ kpɔ o bibaala la bɛl ɛ o kerekpoŋri.

Aesaya 47:12

Anomanta, ir nyu ne, dɛ́ do sie he kaberere ne he dobodobo we-ɛɛla aa wara he le a ne bechale saŋ, dɛɛ ɛa la. A ken ɛɛ won ɛ waane, he ken ɛɛ won kpɔ aah he dɔma.