Ɛsekeɛl 21:24 - mzwDBL

²⁴ Anomanta, men Nemenɛ Korowii ŋɔ, ‘He wechɔɡa haa ɛa bwa chɔ baŋ. Nomɛlbwa naa dɛ na ɡɛ haa bera do ɡe bwa. Ba pa heyaa bolchɔɡe wobɛlbwa ta. Baa lawɛ heyaa laa taa dɛ́ kaa he ne.

Ɛsekeɛl 21:24 ပူးပေါင်းရင်းမြစ်များ

Hosia 4:2

Taahna wobol ɡboo lɔ he nyoo, he dɛ teŋe nyosone, dɛɛ kpoo dɔŋa, dɛɛ ŋwɛ, dɛɛ chɔɡ yal, dɛɛ ɛ anɔ la aa wola were bwa dɛɛ ja. Nɛŋkpoa ɡboo harɛ nɔ ta bwa.

Ɛsekeɛl 24:7

Ba kpoo nɛra bwɛjen la ta, ba chale chɔ bwea ta, harɛpɛɛ ta laa a chɔ, ásɛ teera tɔ a ta.

Jeremia 15:2

Asɛ dɛ ba bɔɔre ŋɔ, ‘Leperaa yaa ba kaala aa,’ hé ŋɔ ba be ŋɔ waa Korowii aa dɛ bol laanee nɔ, ‘Weechɔɡaa dɛ́ kpoo bane, baa kpoo bane ɡe laa taa, ásɛ lɔr kpoo bane ɡe, mɔɔ ba lawɛ bane laa ta kaa bojaŋ harɛre ta.’

Jeremia 8:12

Amɔ sihiih kpo ba ba wedoŋa baa ɛa nɔ ta kenɛ? Akai, sihiih ta ban kpoe, ba siebɔra ɡba dɛ baɡle kɛ sihiih ta ban kpoe. Anomanta, baa chɔɡoo kɛŋɔ bane aa chɔɡa la. Awola maa ba tɛr ba deŋne la, ba wobɛlbwa ɛɛ ba a jaɡaa. Men Korowiirii bola.

Jeremia 6:15

Amɔ sihiih kpo ba wedoŋa baa ɛa nɔ ta kenɛ? Akai, sihiih ta ban kpoe kwara, ba siebɔra ɡba dɛ baɡle kɛ sihiih ta ban kpoe. Anomanta, baa chɔɡoo kɛŋɔ bane aa chɔɡa la. Awola maa ba tɛr ba deŋne la, ba wobɛlbwa ɛɛ ba a jaɡaa. Men Korowiirii bola.”

Jeremia 3:2

Hé ha sie dɛ́ nyiŋi deŋɡarere dor! Bobɛl lole haa wola jwamane ka bɔe yaa? He yon so ŋwɛnɛ nyoa dɛɛ kpa baala kɛŋɔ nɛra baa soɡe pua hɛŋle ɡbo harɛ ta, dɛɛ ɡaaɡe ken. He cheɡɛ nyubinikpeɡ ne jwamane ta, dɛ kpɔ doŋa kah harɛ la.

Jeremia 2:34

Nyaara baa wola wechɔɡa bɛlbwa ɛɛ he kpoo ba la chal ka he laala ta nɛra ɛɛ naa, a lole kɛŋɔ he ta ban lawɛ kɛŋɔ ŋwɛɛra ba jo he be. Kɛ ane a bwa,

Aesaya 3:9

Ba siebɔra ɡba dɛ baɡle ba nɛnsoo. Ba dɛ ɛ wechɔɡa kpelelee kɛŋɔ Sodom tena, baa an sɔh. Bá bwɛɛlɛ! Ba ɡbaɡbaa nyin ba wahala dɛ dɔ.

Ɛsekeɛl 21:23

Jerusalam tena noɔ waa baa yarada, fɔo ba ne kooro la aa fɔwa la wa. Kɛ aa ɡeloo ba lii ba wechɔɡa baa ɛa, ásɛ ba laɡ ba laa ta.

Ɛsekeɛl 21:25

Kooro haa dɛ nyiŋi Israel nɛɛ dɛ ɛ nyubinikpeɡ te kohona, he tɔpere baa tɛr he deŋne la telo tonɛ.

Ɛsekeɛl 23:23

Baala baa le Babelɔn ne Asiiria dɛ Kaldea tena baa lɔ Pɛkɔd ne Soa dɛ Koa bwa ɛɛ ba he bee. Mɛɛ boa laa nomonome baa wera bonɔɔna, ne harɛ la ta nomonjena, ne laa nomonome baa soɡe jaɡre ta dɛɛ yo la bwa nyoaa, ba ba he be.