Ɛsekeɛl 21:21 - mzwDBL

²¹ Babelɔn kooro cheɡɛ ŋwɛnɛ chɛchɛre la ta, dɛ kpɔ o hɛma bil daa, dɛ́ jemɛ ŋwɛnɛ waa kpɔ o ta. O kpɔ o voɡa bil dɛ kpɔ kondɛɛre waa kpoa pwɛ dɛɛ nyiŋi o ta.

Ɛsekeɛl 21:21 ပူးပေါင်းရင်းမြစ်များ

Sɛɡla 16:33

Nɛra dɛ ta bie dɛɛ nyin liire a ta, kɛ Korowiirii jemɛ ɡɛ aa chiɡ.

Sitɔɔla 18:20

Sɔfo la sɛoh silɛɛ ne dɛ pa batakaarebora waa do kɛ efɔd, ne voɡ baa sɛah ne deremi voɡa dɛ kwaa aa jaa bwa, dɛ teŋɛ nɛra la nɛɛ kaa.

Sitɔɔla 17:5

Dɛ Maeka nɔ dɔ voɡ dea, asɛ o ɛ batakaarebora kɛŋɔ sɔfo batakaare baa dɛ yerɔ efɔd la ken ne voɡa ane, dɛ kpɔ o bibaala la bɛl ɛ o kerekpoŋri.

Mumpar 31:30

N jemɔ kɛŋɔ he sie cheɡɛ chiŋ hɛɛ nyin bɔr dɛ́ kaa he bwɛ. Aah dɛ ɛrɛ waa he berɛ ŋwɛ n voɡa nɔɔ?”

Mumpar 31:19

Laban kaa o peera pona fona, asɛ Rakɛl ŋwɛ ba dem voɡa aa lɔ o mɛɛ be.

We-ɛɛla 16:16

Awola bɛl, ya dɛ la Korowii soŋebɔr moo nyoa bela dɛ ka na bitolo bɛl. Dɛ nɛra bane yomii, asɛ kwaa ɡe ɛɛ ir o nɛ, asɛ o yon dɛɛ voɡɛ. Dɛ o voɡa la ɡelɔ nɛra baa dɔɔ la ɛɛ dɔ suuɡa taeh.

Sekaria 10:2

Voɡa dɛ teŋe nyosone, voɡra waa baa dɛ na ɛ nyosone, deera mun baa dɛ baɡle la ta kasinteŋ ɛɛ, bolarawa baa kpɔa dɛɛ tɛ nɛra ɛ wesale. Anomanta, ba ɡelɔ nɛra nyoɡre kɛŋɔ peera aa wola teɡre dɔe, asɛ nɛra ɛɛ fiɡ ba.

Hosia 4:12

Daa baa teŋa ɛ voɡa taa baa la dɛ kaa bɔɔ ba nyuune wa, ásɛ daa la ɛɛ bol waa ba be. Ba laa ba te kpɔ men Korowii baa dɛ tom mɛ nɛ, kɛŋɔ hanjwamane dɛ kaa tomɛ voɡa ane.

Hosia 3:4

Gɛɛ Israel tena ɛɛ ba soɡa biɡri baa wola kooro kɛɛ nomoa bɛlbwaa dɔ. Baa saraharee ɛ, dɛ paaɡe bwea dɛɛ duura, ba sɔfore aa batakaareborii do, baa voɡaa cheɡ dɛɛ toma kpa.

Sɛɡla 21:1

Kooro bɛlbwa liire lɔ Korowii nɔn ta, kɛŋɔ nɛn yon pere bɔr tɛ nee wɛɛ kpɔ o ta la.

Sɛɡla 16:10

Kooro nyoa wobol do kɛŋɔ Korowii waa ken, waa bole pae ta koni.

2 Koranar 23:24

Waa aa jaa laanee kɛŋɔ, Kooro Josia le nɛra baa dɛ yerɛ lala, ne tɛɛɡa tena ne deremi voɡa, dɛ voɡa baa ɛa cheɡ, dɛ kii kwaa waa naa Juda harɛ ta ne Jerusalam bwa ne. Gɛ aa ɛ ásɛ tɔn waa nyoɡre Korowii Dea sɔfo Hilkia ka nao la waa won ɛ kasinteŋ.

1 Samoɛl 15:23

Dɛ he ɛ Korowii deŋnekpeɡ aa, a do kɛŋɔ haa dɛ tomɛ voɡa ken, bambikpeɡ ɡe do kɛŋɔ voɡa toma. Haa vɛh Korowii waa la nomanta, o ɡe vɛɛh kooro.”

Sitɔɔla 18:24

Anee o chaŋ ba ŋɔ, “Haa jemɛ waa haa ɛa aa? He kpɔ n voɡa maa ɛa ne n Kerekpoŋri kaa. Bɔkwaa n dɔ jaɔ?”

Sitɔɔla 18:18

Nɛra nɔ aa kaa jo Maeka dem dɛ ka pa a ɡɛ kwaa nɔ la, kerekpoŋri la bɔɔ ba ŋɔ, “Ɛrɛ ɡee hɛɛ ɛ ɡɛ nɔɔ?”

Sitɔɔla 18:14

Baala banue baa laŋa ka sɔh nyiŋi Lais harɛ la ŋɔ ba bala laa tena la be ŋɔ, “Hé jemɔ kɛŋɔ batakaarebora waa do kɛŋɔ efɔd ne dem voɡare baa sɛah kɛɛ dɛ loɡa lɔ deremi nɔ bɛl ta naa? Ɛrɛɛ chɛ kɛ yá ɛɔ?”

Mmarare 18:10

He bɛ he bibaala kɛɛ bihaahna kpoo, dɛ́ fuuh ba tɛ voɡa. He bɛ ajɔ kɛɛ sɔm ne voɡra ne bebee wa,

Nɛra Kura 23:28

Asɛ Kooro Balak kpɔ Balam kaa Peɔ Bwejen doa, bela haa che dɛ́ na pua hɛŋle ɡbo harɛ la.

Nɛra Kura 23:23

Sɔm we-ɛɛla aa won ɛ Israel tena wobɛlbwa, voɡre bɛlbwa ɡe aa ban wo. Taraken baa bol Israel tena waa ŋɔ, ‘He na waa Korowii aa ɛa tɛɛ ba.’

Nɛra Kura 22:7

Ate, Moab nomonome ne Midian nomonome la kpɔ suuɡa baa kpɔ ka tomɛ toma la kaa. Baa la Balam be la, ba bol waa Kooro Balak aa ŋɔa la.

Matiu 22:9

Name te hé le kaa fɔɡbaahna, dɛ́ ka yerɛ nɛra haa na ba la bwa ba hanfale kondikwaa la mun.’

Sitɔɔla 18:17

Baala banue baa kaa sɔh ɡaaɡe harɛ la ta la joɔ kaa dem la bini, dɛ ka kpɔ batakaarebora waa do kɛ efɔd la, ne voɡ baa sɛah la, ne deremi voɡa ane ne voɡ baa kpɔ suuɡapoŋa ɛo la, dɛ anɔ la aa jaa bwa. Asɛ kerekpoŋri la ne laa tena lafraanumɛl la ɡe che doonyoa la ta.