Ɛsekeɛl 21:20 - mzwDBL

²⁰ Ŋwɛnɛ la beŋkpoŋ ɛɛ chaɡle kooro la ŋwɛnɛ waa kpɔ o ta dɛ kaa Amɔn tena bwɛjen Raba la ta, ásɛ bɛl ɡe kaa Juda harɛ, Jerusalam bwɛjen baa ma danjwɛɛ baro la ta.

Ɛsekeɛl 21:20 ပူးပေါင်းရင်းမြစ်များ

2 Samoɛl 12:26

Anɔ bwa habɔɔ, Joab teŋɔ dɛ kpɔ o laa tena ka yo Amɔn tena bwɛjen baa dɛ yerɔ Raba o ɛ koobwɛɛ la ta, dɛ pɔ ba nɛ.

2 Samoɛl 5:9

Kooro Devid aa kaa yo Jerusalam dɛ pɔ o nɛra nɛɛ la, o kaa so bela dɛ pa o sɔn Kooro Devid Bwɛjen. O ma danjwɛkpeɡ baro dɛ le deŋɡare la wee leebɔr pera harɛ waa baro la ta.

2 Webena 26:9

Kooro Ussia ɡelɔ ba ma dejaŋa aa do kpeɡri Jerusalam Loŋkora Doonyoa, ne bɛl baa dɛ yerɔ Fɛlembɔjen Doonyoa, dɛ bela danjwɛɛ baa maa bar bwɛɛ la loŋkora ta.

2 Webena 32:5

Kooro Hɛsɛkea ɛ toma taeh, dɛ ɡel ba kwaa ma danjwɛɛ waa bar Jerusalam la bobɛla aa kuuɡa la, dɛ ma dejaŋa chɔŋɛ danjwɛɛ la ta. O berɔ ɡel ba ma danjwɛfale bɛl bar ombene la, dɛ che bwea su harɛ waa ɛ bɔɔ Kooro Devid Bwɛjen la ta. O berɔ ɛ dɔmkwaa ne kwaa baa kpɔa dɛɛ tɔ ɡbemɡbe laa ta warɛ.

2 Webena 33:14

A habɔɔ la, Kooro Manasɛ ɡelɔ ba kwaa ma danjwɛɛ waa lɔ Jerusalam, waa ɛ Kooro Devid Bwɛjen habɔɔ la, dɛ le Gehɔn bule waa lɔ felembɔjen bini wee cholibɔr, dɛ kaa Pɛŋe Doonyoa waa bar Ofel deŋɡare bɔr. O ɡelɔ ba mao o do jaŋne kohona, asɛ o kpɔ laa sitɔɔla ka so Juda harɛ bwɛjena baa ma danjwɛkpeɡa bara bwa ta.

Aesaya 22:10

He kure Jerusalam deene, asɛ dɛ kuuɡi ane dɛ kpɔ a bwea ma danjwɛɛ la o do kpeɡri.

Jeremia 49:2

Kɛ tɔpera ane dɛ ba, ásɛ n ɡel nɛra baa lɔ Amɔn harɛ bwɛjen Raba no laa lɔŋɔre. Bwɛjen la ɛɛ paɡroo dɛ́ berɛ dimɡbia, ásɛ o bwɛjeɡre aa baro bwa ɡe fuh. Belaa Israel tena ɛɛ ba banɔ la ba fa aa doŋ ba le ba harɛ ta la doŋa le. Men Korowiirii bola.

Wiile 4:12

Harɛre koranar, kɛɛ harɛ nɔ ta nɛn bɛlbwa, ta liire kɛŋɔ dɔma ɛɛ won kpɔ Jerusalam doonyojena ta jo o bini.

Ɛsekeɛl 25:5

Mɛɛ ɡeloo bwɛjen Raba berɛ nyoɡmare dibɔr, ásɛ Amɔn harɛ bwa ɡe berɛ peera chɔɔbɔr. Hɛɛ jemɔɔ kɛŋɔ menee Korowii.’

Emɔs 1:14

Mɛɛ ɡeloo nii ba fuh danjwɛjena aa bar bwɛjen Raba dɛ́ chɔɡ ba dekpeɡa. Dɔma ɛɛ do lɔŋɔree dɛ́ ba yoo ba awola, kɛŋɔ kawulewule aa dɛ ta ken.

Mmarare 3:11

Dɛ Kooro Ɔɡ ɡboo fa baa ka Refa tena baa kpeɡa la bini. Bunii ba kpɔ ɛ o mpa, dɛ o jaŋne ɛ naɡale fi dɛ atoro ne tama, o paɡri ɡe ɛ naɡale anumɛl. Mpa la ta lɔ Amɔn tena bwɛɛ Raba la ta, dɛ ba le fini.”