Ɛsekeɛl 21:11 - mzwDBL

¹¹ N fee kere la wɛɛ nyɛɡle, ásɛ dɛ pa mun ɛ o ne toma. N saro kɛrɛdɛ wɛɛ nyɛɡle dɛ́ kpɔ do nɛn waa kpɔ kpoo nɛra la nɔn ta.

Ɛsekeɛl 21:11 ပူးပေါင်းရင်းမြစ်များ

Ɛsta 4:1

Mɔdekae aa na waa baa ɛa la, o kɛɛ o laala dɛ kpɔ lweyal tɔ, dɛ ɛ tɔɔ do o nyu ta, a baɡle kɛŋɔ o tea bini chɔɡɔ. O valɛ bwɛjen Susa fɔɡbaahna dɛ dooɡe lɔŋɔre dɛɛ wi kohona.

Aesaya 22:4

A waa n ŋɔ, “Hé ɡel mɛ n wi n nɛra. He bɛ n bwara larawe n nɛra baa serewa nɔ wa.”

Jeremia 25:33

Gɛ saŋ la, nɛra baa kpoo ba laa ta la ɛɛ warɔɔ chɔ harɛ nɔ ta bobɛlbwa, le harɛ baŋ bɛl ba kaa o jaɡa. Nomɛlbwa aa ba lwee ɛ, a ba ɛ kɛŋɔ ba huɡ ba. Ásɛ ba chɔɡ, dɛ́ do kɛŋɔ nabena aa ɡela harɛ ɛɛ do wer ken.

Jeremia 25:9

wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la.

Ɛsekeɛl 21:10

N saro dɛ́ kpɔ kpo. O dɛ nyɛɡle kɛŋɔ bwaala nyɛɡla ken! Silɛɛ bɛlbwa aa n nɛra nɛɛ doe ba, dɛkalkɛ ba ta kaeh maa kah ba la ne n deŋnetɛra la ɔmɛ.

Ɛsekeɛl 21:12

Nɛwɛnyini bie, wi dɛɛ dooɡe lɔŋɔre, dɛkalkɛ n nɛra ne Israel koranar waa wɛɛ ba. Wɛɛ kpoo ba ne n nɛra kar bwaa. Kpɔ nɔɔra lɔ bambile á baɡle kɛŋɔ he hwɛɡa tonɔ.

Ɛsekeɛl 21:19

“Nɛwɛnyini bie, bil ŋwɛnɛre anɛ ásɛ Babelɔn kooro kpɔ o kere kpɔ a ta ba. A ɛ ŋwɛnɛre aa le harɛ beŋkpoŋ ta, dɛ́ pa daa o baɡle bela ŋwɛnɛre anɛ la aa pera kaa.