Ɛsekeɛl 21:10 - mzwDBL

¹⁰ N saro dɛ́ kpɔ kpo. O dɛ nyɛɡle kɛŋɔ bwaala nyɛɡla ken! Silɛɛ bɛlbwa aa n nɛra nɛɛ doe ba, dɛkalkɛ ba ta kaeh maa kah ba la ne n deŋnetɛra la ɔmɛ.

Ɛsekeɛl 21:10 ပူးပေါင်းရင်းမြစ်များ

Ɛsekeɛl 20:47

Bol kɔr la be ŋɔ men Nemenɛ Korowii ŋɔ, ‘Cheɡ deŋne dɛ no! N dɛ ba ɡela nii ba fuih, ásɛ dɛ chɔɡ he daa bwa, anɔ la aa hola ne anlwɛɛne bwa. Nomɛlbwa toole dɛ́ won dime nii la. Aa le weekaŋle harɛbɔree dɛ́ fuh ba kaa weekaŋle nyunduabɔr, ásɛ a nyaa nomɛlbwa.

Wepila 2:27

‘Wɛɛ kpɔ kpeɡrii dɛɛ nyiŋi harɛ nɔ ta nɛra bwa nɛɛ aŋwɛnɛ ta, dɛ́ lɔɔ ba, dɛ́ chɔɡ ba kɛŋɔ baa paɡre vii la.’ N Mɛɛ tɛ mɛ ɡɛ kpeɡri nɔ. N ɡe ɛɛ kpɔɔ tɛ naate la ɡɛ tenten,

Habakuk 3:11

Wee ne korobie cheɡɛ bobeŋkpoŋ nyundua, dɛkalkɛ he dɛ ta he hɛma ne he lampea, aa nyɛɡle al-al ken dɛ baa kaa.

Neehum 3:3

Laa tena soɡe jaɡre ta dɛɛ chwa dɛ́ ka yo, dɛɛ beɡre kerele fal fal, lampeare ɛɛ nyɛɡle al-al ken. Nɛra serewɔ pirim, lala daŋɛ chɔ ba ta nyoa dɔe, nɛra ɛɛ laala.

Neehum 1:10

He sennyɔɔra, nii ɛɛ fuh heyaa kɛŋɔ sɔɔhne aa kaɡre dawii baah ken.

Jeremia 46:4

Hé kpɔ kwaa darawe jaɡre nɛ, dɛ́ teeh so a ta. Bɛlbwa ka che o chebɔr, dɛ́ kpɔ o ɡbɛrɛ pi. Hé sar he lampeare nyoo dɛ́ kpɔ he laa laala do.

Wejereme 3:4

Wii tɔpere lole, mama ɡe dɔ o tɔpere, suna dii tɔpere lole, silɛɛ ne hɛɡra ɡe dɔ a tɔpera,

Ɛsta 3:15

Kooro aa do mmara la nomanta, toroma la ɛ warane dɛ kaa, asɛ bane kpɔ waa la perɛ koobwɛɛ Susa ta. Dɛ kooro ne Heeman soɡo dɛɛ nyɔ sen, asɛ bwɛɛ la bwa ɛɛ vuuɡi.

2 Samoɛl 7:14

Mɛɛ ɛ o mɛɛ, ásɛ o ɛ n bie. O ɛ wechɔɡa aa, mɛɛ tɛr o deŋnee kɛŋɔ mɛɛ yon dɛɛ tɛr o bie deŋne o wechɔɡa waa la.

Ɛsekeɛl 21:11

N fee kere la wɛɛ nyɛɡle, ásɛ dɛ pa mun ɛ o ne toma. N saro kɛrɛdɛ wɛɛ nyɛɡle dɛ́ kpɔ do nɛn waa kpɔ kpoo nɛra la nɔn ta.

Jeremia 23:20

Korowii bandia la nyoa aa sɔɔh, ka tel kɛŋɔ waa ɛ o tetoowa tonɛ. Tɔpera ane dɛ ba bala, ásɛ mɔɔ he no waa nɔ mun kɛrɛdɛ.

Ɛsekeɛl 21:4

Mɛɛ pamɛ n keree dɛ́ kpoo nɛra baa lɔ weekaŋle harɛbɔr ne weekaŋle nyunduabɔr bwa.