Ɛsekeɛl 20:8 - mzwDBL

⁸ Kɛ Israel tena ɛɛ mɛ deŋnekpeɡ, baa n waa no, ba ta voɡa la pae ta, ba ta Ijipt tena voɡare maa kia la ɡe ta leɛ. Anomanta, n ŋɔ mɛɛ kpɔ n bandiaa ba ta ba nɛɛ Ijipt harɛ ta.

Ɛsekeɛl 20:8 ပူးပေါင်းရင်းမြစ်များ

Nehemia 9:26

Kɛ ba ɛɛ deŋnekpeɡ dɛ le he habɔɔ. Ba laa ba liire kpɔ he Mmara ta teŋa ta. Ba kpoo he keamere baa kah ba ŋɔ, bá charɛ ba liire ba he be la. Ba bol wedoŋa dɛ taah he sɔn la.

Yela 106:23

He baah diu dɛ fee ŋɔ hɛɛ chɔɡ baa, kɛ Mosis waa ɛ he bonɔɔ, he leo tɛ he te la soŋe, dɛ sɔɔh he bandia nyoa, he ta ban chɔɡɛ kpa.

Yela 69:24

Gel he bandia kohona la ba ba nɛ, kpɔ he bandia waa do ɔma kohona ta ba nɛ.

Yela 78:17

Kɛ ba teŋɔ ɛ Korowii wechɔɡa, dɛɛ ɛ Nemenɛ Korowii deŋnekpeɡ, pua hɛŋle ɡbo harɛ la ta.

Yela 78:8

Baa doe ba kɛŋɔ ba naawa, ba ɛ bambikpeɡ tena ne nɛra baa wola waa bu. Baa ba te kpɔe dɛɛ dawɛ Korowii nɛɛ kɛrɛdɛ, ba waa ta kasinteŋ dɔe tɛo.

Yela 81:12

Anomanta, n ɡel ba deŋnekpeɡ waa tɛɛ ba, ba kaa ɛ anɔ la aa too ba tea.

Kaala 32:1

Nɛra la aa baa na kɛŋɔ Mosis biɡri bwejen la doa waa wola ba warane la, ba wuro ka tɔ Arɔn nɛ dɛ ŋɔ, “Taraken Mosis nɔ waa lawɛ yaa le Ijipt harɛ la, yaa jemɛ waa aa puu waa wola balɛ mɔɔ, anomanta, kwaa voɡa tɛ yaa á tɔ ya sie dɛ́ kaa ya ne.”

Aesaya 63:10

Ba ɛ deŋnekpeɡ o nɛɛ dɛ ɡel Korowii Domadɛɛɡe tea bini chɔɡ. Anomanta, Korowii berɛ ba dɔm dɛ yoo ba.

Jeremia 11:8

Kɛ ba ta deŋne cheɡɛ dɛ no n be. Dɛɛ teŋɛ ba deŋnekpeɡ we-ɛɛla ne wechɔɡa ta. Anomanta, n kpɔ taahna bwa aa lɔ fɔo la maa do ba ŋɔ ba fe ɛɛ teŋɛ a ta la ba ta ba nɛ, dɛkalkɛ ba ta n waa la noɛ.”

Jeremia 32:23

Kɛ baa bala dɛ ba so o ta la, ba vɛh he Mmarare la, ba ta waa haa do ba a ta kɛɛ waa haa baɡ ba la ta teŋɛ. A waa he kpɔ wenaale nɔ bwa ba ta ba nɛɛ la.

Jeremia 7:24

Kɛ ba ta deŋne cheɡɛ dɛ no n be, dɛ teŋɛ ba deŋnekpeɡ ne wechɔɡa we-ɛɛla aa lɔ ba bini la ta, dɛ chɔɡ ba te kwaraa.

Ɛsekeɛl 20:13

Kɛ ane a bwa, ba ɛɛ mɛ deŋnekpeɡ pua hɛŋle ɡbo harɛ ta bela. Ba ta n waa ta teŋɛ, dɛ vɛh me Mmarare nomɛlbwa fe aa teŋɛ a ta ásɛ dɛ fe dɔ mkpa la. Ba chɔɡ Ona Tɔpera la. Anomanta, n ŋɔ mɛɛ kpɔ n bandia ba ta ba nɛɛ kohona, dɛ́ chɔɡ ba bwa pua hɛŋle ɡbo harɛ ta bela.

Ɛsekeɛl 20:16

dɛkalkɛŋɔ, ba vɛh me Mmarare, ba ta n waa ta teŋɛ, dɛ chɔɡ Ona Tɔpera la. Ba liire bwa lɔ ba voɡare ta.

Ɛsekeɛl 20:21

Ba bii la ɡe ɛɛ mɛ deŋnekpeɡ. Bɛlbwa ta n waa ne me Mmarare la ta teŋɛ kɛrɛdɛ, a lole kɛŋɔ anee fe dɛ́ ɡel ba dɔ mkpa. Ba chɔɡ n Ona Tɔpera la. Asɛ n ŋɔ mɛɛ kpɔ n bandia kohonaa ba ta ba nɛ pua hɛŋle ɡbo harɛ ta bela, dɛ́ tɛr ba deŋne.

Ɛsekeɛl 20:7

N ŋɔ bá pa ba voɡa maa kia la ta, ba bɛ Ijipt harɛ ta voɡa nɛɛ teŋɛ, dɛ́ kpɔ doŋa kah ba te. Menee Korowii baa dɛ tom mɛ.’

Ɛsekeɛl 22:22

Gɛ baa dɛ mwɛɛ suuɡapoŋ nii ta la, ɡɛɛ mɛɛ ba heyaa mwɛɛla Jerusalam, ásɛ he jemɛ kɛŋɔ men Korowii, n kpɔ n bandia kohona ba he nɛ.’ ”

Ɛsekeɛl 23:3

Ijipt harɛ taa ba so, dɛ le ba toli saŋ kpɔ bannyin dawɛ ba sie ta, dɛɛ bɔ jwamane.

Ɛsekeɛl 5:13

N sie aa beɡre ń ba tɛr he deŋne n bandia kohona ne tonɛ n baah sɔɔh mɛ la, hɛɛ jemɔ kɛŋɔ men Korowiirii bola a ɛ ɡɛ.

Ɛsekeɛl 7:8

Maa biɡri dɛ́ kpɔ n bandia ba he nɛ, mɛɛ bol he waa haa ɛa la waa dɛ́ tɛr he deŋne waa maa kia he ɛa la wa.

Hosia 9:10

Korowii ŋɔ, “Gɛ saŋ maa na he Israel tena la, n sie lɛo kɛŋɔ maa na ɡrepo nɔna pua hɛŋle ɡbo harɛ ta ken. Maa na he naawa la, a do kɛŋɔ maa na fiɡ nɔnloɡle waa swɛɛra ken. Kɛ baa bera ka tomɛ voɡ Baal Bwejen Peɔ la, ba waa doŋo kɛ voɡ la ken.

Lewi Dea Tena 18:3

He bɛ ɛ kɛŋɔ Ijipt tena he fa aa soɡe ba bini la, ne Keenan tena maa dɛ kaa he ne ba bini nɔ. He bɛ ba we-ɛɛla la kpɔ.

Mmarare 9:24

Le ɡɛ saŋ maa jemɛ heyaa bwaa he le ɛ Korowii lwɛmkpeɡ.

Mmarare 9:7

Hé lii ɡɛ saŋ haa ɛ Korowii o baah di pua hɛŋle ɡbo harɛ ta, dɛ ɛo deŋnekpeɡ dɛ le ɡɛ saŋ haa le Ijipt harɛ ta dɛ ba tel bonɔ la.