Ɛsekeɛl 20:6 - mzwDBL

⁶ N berɔ ŋwɛɛ baɡ ba kɛŋɔ mɛɛ kpɔ baa le Ijipt harɛ ta ba harɛ maa nyina cheɡ ba ta, o ɛ harɛpare ondɛɛɡe ɡwaa harɛre bwa.

Ɛsekeɛl 20:6 ပူးပေါင်းရင်းမြစ်များ

Nehemia 9:12

He cheɡɛ bam waa do jaŋne kaa nyundua tɔ ba sie webaŋa, jwaana ɡe, he kpɔ nii waa tɛra kaa nyundua tɔ ba sie wɛɛ chaah ba won vala.

Nehemia 9:9

He na wahala ya naawa aa naa Ijipt harɛ ta, dɛ no ba wii Mposwɛm la ta, dɛ cha ba.

Yela 106:24

A habɔɔ, ba vɛoh kɛ baa jo harɛpare ondɛɛɡe la taa, dɛkalkɛŋɔ ba ta he waa haa baɡ ba nyoa la yaradae.

Yela 47:5

Korowii iro dɛɛ la ka so o kookara ta, nɛra hoh bɛle silɛɛ ne dɛɛ moo.

Yela 48:2

Korowii Saayɔn Bwejen wer, dɛ do jaŋne kohona, koojen la bwɛjen kpɔ silɛɛ baa tɛ harɛ nɔ ta nɛra bwa.

Kaala 13:5

Dɛ Korowii baa kpɔ heyaa tel Keenan ne Hiti ne Amɔre ne Hivi, dɛ Jebus tena harɛ waa ŋwɛɛra baɡle he naawa ŋɔ wɛɛ kpɔɔ tɛ heya ó ɛ he kon la ta, harɛpare ondɛɛɡe ta naa, a chɛ kɛ hé di a ɡɛ tɔpere nɔ korobie nɔ ta. Dɛkalkɛ o ba he ne harɛ o taa soma ta.

Kaala 3:17

Anomanta, o ŋɔ, wɛɛ lawɛ heyaa le Ijipt harɛ bela baa dɛ ɛ heyaa hɔhɔrɔwa kohona la, dɛ́ kaa he ne harɛpare ondɛɛɡe ta. Bela Keenan ne Hiti ne Amɔre ne Pɛrɛs ne Hivi dɛ Jebus tena aa soɡa la.’

Kaala 3:8

N tuo ba dɛ́ ba lɛɛ ba le Ijipt tena nɔn ta, ásɛ dɛ berɛ kpɔ ba ba harɛpare ondɛɛge ta. O do som Keenan ne Hiti ne Amɔre ne Pɛrɛs ne Hivi dɛ Jebus tena harɛ baa soɡe o ta la ta.

Kaala 33:3

Harɛpare ondɛɛɡe taa hɛɛ kaa la. He deŋne aa kpeɡa nomanta, n ne he laa dɛɛ ba kaala ásɛ n ken ka kpoo heya ŋwɛnɛ ta.”

Kaala 6:8

N baɡɛ Abraham ne Aesek dɛ Jekɔb nyoa kpeɡri nɛ harɛ maa ŋɔa mɛɛ kpɔɔ tɛɛ ba la wa. Mɛɛ kpɔɔ tɛ heya ó ɛ he kon pi. Men Korowii bola.’ ”

Jeremia 11:5

Belaa n fe ɛɛ ba harɛ maa baɡɛ ba naawa nyoa ŋɔ o ɛ harɛpare ondɛɛɡe la kpɔe tɛɛ ba ó ɛ ba kon. Harɛ baa soɡe o ta fini nɔ.” Anee n chaŋe ŋɔ, “N Naa Korowii, á ɛ ɡɛ.”

Jeremia 3:19

Belaa Korowii ŋɔ, “Israel tena, n dɛ nyin kɛ ń kpɔ heyaa berɛ n bii dɛ́ tɛ heyaa harɛ waa wera, harɛ waa wera kohona harɛre bwa ta. N liiro ŋɔ hɛɛ yer mɛ he mɛɛ dɛ bɛ habɔɔ berɛ kpo mɛ.

Jeremia 32:22

He kpɔ harɛpare ondɛɛɡe waa do ken nɔ tɛɛ ba, ɡɛ he fa aa baɡɛ ba naawa nyoa la.

Ɛsekeɛl 20:15

N berɔ ir nɔn pua hɛŋle ɡbo harɛ ta bela, dɛ ŋwɛɛ baɡ ba kɛŋɔ, maa ban kpɔ ba harɛ maa kpɔa tɛɛ ba la ta, harɛpare ondɛɛɡe dɛ ɡwaa harɛ bɛlbwa,

Ɛsekeɛl 20:23

N berɔ ir nɔn, dɛ ŋwɛɛ baɡ ba pua hɛŋle ɡbo harɛ ta bela kɛŋɔ, mɛɛ lɔ baa peɡre harɛ nɔ ta bwa,

Ɛsekeɛl 20:42

Maa ba he ne Israel harɛ ta la, anee hɛɛ ba jema kɛŋɔ menee Korowii haa dɛ tom mɛ la, harɛ maa ir nɔn dɛ ŋwɛɛ ŋɔ mɛɛ kpɔɔ tɛ he naawa la.

Ɛsekeɛl 20:5

dɛ́ ŋɔ Israel tena be ŋɔ men Nemenɛ Korowii bolɔ ŋɔ, ‘Awola maa le Israel tena tɛ n te la, n ir nɔn dɛ ŋwɛɛ baɡle Jekɔb naanar, dɛ kpɔ n te baɡ ba Ijipt harɛ ta kɛ menee Korowii baa dɛ tom mɛ la.

Ɛsekeɛl 47:14

Bɔno kɛrɛdɛ bɛlbwa dɔ o kon, dɛkalkɛ n ir nɔn dɛ ŋwɛɛ kɛŋɔ he naawaa n kpɔ harɛ nɔ tɛ. Harɛ nɔɔ dɛ́ ɛ he kapɛrɛ kon.

Daneɛl 11:16

Siiria kooro waa ka lɔ tɔ ba nɛɛ la, wɛɛ ɛɛ baa ɡɛ waa dɛ nyin, nomɛlbwa aa wola won tɔɔ ŋwɛnɛ. Wɛɛ ka che Israel Harɛdɛɛɡe la taa, ásɛ dɛɛ di kpeɡri o ta.

Daneɛl 11:41

Wɛɛ ba Israel Harɛdɛɛɡe la taa, harɛre ta nɛra ɛɛ serewoo, kɛ Edom ne Moab harɛre ta nɛra dɛ Amɔn harɛ ta nomonome te ɛɛ le a nyoaa.

Daneɛl 8:9

Nyeɡlejeɡa bɛl leɔ pa nyeɡlare la bɛl ta, dɛ di kpeɡri kohona chaɡɛ weekaŋle harɛbɔr ne wee leebɔr, dɛ kpoŋe kaa Israel Harɛdɛɛɡe la ta.

Lewi Dea Tena 20:24

N baɡɛ heyaa nyoa ŋɔ mɛɛ kpɔ ba harɛɛ tɛ heya hé so o ta o den ɛ he kon, harɛpare ondɛɛɡe. Menee Korowii haa dɛ tom mɛ n le heyaa korɛ harɛre nɛra bwa bini la.

Sekaria 7:14

N lɔ ba peɡre harɛfala ta kɛŋɔ kawulewule aa lɔ haahra dɛɛ peɡre la ken, bela ba fa aa kaa ɛ hɔɔhra la. Harɛdɛɛɡe la chɔ pɛɛ, nomɛlbwa toole o ta.”

Nɛra Kura 13:27

Ba ŋɔ Mosis be ŋɔ, “Ya laŋɔ ka nyiŋi harɛ haa tomɛ yaa o ta la. Kasinteŋ, o ɛ harɛ waa soma dɛ won kondikwaa ɛɛ kohona. Daa nɔna aa le o taa la.

Nɛra Kura 14:8

Dɛ Korowii sɛoh waa, wɛɛ tɔ ya siee, dɛ́ la ya ne harɛ la ta. O ɛ harɛpare ondɛɛɡe, wɛɛ kpɔɔ tɛ yaa.

Mmarare 11:9

ásɛ dɛ dɔ mkpajaŋ harɛpare ondɛɛɡe, Korowii aa ŋwɛɛ o waa he naawa be ŋɔ wɛɛ kpɔɔ tɛ ba ne ba naanar la.

Mmarare 26:15

N Naa Korowii, che he sobɔr waa lɔ nyundua ba sie ne harɛ, dɛ́ swee andɛɛɡa tɛ he nɛra Israel tena, harɛ haa tɛ yaa ɡɛ haa ŋwɛɛ ntam, dɛ baɡɛ ya naawa nyoa harɛpare ondɛɛɡe nɔ.’ ”

Mmarare 26:9

O kpɔ yaa ba harɛpare ondɛɛɡe nɔ ta dɛ ba kpɔ tɛ yaa.

Mmarare 27:3

ásɛ dɛ chwerɛ Mmarare la dawɛ a ta. Gɛ saŋ haa jo harɛ Korowii haa dɛ tomɔ nɔ aa kpɔa dɛɛ tɛ heyaa la ta la. O ɛ harɛpare ondɛɛɡe, ɡɛ Korowii he naawa aa tomɔ aa baɡɛ heyaa nyoa la.

Mmarare 3:25

N dɛ soŋe, le n ne Jɔɔdan Moo nɔ baŋ n ka na harɛdɛɛɡe la, ne deŋɡarere harɛ dɛ Lɛbanɔn harɛ la.’

Mmarare 31:20

Dɛ ŋɔ, Mɛɛ kpɔ baa kaa harɛpare ondɛɛɡe maa baɡɛ ba naawa o waa la ta. Baa dɔ kondikwaa bɛlbwa baa dɛ nyinii dɛ́ di ba bwara sɔɔh ba. Kɛ ane a bwa, baa ka le n habɔɔ, dɛ́ ka tomɛ voɡa. Baa vɛɛh mɛɛ dɛ́ chɔɡ fɔo n ne baa fɔwa la.

Mmarare 32:40

Maa dɔa ɛ Korowii maa wola sewɛ nɔ, n ir nɔn dɛɛ ŋwɛɛ

Mmarare 32:8

Nemenɛ Korowiirii tɛ harɛre nɛra ba harɛre. Onee nyiŋa dɛ jemɛ bela Israel tena aa so, dɛ tɛ harɛ bɛlbwa nyundua torome wɛɛ daah ba.

Mmarare 6:3

Israel tena, hé noa dɛ́ kaa teŋɛ a ta, ásɛ a do wer kɛrɛdɛ dɛ́ tɛ heya. Anee dɛ́ ɡel hé ya kohona harɛpare ondɛɛɡe ta, ɡɛ Korowii he naawa aa tomɔ aa baɡɛ heyaa nyoa la.

Josua 5:6

Israel tena aa le Ijipt harɛ ta la, ba ɡaaɡe pua hɛŋle ɡbo harɛ ta bene fifraanaarɛ, ka tel kɛ baala baa tela ne laa yoi bwa aa serewa. Ba ɛ deŋnekpeɡ ba ta Korowii waa la ta teŋɛ. Dɛ Korowii ŋwɛɛrɔ kɛŋɔ, nomɛlbwa waa wola o waa ta teŋɛ la aa harɛpare ondɛɛɡe o kpɔ baɡɛ ba naawa nyoa la taa tel.