Ɛsekeɛl 20:47 - mzwDBL

⁴⁷ Bol kɔr la be ŋɔ men Nemenɛ Korowii ŋɔ, ‘Cheɡ deŋne dɛ no! N dɛ ba ɡela nii ba fuih, ásɛ dɛ chɔɡ he daa bwa, anɔ la aa hola ne anlwɛɛne bwa. Nomɛlbwa toole dɛ́ won dime nii la. Aa le weekaŋle harɛbɔree dɛ́ fuh ba kaa weekaŋle nyunduabɔr, ásɛ a nyaa nomɛlbwa.

Ɛsekeɛl 20:47 ပူးပေါင်းရင်းမြစ်များ

Aesaya 13:8

Ɔmee ɛɛ chole ba nɛɛ, ba bwara wee ba chweeh, baa beɡre ba te kɛŋɔ loltea aa lɔ haah. Ba nyoa ɛɛ kpoo kohonaa, ásɛ sihiih kpo ba, baa nyiŋi dɔŋa.

Aesaya 30:33

Korowii kwaa bobɛl cheɡ tɛ Asiiria koojen saŋ bɛl biɡri, dɛ́ fuuh. O ɛ nimar bɔr o do luŋri dɛ do paɡri, ba pa damara bil a daŋɛ chɔ. Korowii hweera ɛɛ ɛo kɛŋɔ nii ne jebɔrɔwe ken, dɛ́ ba jo daa la ta a fuh.

Aesaya 66:24

Nɛra ɛɛ leo dɛ́ kaa nyiŋi banɔ la baa ɛɛ mɛ deŋnekpeɡ la lala kɛ baa serewa chɔ. Dudule aa dɛ di ba ola la aa sewɛ bwa, nii aa dɛ fuuh ba ɡe aa dime bwa, ásɛ ba waa pe nɛwɛnyina bwa.”

Jeremia 17:27

Kɛ dɛ he taŋ deŋne he ta Ona Tɔpere la dii o do ɡoroŋ, dɛ che bone dɛɛ jo Jerusalam doonyojena la ta naa, amɔ mɛɛ choŋi nii aa wola dime bwaa Jerusalam doonyojena bwa ta, ásɛ dekpeɡa bwa fuh.’ ”

Jeremia 21:12

Kooro Devid naanar, waa Korowii aa dɛ bol laanee nɔ. ‘Hé na kɛŋɔ waa aa wera dɛ toɡre lole tɔpere bɛlbwa, hé lɛ nɛra baa dɛ fiɡ ba le ba dɔɔranar nɔn ta, nɛra baa lɛ ba laala bwa la. Dɛ ɡɛ laa aa, n bandia ɛɛ fuuh kohona kɛŋɔ nii ken, bɛlbwa aa wola won sɔɔh o nyoa, wechɔɡa haa ɛa la wa.

Jeremia 21:14

Mɛɛ tɛr he deŋnee ɡɛ he we-ɛɛla aa doa. Mɛɛ ɡeloo nii le he kɔne bini dɛ́ fuh komɛlbwa aa lɔ a ta, Men Korowiirii bola.’ ”

Ɛsekeɛl 16:35

Anomanta, Jerusalam, he do kɛ hanjwamane. Dɛ́ɛ no waa Korowii aa dɛ bol he be.

Ɛsekeɛl 17:24

Daa aa lɔ harɛ la ta bwa ɛɛ jemɔɔ kɛŋɔ men Korowii, n ɡelɔ daa waa do jaŋne mule, dɛ ɡel daa waa mula do jaŋne. N ɡelɔ da-lwɛɛ hol, asɛ daa waa hola moɡɛ papooni dɛ do wer. Men Korowiirii bola, mɛɛ ɛo.”

Ɛsekeɛl 19:14

Nii le o kpale la bɛl ta dɛ fuh o ne o nɔna la bwa. Daa la kpale bɛlbwa toole dɛ do kpeɡri bá kpɔ ɛ koodaŋɡbala kpa.’ Wii aa chɛ kɛŋɔ bá wi laanee la.”

Ɛsekeɛl 21:10

N saro dɛ́ kpɔ kpo. O dɛ nyɛɡle kɛŋɔ bwaala nyɛɡla ken! Silɛɛ bɛlbwa aa n nɛra nɛɛ doe ba, dɛkalkɛ ba ta kaeh maa kah ba la ne n deŋnetɛra la ɔmɛ.

Ɛsekeɛl 21:32

Niinii mɛɛ ba kpɔe fuh heya. He ɡbaɡba harɛ taa hɛɛ ba serewa, baa wola he waa lii kpa. Men Korowiirii bola.’ ”

Ɛsekeɛl 24:5

Kpɔ pee ola la bela aa wera kɛrɛdɛ. Mar nii dɛ́ pa ola la do vii la bini, dɛ́ kpɔa chɔŋɛ nii ta.’

Amanesoma Luk Aa Chwera Tɔn 23:31

Da-lwɛɛ dɛ fuh aa, dahole te ta pɔeh yaa?”

Mmarare 32:22

N bwaawee ɛɛ iruu kɛŋɔ ninlao, dɛ́ fuh komɛlbwa aa lɔ harɛ nɔ ta. Aa fuuh tel harɛ bini ne bwejena mune bwa.