Ɛsekeɛl 20:40 - mzwDBL

⁴⁰ Saayɔn Bwejen waa do ɡoroŋ dɛ do Jerusalam la taa he Israel tena la bwa ɛɛ ba men toma. Belaa mɛɛ ba he saraha kwaa aa do ɡoroŋ, ne anɔ la aa le he bambile ta he kpɔ dɛɛ ba ba tɛ mɛ la lɛɛ. Men Korowiirii bola.

Ɛsekeɛl 20:40 ပူးပေါင်းရင်းမြစ်များ

2 Samoɛl 24:23

N naa kooro, n kpɔ anɔ bwa dɛɛ tɛɛ.” Dɛ berɛ ŋɔ, “Korowii haa dɛ tomɔ laanee dɛ́ no he wesoŋa.”

Yela 2:6

“N cheɡ n kooro n deŋɡare waa do ɡoroŋ Saayɔn ta.”

Aesaya 56:7

“Mɛɛ la he ne Saayɔn Bwejen waa do ɡoroŋ taa, dɛ́ tɛ heyaa silɛɛ n soŋebɔr bela. N siwi ɛɛ su kwaa baa fuah ɛ saraha dɛɛ tɛ mɛ n saraha kon ta laanee dɛ́ lɛa, dɛkalkɛŋɔ baa yerɛ n Dea Korowii soŋebɔree tɛ harɛre nɛra bwa.”

Aesaya 60:7

Baa kpɔ Keda peera bwaa ba tɛ heya, Nɛbayɔt pebala ɡe ɛɛ he kwaa, ásɛ he kpoora saraha kon ta tɛ men Korowii, dɛ́ kpɔ jirima ba n Dea.

Aesaya 66:20

Baa kpɔ he bala baa lɔ bela harɛre la ta laanee ba tɛ mɛ kɛŋɔ koŋkɛɛla ken. Jaɡre ne keeɡore ne nyoɡmare ne kwaa aa do kɛŋɔ torɔɡore, ne anɔ la aa dɔ tɔre baa taɡa nee baa ba koŋkɛɛla ne bala ba tɛ mɛ, n bwejen waa do ɡoroŋ ta Jerusalam. Baa ba a nee kɛŋɔ Israel tena yon kpɔ mea sarahare do kondɛɛɡa bini baa tɛ mɛ n Dea la ken.

Aesaya 66:23

Korobifale Tɔpejena dii ne Ona Tɔpere bɛlbwa ta la, nɛwɛnyina bwa ɛɛ ba tom mɛɛ Jerusalam bonɔ.

Jeremia 31:12

Baa bao dɛ ba ɡo silɛɛ yela Saayɔn Bwejen la ta, ásɛ ba sie lɛ n koŋkɛɛla, aa ɛ mea ne sen ne ɔleve no, dɛ peera ne nae bwa ta. Baa doo kɛŋɔ bodɛɛɡe ba du daa, bwaala nɛ o ta ken, dɛ́ dɔ kondɛɛɡa men Korowii aa kpɔ tɛɛ ba. Ásɛ ba sunaa di kpa.

Ɛsekeɛl 17:22

Nemenɛ Korowii berɔ ŋɔ, “N ɡbabir ɛɛ ku peleme daa la kpale waa kaa nyunduaa ásɛ dɛ ka chɔɔro. O kpale waa pama dɛ do o nyundujaɡlaa mɛɛ ba kui ka chɔɔ bwejen doa.

Ɛsekeɛl 17:23

Israel bwejen doaa mɛɛ ba o chɔɔra. Wɛɛ ta kpalaa, dɛ́ do wer dɛ́ nɔnɛ. Jumbii bwa soo siwi ba sɔh a kɔne bela, dɛ́ so o chunchule ta.

Ɛsekeɛl 28:14

N le Kerob cheɡ wɛɛ daahne. Dɛ he soɡe n bwejen waa do ɡoroŋ la ta, dɛɛ valɛ bwedɛɛɡa aa dɛ nyɛɡle baah ta.

Ɛsekeɛl 40:2

Korowii kpɔ mɛ kaa Israel harɛ ta ka chɔŋɛ bwejen bɛl waa kaa nyundua kohona doa chaahna ta. Bwejen la weekaŋle harɛbɔr, n na deene ane bela kɛŋɔ bwɛjen bɛl ken.

Ɛsekeɛl 43:12

Mmara waa chɔ le dɛ tɛ Korowii Dea laanee teŋa nɔ. Bwejen la doa ne bɔr waa baro bwa chɛ kɛŋɔ ó do ɡoroŋ kohona.

Ɛsekeɛl 43:27

Tɔpera anuanɛ nɔ ba a jaɡa aa, tɔpenuatoro wee la, sɔfore la chɛ kɛŋɔ bá kpɔ saraha kwaa haa fuah, ne deŋnesɔɔhna sarahare la ba saraha kon la ta, ásɛ n lɛ heyaa do. Men Nemenɛ Korowiirii bola.”

Obadia 1:16

N ɡelɔ n nɛra nyɔ n danana nee Saayɔn Bwejen waa do ɡoroŋ ta. Kɛ harɛre aa bara cheme nɔ nɛra ɡe ɛɛ nyɔ danana nee á ɡwaa a nɔ ka tel saŋ baa serewe.

Sefania 3:11

Gɛ tɔpere la, maa ɡel sihiih kpo heyaa he deŋnekpeɡ haa ɛɛ mɛ la waa kpa. Mɛɛ le mbarafo tena bwa nee n bwɛjen nɔ ta, ásɛ bɛlbwa ɡe aa won ɛɛ mɛ sisawaa n bweɡoroŋ n Dea aa chɔŋɛ o ta la ta kpa.

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Malakae 3:4

mɔɔ Korowii sie lɛ dɛ́ lɛ Juda ne bwɛjen Jerusalam nɛra saraha kwaa baa kpɔ baa tɛo la, ɡɛ a fa aa doa saŋ la.

Tɔn Pɔɔl Aa Chwerɛ Rom Tena 8:23

Maa dɛ ŋɔ nɔ, Korowii kontaala ɡbo bwara laa dɛɛ nyɛɡ. Ya nɛra yaa dɔ Korowii Domadɛɛɡe kɛŋɔ kwaa Korowii aa ba tɛ yaa la bini konloɡle la, ya ɡba bwara dɛ nyɛɡ. Ya dɛ nyiŋi Korowii ŋwɛnɛ kɛŋɔ wɛɛ ba ɛ yaa o biirii, dɛ́ lɛ ya bwadabii le wechɔɡa ne seo nɔn ta.

Hibru 13:15

Anomanta, a chɛ kɛ ya che Yeesu nɛɛ dɛ ɛ ya saraha dɛɛ tɛ Korowii saŋ bɛlbwa. Saraha yaa dɛ ba ɛɛ laanee kɛŋɔ yáa dɛɛ kpɛɛroo dɛɛ yerɛ o sɔn.

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

Wepila 12:1

N na wejena ane aa ɛ nyokpo wa dɛɛ baɡle waane Korowii doa. Haah bɛl kpɔ wee tɔ, dɛ kpɔ korobie ɡe do o nakpale lɔɡre, dɛ ɡuɡri weweela fi dɛ anɛ pi o nyu, kɛŋɔ kooɡbɛrɛ ken.

Wepila 21:10

Anee Korowii Domadɛɛɡe ir n nɛ, asɛ nyundua torome la kpɔ mɛ kaa bwejen bɛl doa. O kpeɡo kɛrɛdɛ. Belaa o baɡ mɛ Korowii bwɛjen Jerusalam la kɛ waa le Korowii be nyundua dɛɛ ba harɛ.